တရုတ်နိုင်ငံက ပြည်တွင်းဈေးနှုန်းကို ထိန်းနိုင်ဖို့အတွက် ပြည်ပနိုင်ငံများသို့ ဓါတ်မြေသြဇာတင်ပို့နေမှုများ ယာယီ ဆိုင်းငံ့
ဂျန်ဇက် (NSS) - စက်တင်ဘာ ၈
ကမ္ဘာပေါ်မှာ ဓါတ်မြေသြဇာများကိုအများဆုံးထုတ်လုပ်နေတဲ့တရုတ်နိုင်ငံဟာ ဓါတ်မြေသြဇာထုတ်လုပ်နေသူများကို ပြည်ပနိုင်ငံများကို ဓါတ်မြေသြဇာတင်ပို့မှုများ ယာယီဆိုင်းငံ့ထားဖို့ တောင်းဆိုလိုက်ကြောင်း သိရပါတယ်။
တရုတ်နိုင်ငံအတွင်းမှာ ဓါတ်မြေသြဇာဈေးနှုန်းများ မြင့်တက်လာခဲ့ပြီးနောက် တရုတ်အစိုးရဟာ ပြည်တွင်းဓါတ်မြေသြဇာဈေးနှုန်းကိုထိန်းနိုင်ဖို့ ရည်ရွယ်ပြီး ပြည်ပကို ဓါတ်မြေသြဇာတင်ပို့နေခြင်းများ ဆိုင်းငံ့ထားဖို့ ညွှန်ကြားခဲ့တာဖြစ်ကြောင်း သိရပါတယ်။
တရုတ်ဓါတ်မြေသြဇာထုတ်လုပ်သူအချို့ဟာ စက်တင်ဘာလအစောပိုင်းကတည်းက ပြည်ပနိုင်ငံများကို ဓါတ်မြေ သြဇာတင်ပို့နိုင်ဖို့ စာချုပ်အသစ်ချုပ်ဆိုခြင်းများကို ဆိုင်းငံ့ခဲ့ကြောင်း သိရပါတယ်။ တရုတ်နိုင်ငံဟာ ကမ္ဘာပေါ်မှာ ဓါတ်မြေသြဇာ အများဆုံးထုတ်လုပ်နေတဲ့နိုင်ငံဖြစ်ရာ မြန်မာ၊ တောင်ကိုရီးယား၊ သြစတြေးလျ နဲ့ အိန္ဒိယနိုင်ငံတို့မှာ ကြီးမားတဲ့ ဓါတ်မြေသြဇာဈေးကွက်ရှိနေကြောင်း သိရပါတယ်။
တရုတ်နိုင်ငံက ပြည်ပကို ဓါတ်မြေသြဇာတင်ပို့မှုများ ဆိုင်းငံ့လိုက်ခြင်းကြောင့် အိန္ဒိယ ကဲ့သို့သော တရုတ်နိုင်ငံထံ က ဓါတ်မြေသြဇာတင်သွင်းနေရတဲ့ နိုင်ငံတွေရဲ့လယ်သမားတွေဟာ စိုက်ပျိုးရေးစရိတ် ပိုမိုကုန်ကျဖွယ်ရှိနေ ကြောင်း သိရပါတယ်။ တရုတ်နိုင်ငံအခြေစိုက် ဓါတ်မြေသြဇာကုမ္ပဏီတစ်ခုဖြစ်တဲ့ CNAMPGC Holding က ၎င်းတို့ ကုမ္ပဏီအနေနဲ့ ပြည်ပနိုင်ငံများကို ဓါတ်မြေသြဇာများ သင်္ဘောနဲ့တင်ပို့နေခြင်းများကို လျော့ချခဲ့ပြီး ပြည်တွင်း ဈေးနှုန်းထိန်းနိုင်ဖို့ လုပ်ဆောင်ခဲ့ကြောင်း သိရပါတယ်။
တရုတ်နိုင်ငံက ပြည်ပကိုဓါတ်မြေသြဇာများ တင်ပို့နေခြင်းများ ဆိုင်းငံ့လိုက်ခြင်းဟာ ကမ္ဘာ့စိုက်ပျိုးရေးဈေးကွက် အတွက် သက်ရောက်မှုများ ပိုမိုဖြစ်လာနိုင်ကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြဝတီ နှင့် ကော့သောင်းမြို့များတွင် U-Turn စနစ်ပြုလုပ်ရာ၌ မြန်မာလုပ်သား (၁၀၀၀)ခန့်ကို နေ့ချင်းပြီးပြုလုပ်ပေးရေး စီစဥ်နေဟု ထိုင်းသံရုံးဆို
RELATED POSTS
20 Sep 2024 | စီးပွားရေး,ပြည်တွင်း
20 Sep 2024 | စီးပွားရေး,ပြည်တွင်း
14 Sep 2024 | စီးပွားရေး,ပြည်တွင်း
14 Sep 2024 | စီးပွားရေး,နိုင်ငံတကာ