ဂျန်ဇက် (NSS) - စက်တင်ဘာ ၇ 

ထိုင်းနိုင်ငံ မဲဆောက်မြို့မှာ နေထိုင်နေတဲ့ဒေသခံတွေဟာ မဲဆောက်မြို့ရဲ့လက်ရှိအခြေအနေနဲ့ပတ်သက်ပြီး စိုးရိမ်မှုများ မြင့်တက်လျက်ရှိနေကြောင်း ထိုင်းအခြေစိုက်သတင်းများက ဖော်ပြထားပါတယ်။ 

မဲဆောက်မြို့ နဲ့ နယ်စပ်ချင်းထိစပ်နေတဲ့မြဝတီမြို့မှာ ဒရုန်းနဲ့တိုက်ခိုက်မှုများဖြစ်ပွားခဲ့တဲ့အပြင် မဲဆောက်မြို့ရှိ အိမ်တစ်အိမ်မှာ ငှားရမ်းနေထိုင်နေတဲ့ နိုင်ငံခြားသားတွေကို ဒရုန်းထုတ်လုပ်မှုများနဲ့ပတ်သက်ပြီး ဖမ်းဆီးခဲ့ပြီး နောက် စိုးရိမ်မှုမြင့်တက်လာနေခြင်းဖြစ်ကြောင်း သိရပါတယ်။ ပြီးခဲ့တဲ့ရက်ပိုင်းက မဲဆောက်မြို့ရှိ နိုင်ငံခြားသား များ ငှားရမ်းနေထိုင်နေတဲ့အိမ်မှာ ဒရုန်းထုတ်လုပ်ရာမှာအသုံးပြုတဲ့ပစ္စည်းများနဲ့ လူများကို ဖမ်းဆီးရမိခဲ့ကြောင်း ထိုင်းအာဏာပိုင်များက ပြောပါတယ်။

ထိုင်းနိုင်ငံ တက်ပြည်နယ် မဲဆောက်မြို့အုပ်ချုပ်ရေးအာဏာပိုင်းက ၎င်းတို့ဟာ စက်တင်ဘာ ၅ ရက်က မဲဆောက်မြို့ရှိ အိမ်ကိုစီးနင်းရှာဖွေခဲ့ရာ မြန်မာနိုင်ငံသား လေးဦးကို ဒရုန်းထုတ်လုပ်ရာမှာအသုံးပြုတဲ့ပစ္စည်းအရေ အတွက် ဒါဇင်ချီနဲ့အတူ ဖမ်းဆီးရမိခဲ့ကြောင်း သတင်းထုတ်ပြန်ထားပါတယ်။

အဆိုပါဖ မ်းဆီးရမိတဲ့ဒရုန်းတွေဟာ မြဝတီမြို့ကိုတိုက်ခိုက်ရာမှာ အသုံးပြုခဲ့တဲ့ဒရုန်းတွေဖြစ်ဖို့ အလားလာများ ကြောင်း၊ မြဝတီမြို့ကို တိုက်ခိုက်ခဲ့ပြီးနောက် ဒရုန်းတွေကို ထိုင်းနိုင်ငံ မဲဆောက်ဘက်ခြမ်းကို လျှို့ဝှက် ပြန်သယ်ယူ လာခြင်းမျိုးဖြစ်ကြောင်း၊ ထိုင်းအခြေစိုက်သတင်းတွေမှာ ဖော်ပြထားပါတယ်။

ထိုင်း လူဝင်မှုကြီးကြပ်ရေးတာဝန်ရှိသူများဟာ ဖမ်းဆီးရမိတဲ့မြန်မာနိုင်ငံသား လေးဦးကို ခွင့်ပြုချက်မရှိဘဲ radio waves အသုံးပြုမှု အပါအဝင် အခြားစွဲချက်များနဲ့ စွဲချက်တင်ထားကြောင်း သိရပါတယ်။ နစကကို တိုက်ခိုက်နေတဲ့ လက်နက်ကိုင်အဖွဲ့တွေဟာ  ဒရုန်းများထုတ်လုပ်ဖို့ ထိုင်းနိုင်ငံမဲဆောက်မြို့ကို အသုံးပြုနေကြောင်း ဝေဖန်သံများ လည်း ထွက်ပေးလျက်ရှိနေပါတယ်။

မဲဆောက်မြို့မှာ ဖမ်းဆီးရမိတဲ့မြန်မာနိုင်ငံသားတွေဟာ အိမ်ကိုဈေးပေါပေါ နဲ့ ငှားရမ်းထားခြင်းမျိုး မဟုတ် ကြောင်း၊ ၎င်းတို့ဟာ မဲဆောက်မြို့ရှိ အိမ်များကို ဒရုန်းတပ်ဆင်ဖို့၊ ဒရုန်းများထုတ်လုပ်ဖို့ အရင်းမြစ်နေရာများအဖြစ် အသုံးပြုနိုင်အောင် ငှားရမ်းနေထိုင်နေခြင်းဖြစ်ကြောင်း ထိုင်းသတင်းတွေက ဖော်ပြထားပါတယ်။

စက်တင်ဘာ ၃ ရက်က မြဝတီမြို့ကို ဒရုန်းနဲ့တိုက်ခိုက်မှုဖြစ်ပွားခဲ့ပြီးနောက် ထိုင်းအာဏာပိုင်များဟာ နယ်စပ် ဒေသအနီးရှိ ဒရုန်းအသုံးပြုရာကျေးရွာများကို စုံစမ်းစစ်ဆေးခဲ့ပြီးနောက် Mae Kasa ဒေသကို အိမ်ကိုရှာဖွေခဲ့ရာ ဒရုန်းများ နဲ့ ဒရုန်းတပ်ဆင်ရာမှာ အသုံးပြုတဲ့ပစ္စည်းများကိုတွေ့ရှိခဲ့ကြောင်း သိရပါတယ်။