ဗိုလ်ချုပ်မှူးကြီးမင်းအောင်လှိုင်နှင့် ထိုင်းဘုရင့်လေတပ်ဦးစီးချုပ်တို့ နေပြည်တော်၌ တွေ့ဆုံဆွေးနွေး
မျိုးကြီး (NSS) - စက်တင်ဘာ ၁၆
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် နှင့် ထိုင်းဘုရင့်လေတပ်ဦးစီးချုပ် Air Chief Marshal Alongkorn Vannarot တို့သည် နေပြည်တော်၌တွေ့ဆုံဆွေး နွေးခဲ့ကြောင်း သိရသည်။
တွေ့ဆုံပွဲကို ယမန်နေ့(စက်တင်ဘာလ ၁၅ ရက်)၊ နံနက်ပိုင်းတွင် နေပြည်တော်ရှိ ဇေယျာသီရိဗိမာန်ဧည့်ခန်းမဆောင်၌ တွေ့ဆုံဆွေးနွေးခဲ့ခြင်းဖြစ်ကြောင်း နစကမှ သတင်းထုတ်ပြန်ထားသည်။
နှစ်နိုင်ငံတပ်မတော်နှစ်ရပ်အကြား ပူးပေါင်းဆောင်ရွက်လျက်ရှိသည့်အခြေအနေများအပါ အဝင် မြန်မာ့တပ်မတော်(လေ) နှင့် ထိုင်းဘုရင့်လေတပ်အကြား ပူးပေါင်းဆောင်ရွက်နေသည့်အခြေအနေများကို နှစ်ဖက်အကြား ဆွေးနွေးခဲ့သည်ဟု နစကမှ အသိပေးထားသည်။
ထို့ပြင် မြန်မာ-ထိုင်းတပ်မတော်နှစ်ရပ်အကြား အဆင့်မြင့်အရာရှိကြီးများအစည်းအဝေး (HLC) နှင့် မြန်မာ-ထိုင်းဒေသဆိုင်ရာနယ်ခြားကော်မတီအစည်းအဝေး(RBC)ကို နှစ်စဉ်ဆောင်ရွက်နေသည့်ကိစ္စရပ်များကိုလည်း ထည့်သွင်းဆွေးနွေးခဲ့ကြောင်း သိရသည်။
၎င်းတွေ့ဆုံပွဲသို့ ဗိုလ်ချုပ်မှူးကြီးမင်းအောင်လှိုင်နှင့်အတူ ဒုတိယဗိုလ်ချုပ်ကြီးရဲဝင်းဦး၊ ကာ ကွယ်ရေးဦးစီးချုပ်(လေ)ဗိုလ်ချုပ်ကြီးထွန်းအောင်အပါအဝင် တပ်မတော်အရာရှိအချို့ တက်ရောက်ခဲ့ပြီး ထိုင်းဘုရင့်လေတပ်ဦးစီးချုပ်နှင့်အတူ တပ်မတော်အရာရှိအချို့တို့ တက်ရောက်ခဲ့ကြောင်း သိရသည်။
ထို့ပြင် ကာကွယ်ရေးဦးစီးချုပ်(လေ)ဗိုလ်ချုပ်ကြီးထွန်းအောင်သည် ထိုင်းဘုရင့်လေတပ်ဦးစီးချုပ်ကို ယမန်နေ့ နံနက်ပိုင်းတွင်လည်း ဂုဏ်ပြုတပ်ဖွဲ့ဖြင့် ကြိုဆိုခဲ့ပြီးနောက် နှစ်ဖက်အ ကြားတွင်လည်း တွေ့ဆုံဆွေးနွေးမှုများ ပြုလုပ်ခဲ့ကြောင်း သိရသည်။
လေတပ်ဦးစီးချုပ်(၂)ဦးအကြားတွင် မြန်မာ-ထိုင်းနှစ်နိုင်ငံချစ်ကြည်ရေးခရီးစဉ် အပြန်အ လှန်လည်ပတ်ရေးဆိုင်ရာကိစ္စရပ်များ၊ သင်တန်းသားစေလွှတ်ရေးဆိုင်ရာကိစ္စရပ်များ၊ နှစ်နိုင်ငံလေတပ်နှစ်ရပ်အကြား ဆက်ဆံရေးကောင်းမွန်ရေးကိစ္စရပ်များကိုလည်း ထည့်သွင်းဆွေးနွေးခဲ့ကြောင်း သိရသည်။
ထိုင်းဘုရင့်လေတပ်ဦးစီးချုပ်သည် မြန်မာနိုင်ငံက အိမ်ရှင်အဖြစ် ကျင်းပသည့် အကြိမ်(၂၀) မြောက် အာဆီယံလေတပ်ဦးစီးချုပ်များအစည်းအဝေးသို့ ကိုယ်တိုင်လာရောက်ကာ တက်ရောက်ခဲ့ပြီးနောက် အထက်ပါကဲ့သို့ သီးခြားစီတွေ့ဆုံဆွေးနွေးမှုများကို ပြုလုပ်ခဲ့ခြင်းလည်းဖြစ်သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပြည်တွင်း၌ လာရောက်ရင်းနှီးမြှုပ်နှံနေသည့် အိန္ဒိယစီးပွားရေးလုပ်ငန်းရှင်များ၏ ပြည်ဝင်ဗီဇာနှင့်နေထိုင်ခွင့်ကို လုပ်ထုံးလုပ်နည်းများနှင့်အညီ ဆောင်ရွက်ပေးနေဟုဆို
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း