ဂျန်ဇက် (NSS) - စက်တင်ဘာ ၁၇ 

ကမ္ဘာကျော်ဘီလျံနာတစ်ဦးဖြစ်တဲ့ ဂျော့ဆိုးရော့စ်ဟာ လစ်ဘရယ်အယူအဆ အတွေးအခေါ်များ ပိုမိုပျံ့နှံ့စေဖို့ တွန်းအားပေးမှုအဖြစ် လက်ဝဲ အုပ်စုများ ဖန်တီးထားတဲ့  TikTok အဖွဲ့တစ်ဖွဲ့ကို ပြီးခဲ့တဲ့နှစ်က အမေရိကန်ဒေါ်လာ ၃ သိန်းကျော် ကူညီထောက်ပံ့ပေးခဲ့ကြောင်း နယူးယောက်ပိုစ့်သတင်းဌာနက ဖော်ပြထားပါတယ်။

ဂျော့ဆိုးရော့စ်ဟာ ၂ဝ၂ဝ ပြည့်နှစ် နဲ့ ၂ဝ၂၁ ခုနှစ်မှာ  Accelerate Action Inc. ကို အမေရိကန်ဒေါ်လာ ၅ ဒသမ ၅ သန်း ကူညီထောက်ပံ့ပေးခဲ့ပြီး Accelerate Action Inc.  အဖွဲ့က ၂ဝ၂၂ ခုနှစ်မှာ လက်ဝဲအုပ်စုများ ဖန်တီးထားတဲ့  TikTok အဖွဲ့တစ်ဖွဲ့ဖြစ်တဲ့ Gen Z for Change ကို အမေရိကန်ဒေါ်လာ ၃ သိန်းကျော် ထပ်မံကူညီပေးခဲ့ကြောင်း၊ အဆိုပါအဖွဲ့ဟာ အမေရိကန်အစိုးရရဲ့ထိန်းချုပ် ညွှန်ကြားမှုအောက်မှာရှိနေတဲ့ အဖွဲ့အစည်းဖြစ်ကြောင်း အမေရိကန်သတင်းဌာန က ဖော်ပြထားပါတယ်။

Gen Z for Change  အဖွဲ့ဟာ လက်ဝဲအယူဆရှိတဲ့တက်ကြွလှုပ်ရှားသူများ၊ ဖန်တီးသူများနဲ့ organizers များ ပါဝင်နေပြီး အဖွဲ့ဝင်ဦးရေ အနည်းဆုံး ၅ဝဝ ကျော် ရှိနေကြောင်း သိရပါတယ်။ အဆိုပါအဖွဲ့ဟာ ကိုယ်ဝန်ဖျက်ချ ခြင်း၊ လက်နက်ထိန်းချုပ်ရေး၊ လွတ်လပ်စွာရွှေ့ပြောင်းသွားလာခွင့်၊ စတဲ့ ကိစ္စတွေကို အဓိကထားကာ လှုံဆော်နေ တဲ့အဖွဲ့အစည်းဖြစ်ပါတယ်။ 

အမေရိကန်သမ္မတ ဂျိုးဘိုင်ဒန်ဟာ ပြိုင်ဘက်ပါတီဖြစ်တဲ့ ရီပတ်ဘလီကန်ပါတီဝင်များအပြင် သူရဲ့မက်ဆေ့များ ပိုမိုကျယ်ပြန့်စေဖို့ ရည်ရွယ်ချက်နဲ့ Gen Z for Change အဖွဲ့ကို ဖွဲ့စည်းခန့်အပ်ထားခြင်းဖြစ်ကြောင်း သိရပါတယ်။

အမေရိကန်အစိုးရဟာ Gen Z for Change အဖွဲ့ဝင်များကို အိမ်ဖြူတော်ကို ဖိတ်ခေါ်ခြင်းများလည်း ရှိခဲ့ရာ အဆိုပါအဖွဲ့နဲ့ အမေရိကန်အစိုးရကြား ဆက်ဆံရေးဟာ မီဒီယာတွေကြား လူပိုမိုစိတ်ဝင်စားလာခဲ့ကြောင်း သိရပါတယ်။ ဂျော့ဆိုးရော့စ်ဟာ ပြီးခဲ့တဲ့နှစ်အတွင်း ဒီမိုကရက်တစ်ပါတီကိုယ်စားလှယ်လောင်းများ နဲ့ လစ်ဘရယ်အဖွဲ့အစည်းများ၊ လက်ဝဲအယူအဆ အားသန်တဲ့အဖွဲ့အစည်းတွေကို အမေရိကန်ဒေါ်လာ ၁၂၈ သန်း ကူညီထောက်ပံ့ပေးခဲ့ဖူးကြောင်း သိရပါတယ်။

ဂျော့ဆိုးရောစ့်ဟာ ပြီးခဲ့တဲ့နှစ်မှာ ၎င်းတည်ထောင်ထားတဲ့  Open Society Foundations ကို သားဖြစ်သူ အဲလက်စ်ဆိုးရောစ့်ထံ လွှဲပြောင်းပေးခဲ့ဖူးကြောင်း သိရပါတယ်။