NSS - စက်တင်ဘာ ၅

ကုန်လမ်းပို့ဆောင်ရေးညွှန်ကြားမှုဦးစီးဌာန(ကညန)က ကားမူရင်း မှန်/မမှန် စစ်ဆေးမှုများ ရပ်နားထားရာမှ မနက်ဖြန် (စက်တင်ဘာလ ၆ရက်)မှစတင်ပြီး ပြန်လည်လက်ခံစစ်ဆေးပေးသွားမည်ဖြစ်ကြောင်း သိရသည်။ 

ကားအုံနာဘုတ်မူရင်း နှင့် တိုက်ဆိုင်စစ်ဆေးမည်ဖြစ်ရာ တိုက်ကြေကားများ၊ ဖောက်စွပ်ကားများ အပါအဝင် ဈေးကွက်အတွင်း အငြင်းပွါးနေသည့် ကားအရောင်းအဝယ်ကိစ္စများအတွက် အဆင်ပြေနိုင်မည်ဟု ကားဝယ်ရောင်းးသမားများကပြောသည်။ 

“ယာဉ်စစ်ပိတ်ထားတာသုံးလလောက်ရှိပြီ။ လိုင်စင်သက်တမ်းတိုးရင်တောင် ယာဉ်မစစ်ဘဲတိုးပေးနေတာ။ အခုပြန်စစ်ပေးရင်တော့ ကားအရောင်းအဝယ်ကိစ္စတွေက ပြဿနာတွေပြေလည်လာနိုင်တာပေါ့”ဟု ကားဝယ်ရောင်းအသင်းရန်ကုန်မှ ဒုဥက္ကဋ္ဌကပြောသည်။ 

ယာဉ်စစ်ဝင်လိုသူများသည် သက်ဆိုင်ရာမြို့နယ် ခရိုင် ကညနရုံးများတွင် အွန်လိုင်းမှတဆင့် လျှောက်ထားရမည်ဖြစ်ပြီး တစ်ရက်လျှင်ကားအစီးရေ ၅၀ ခန့်စစ်ဆေးပေးသွားမည်ဖြစ်ကြောင်း သိရသည်။ 

အုံနာဘုတ်နှင့်ကွဲလွဲသော တိုက်ကြေ၊ ဖောက်စွပ်ကားများကို အုံနာဘုတ်သိမ်းဆည်းကာ တိုက်ကြေစလစ်ထုတ်ပေးမည်ဟုသိရသည်။