ရေဒီယိုသတ္တိကြွရေဆိုးများ စွန့်လွှတ်မှုနှင့်ပတ်သက်ပြီး ဂျပန်သံရုံးကို တရုတ်နိုင်ငံသားများ တိုက်ခိုက်
Pika (NSS) - သြဂုတ် ၂၉
ဖူကူရှီးမားနျူကလီးယားဓါတ်အားပေးစက်ရုံမှ ရေဒီယိုသတ္တိကြွရေဆိုးများ ပင်လယ်ထဲသို့ စွန့်ပစ်ခဲ့ပြီးနောက် တရုတ်နိုင်ငံရှိ ဂျပန်သံရုံးကို အုတ်ခဲဖြင့် ပစ်ပေါက်မှုများရှိခဲ့ကြောင်း ဂျပန်နိုင်ငံခြားရေးဝန်ကြီး ယိုရှီမာဆာဟာယာရှီက ပြောကြားခဲ့သည်။
ထို့အပြင် တရုတ်နိုင်ငံတွင် ဂျပန်နိုင်ငံသားများ နှောင့်ယှက်ခံနေရခြင်းမှာ ဝမ်းနည်းဖွယ်ကောင်းသော ကိစ္စတစ်ခု ဖြစ်ကြောင်း ၎င်းက ပြောကြားခဲ့သည်။ ဂျပန်နိုင်ငံသည် ပြီးခဲ့သည့်သီတင်းပတ်တွင် ရေဆိုးစွန့်ပစ်မှုကို စတင် လုပ်ဆောင်ပြီးနောက် တရုတ်သည် ဂျပန်နိုင်ငံမှ ပင်လယ်စာတင်သွင်းမှုအားလုံးကို ပိတ်ပင်ခဲ့ကြောင်း သိရသည်။
သို့သော်လည်း အဆိုပါရေဆိုးစွန့်ပစ်မှုမှာ ဘေးကင်းကြောင်း ဂျပန်အစိုးရ နှင့် ကုလသမဂ္ဂ၏ နျူကလီးယားစောင့်ကြည့်ရေးအဖွဲ့က ပြောခဲ့သည်။
အဆိုပါ အချိန်မှစတင်ပြီး ဂျပန်နိုင်ငံသည် တရုတ်နိုင်ငံရှိ ၎င်း၏ နိုင်ငံသားများကို အာရုံစိုက်ခံရမည့်အရာမျာား မလုပ်ကြရန် တိုက်တွန်းခဲ့ပြီး စာသင်ကျောင်းများနှင့် သံတမန်ရေးရာတာဝန်များလုပ်ဆောင်နေသည့် နေရာအနီး တွင် လုံခြုံရေးများကို တိုးမြှင့်ချထားခဲ့ကြောင်း သိရသည်။
ဩဂုတ်လ(၂၈)ရက်တွင် တရုတ်နိုင်ငံ ပေကျင်းမြို့ရှိ ဂျပန်သံရုံးကို အုတ်ခဲဖြင့်ပစ်ပေါက်ခံရကြောင်း နိုင်ငံခြားရေး ဝန်ကြီး ယိုရှီမာဆာဟာယာရှီက အတည်ပြုခဲ့ပြီး အဆိုပါအခြေအနေများကို ထိန်းသိမ်းရန်အတွက် တရုတ်အစိုးရ ကို ဂျပန်ဝန်ကြီးချုပ်ဖူမီအိုကီရှီဒါက တောင်းဆိုခဲ့ကြောင်း သိရသည်။
ယိုရှီမာဆာဟာယာရှီ က "ဒါဟာ အလွန်ဝမ်းနည်းစရာကောင်းပြီး စိုးရိမ်စရာကိစ္စတစ်ခုပါပဲ။ ဂျပန်နိုင်ငံသားတွေနဲ့ သံတမန်ရေးရာမစ်ရှင်တွေ လုံခြုံရေးအတွက် သင်လျော်တဲ့အစီအစဉ်တွေလုပ်ဆောင်ဖို့ တရုတ်အစိုးရကို ကျွန်တော်တို့ တိုက်တွန်းလိုပါတယ်။ ပြီးတော့ အခြေအနေတွေ ပိုဆိုးမလာစေဖို့အတွက် တည်ငြိမ်အေးချမ်းစွာ ဆောင်ရွက်ကြဖို့ တရုတ်နိုင်ငံသားတွေကို တိုက်တွန်းဖို့ ပြောကြားလိုပါတယ်" ဟု ပြောခဲ့သည်။
တရုတ်အစိုးရသည် ဖူကူးရှီးမားနျူကလီးယားဓါတ်အားပေးစက်ရုံမှ ရေဆိုးစွန့်ပစ်မှုများနှင့်ပတ်သက်ပြီး မှားယွင်း သောသတင်းအချက်အလက်များကိုပေးကာ ပြည်သူများကို စိုးရိမ်အောင်လုပ်ဆောင်နေမည့်အစား တိကျသော သတင်းအချက်အလက်များကိုပေးသင့်ကြောင်း ၎င်းက ထပ်မံပြောကြားခဲ့သည်။
တရုတ်နိုင်ငံရှိ ဂျပန်သံရုံးမှ ပြောရေးဆိုခွင့်ရှိသူတစ်ဦးက "ဝန်ထမ်းတွေဟာ စိုးရိမ်ပူပန်နေကြပါပြီ။ လူအချို့ဟာ သံရုံးဝင်ပေါက်နားကို ရောက်လာခဲ့ပါတယ်။ ပြီးတော့ အုတ်ခဲနဲ့ပစ်ပေါက်တာတွေလုပ်ခဲ့ပြီး နောက်ပိုင်းမှာ ရဲတွေက သူတို့ကိုဖမ်းသွားခဲ့ပါတယ်" ဟု ပြောခဲ့သည်။
တရုတ်နိုင်ငံခြားရေးဝန်ကြီးဌာနပြောရေးဆိုခွင့်ရှိသူ ဝမ်းဝမ်ဘင်က "တရုတ်နိုင်ငံမှာရှိတဲ့ နိုင်ငံခြားသားတွေရဲ့ လုံခြုံရေး၊ တရားဝင်အခွင့်အရေးနဲ့ အကျိုးစီးပွားတွေကို ဥပဒေနဲ့အညီကာကွယ်ပေးသွားမှာပါ" ဟု ပြောခဲ့သည်။
တရုတ်နိုင်ငံရှိ ဂျပန်သံရုံးကို အုတ်ခဲဖြင့် ပစ်ပေါက်ခံရမှုနှင့်ပတ်သက်ပြီး အရေးယူဆောင်ရွက်မှုများ မည်ကဲ့သို့ လုပ်ဆောင်သွားမလဲဟု မေးမြန်းခံရချိန်တွင် ဝမ်းဝမ်ဘင်က ယခုကဲ့သို့ တုံ့ပြန်ဖြေဆိုခဲ့ခြင်းဖြစ်သည်။ ဝမ်းဝမ်ဘင် က "အိမ်နီးချင်းနိုင်ငံတွေအားလုံးရဲ စိုးရိမ်မှုတွေကို အလေးအနက်ထားပြီး ရေဒီယိုသတ္တိကြွရေဆိုးတွေ ပင်လယ်ထဲ စွန့်ပစ်တာကို ချက်ချင်းရပ်တန့်ဖို့ ဂျပန်အစိုးရကို ကျွန်တော်တို့ တိုက်တွန်းလိုပါတယ်" ဟု ပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နိုင်ငံကူးလက်မှတ်အတွက် Online မှ QR Code ဖြင့် ရက်ချိန်းရယူသည့်စနစ်အား ပြောင်းလဲဆောင်ရွက်မည်ဟု ကွာလာလမ်ပူမြို့ရှိ မြန်မာသံရုံးအသိပေး
RELATED POSTS
19 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ
19 Oct 2024 | နိုင်ငံရေး,နိုင်ငံတကာ