အီရန်နိုင်ငံကို ရုရှားနိုင်ငံက ခေတ်မီစစ်လက်နက်ပစ္စည်းများလွှဲပြောင်းပေးမှာကို စိုးရိမ်မိကြောင်း ကမ္ဘာကျော် မောဆက်ထောက်လှမ်းရေးအဖွဲ့ပြော
ဂျန်ဇက် (NSS) - စက်တင်ဘာ ၁၁
အစ္စရေးထောက်လှမ်းရေးအဖွဲ့အကြီးအကဲက အီရန်နိုင်ငံကို ရုရှားနိုင်ငံက စစ်လက်နက်ပစ္စည်းများ လွှဲပြောင်းပေးမှာကို စိုးရိမ်ကြောက်ရွံ့မိကြောင်း ထုတ်ဖော်ပြောဆိုလိုက်ပါတယ်။
အစ္စရေးထောက်လှမ်းရေးအဖွဲ့ဖြစ်တဲ့ မော့ဆက်အဖွဲ့က ရုရှားဟာ အီရန်နိုင်ငံကို ပိုမိုကောင်းမွန်တဲ့စစ်လက်နက်ပစ္စည်းများနဲ့ ကျည်ဆံများ ပေးပို့ကူညီဖွယ်ရှိနေကြောင်း၊ အဲဒီလုပ်ရပ်များက အစ္စရေးနိုင်ငံလုံခြုံရေးနဲ့ အစ္စရေးနိုင်ငံ ဖြစ်တည်မှုများကို အန္တရာယ်ဖြစ်လာဖွယ်ရှိနေကြောင်း ပြောပါတယ်။
မော့ဆက်ထောက်လှမ်းရေးအဖွဲ့ ညွှန်ကြားရေးမှူး ဒေးဗစ်ဘာနီယာက ယူကရိန်းနဲ့ ရုရှားတို့ စစ်ပွဲစတင်ခဲ့ပြီးနောက် အီရန်ဟာ ရုရှားကို kamikaze အမျိုးအစား ဒရုန်းများ ကူညီထောက်ပံ့ပေးခဲ့ဖူးကြောင်း သိရပါတယ်။ မော့ဆက်ထောက်လှမ်းရေးအဖွဲ့အကြီးအကဲက "ရုရှားဟာ အီရန်ထံကနေ ဒရုန်းတွေ ရယူခဲ့တယ်။ အပြန်အလှန်အနေနဲ့ ရုရှားဟာ အီရန်ကို စစ်လက်နက်ပစ္စည်းတွေ ထောက်ပံ့ပေးမှာ စိုးရိမ်မိတယ်။ အီရန်ကို ရုရှားက စစ်လက်နက်ပစ္စည်းများ လွှဲပြောင်းပေးလာမယ်ဆိုရင် ငြိမ်းချမ်းရေးကို အန္တရာယ်ဖြစ်လာနိုင်သလို အစ္စရေးနိုင်ငံ တည်ရှိမှုတွေကို စိုးရိမ်စရာဖြစ်လာစေတယ်" လို့ ပြောပါတယ်။
မော့ဆက်ထောက်လှမ်းရေးအဖွဲ့အကြီးအကဲက အီရန်ဟာ အစ္စရေးနိုင်ငံရှိ ဂျူးတွေကိုတိုက်ခိုက်ဖို့ ကြားခံအသုံးချမယ့်အဖွဲ့တွေကို အသုံးပြုနေကြောင်း၊ အီရန်ဟာ ပိုမိုခေတ်မိကောင်းမွန်တဲ့ဒုံးကျည်တွေနဲ့ ဒရုန်းတွေ ရရှိဖို့ ကြိုးပမ်းနေကြောင်း ပြောပါတယ်။
ယူကရိန်း နဲ့ နေတိုးအဖွဲ့ဝင်နိုင်ငံများက ရုရှားဟာ ယူကရိန်းစစ်ပွဲအတွင်း အီရန်နိုင်ငံထုတ် Shahed-136 အမျိုးအစား ဒရုန်းတွေ ပံ့ပိုးကူညီပေးခဲ့ဖူးကြောင်း ပြောပါတယ်။ ရုရှားဘက်ကတော့ ၎င်းတို့ဟာ စစ်ပွဲအတွင်း ပြည်တွင်းထုတ်ဒရုန်းတွေကို အသုံးပြုနေခဲ့ကြောင်း ပြောပါတယ်။ အစ္စရေး နဲ့ အီရန်နိုင်ငံတို့ဟာ သမိုင်းတစ်လျှောက်ရန်ဘက် နိုင်ငံများဖြစ်နေခဲ့ပြီး ဆက်ဆံရေးကောင်းမွန်မှုမရှိခဲ့ကြောင်း သိရပါတယ်။
အစ္စရေးဟာ အီရန်က နျူကလီးယားလက်နက်များ ပိုင်ဆိုင်အောင်လုပ်ဆောင်ပြီး တိုက်ခိုက်လာမှာကို စိုးရိမ်နေရာ အီရန်နိုင်ငံရဲ့လှုပ်ရှားမှုတွေကို အနီးကပ်စောင့်ကြည့်နေကြောင်း သတင်းများထွက်ပေါ်ခဲ့ဖူးပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အုပ်ချုပ်ရေးမှူးရုံးအတွင်းသို့ သေနတ်ဖြင့် ဝင်ရောက်ပစ်ခတ်မှုကြောင့် ရာအိမ်မှူးတစ်ဦးသေဆုံးမှု စဥ့်ကူးမြို့နယ်တွင်ဖြစ်ပွား
RELATED POSTS
19 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ