ပြည်ပြေးအဖြစ် ပြည်ပမှာ နှစ်ပေါင်းများစွာကြာနေထိုင်ခဲ့ ထိုင်းဝန်ကြီးချုပ်ဟောင်းသက်ဆင် လာမယ့်နှစ် ဖေဖော်ဝါရီလမှာ လွတ်ငြိမ်းခွင့်နဲ့ အပြီးပြန်လွတ်ဖွယ်ရှိနေ
ဂျန်ဇက် (NSS) - စက်တင်ဘာ ၁၉
ထိုင်းဝန်ကြီးချုပ်ဟောင်း သက်ဆင်ဟာ လာမယ့်နှစ် ဖေဖော်ဝါရီလမှာ အကျဉ်းထောင်ကနေ ပြန်လည်လွတ်မြောက်လာဖွယ်ရှိနေကြောင်း အကျဉ်းဦးစီးဌာနအရာရှိတစ်ဦးက ထုတ်ဖော်ပြောလိုက်ပါတယ်။
သက်ဆင်ဟာ ပြီးခဲ့တဲ့ သြဂုတ်လမှာ ထိုင်းနိုင်ငံကို ပြန်လာခဲ့ပြီးနောက် ထောင်ဒဏ် ၈ နှစ် ပြစ်ဒဏ်ကြောင့် အကျဉ်းထောင်ကို တိုက်ရိုက်ပို့ဆောင်ခံရပေမယ့် အကျဉ်းထောင်မှာ နေထိုင်ချိန်အတွင်း ကျန်းမာရေးမကောင်းတဲ့အတွက် ရဲဆေးရုံကို တင်ပို့ခံရသူဖြစ်ပါတယ်။
သက်ဆင်ဟာ ဝန်ကြီးချုပ်အဖြစ် တာဝန်ယူချိန်အတွင်း ၂ဝဝ၆ ခုနှစ်က စစ်အာဏာသိမ်းခံရသလို အကျင့်ပျက်လာဘ်စားမှုတွေရှိခဲ့တယ်လို့ စွပ်စွဲခံရမှုတွေကြောင့် ထောင်ဒဏ်မကျခံဘဲ ပြည်ပကို နှစ်ပေါင်းများစွာကြာထွက်ပြေးနေခဲ့သူဖြစ်ပါတယ်။
သက်ဆင်ဟာ ပြစ်ဒဏ်များ ကျခံဖို့ ထိုင်းနိုင်ငံကို ပြန်လာခဲ့ပြီးနောက် မကြာမီ ထိုင်းဘုရင်က သက်ဆင်ကို ပြစ်ဒဏ်များလျော့ပေါ့ပေးခဲ့ကာ သက်ဆင်ဟာလက်ရှိအချိန်မှာ ထောင်ဒဏ် ၈ နှစ်အစား ထောင်ဒဏ် ၁ နှစ်သာ ပြစ်ဒဏ်ကျခံရမှာဖြစ်ကြောင်း သိရပါတယ်။
ဒါပေမယ့် ထိုင်းဘုရင်ဟာ သက်ဆင်ရဲ့ပြစ်ဒဏ်ကို ထပ်မံလျော့ပေးဖွယ်ရှိနေကြောင်းသတင်းတွေလည်း ထွက်ပေါ်နေပါတယ်။ ထိုင်းအကျဉ်းဦးစီးဌာန ညွှန်ကြားရေးမှူးချုပ် Sitthi Sutivong က "သက်ဆင်ဟာ လက်ရှိအချိန်မှာ ကျခံရမယ့် ထောင်ဒဏ် ၁ နှစ်ထဲကနေ ထောင်ဒဏ် ၆ လလောက် ပြစ်ဒဏ်ခံပြီးရင်လွှတ်ငြိမ်းခွင့်ရဖို့များတယ်။ ထိုင်းအကျဉ်းဦးစီးဥပဒေတွေထဲမှာ အသက် ၇ဝ နဲ့အထက်ရှိသူ ဒါမှမဟုတ် ကျန်းမာရေးမကောင်းသူတွေကို လွတ်ငြိမ်းခွင့်ပေးမယ်ဆိုတဲ့အချက်တွေ ရှိနေတယ်" လို့ ပြောပါတယ်။
ထိုင်းနိုင်ငံရေးတက်ကြွလှုပ်ရှားသူတွေဟာလည်း သက်ဆင်ကို လွတ်ငြိမ်း ချမ်းသာခွင့်မပေးဖို့ တောင်းဆိုခဲ့နေသလို အကျဉ်းထောင်ထဲပြန်ပို့ဖို့ တောင်းဆိုနေတာမျိုးတွေ ရှိနေပါတယ်။
လက်ရှိအချိန်မှာ သက်ဆင်ဟာ ရဲတပ်ဖွဲ့ဆေးရုံမှာ တက်ရောက်ကုသနေရာ အကျဉ်းထောင်မှာ ဘယ်လောက်နေရမလဲဆိုတဲ့အချက်က ဆေးပညာရှင်တွေက ဆုံးဖြတ်မှာဖြစ်တဲ့အတွက် ဆေးရုံမှာနေထိုင်ရမှု အချိန်အကန့်အသတ်ရှိမှာမဟုတ်ကြောင်း ထိုင်းအကျဉ်းဦးစီးဌာန ညွှန်ကြားရေးမှူးချုပ်က ပြောပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နိုင်ငံရေးပါတီအချို့က တင်ပြလာသည့် ပါတီဝင်များစာရင်းတွင် ဝန်ထမ်းများအပြင် ဥပဒေနှင့်အညီ နေထိုင်သူစာရင်း၌မရှိသူများပါဝင်နေဟု UEC ဆို
RELATED POSTS
23 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ