အမေရိကန်ဒေါ်လာက ယုံကြည်စိတ်ချရမှုမရှိတော့ကြောင်း IMF အမှုဆောင်ဟောင်း ပြော
Pika (NSS) - ဩဂုတ် ၂၂
အမေရိကန်ဒေါ်လာ အခြေပြုထားသော နိုင်ငံတကာငွေကြေးစနစ် ယိုယွင်းပျက်စီးလာမှုများသည် BRICS အဖွဲ့ဝင် နိုင်ငံများကို ၎င်းတို့၏ ကိုယ်ပိုင်ငွေကြေးကို ဖန်တီးစေရန်အတွက် တွန်းအားပေးနေကြောင်း နိုင်ငံတကာ ငွေကြေး ရန်ပုံငွေအဖွဲ့ (IMF) ၏ ဘရာဇီးကိုယ်စားလှယ်ဟောင်း Paulo Nogueira Batista Jr. က ပြောကြားခဲ့သည်။
အမေရိကန်ဒေါ်လာသည် ကမ္ဘာလုံးဆိုင်ရာငွေကြေးတစ်ခုအဖြစ် ဆက်လက်တည်ရှိနေလည်း အဆိုပါငွေကြေးအပေါ် ယုံကြည်မှုများမှာ တဖြည်းဖြည်းကျဆင်းလာခဲ့ကြောင်း Paulo Nogueira Batista Jr. က ပြောကြားခဲ့သည်။
အမေရိကန်ဦးဆောင်သော ငွေကြေးအဖွဲ့အစည်းများသည် ဖွံ့ဖြိုးဆဲနိုင်ငံများ၏ လိုအပ်ချက်များကို ကိုင်တွယ် ဖြေရှင်းခြင်းမျိုးမလုပ်ဆောင်နိုင်ကြောင်း ၎င်းက ထပ်မံပြောကြားခဲ့သည်။ IMF နှင့် World Bank တို့ကဲ့သို့ အမေရိကန်ဒေါ်လာ အခြေခံအဖွဲ့အစည်းများ၏ လုပ်ဆောင်မှုများနှင့် ထွန်းသစ်စစီးပွားရေးဈေးကွက်များကြားတွင် မကျေနပ်မှုများတိုးပွားလာနေကြောင်း Paulo Nogueira Batista Jr. က ထုတ်ဖော်ပြောခဲ့သည်။
၎င်းက "ကျွန်တော်တို့ဟာ IMF နဲ့ World Bank တို့ရဲ့လုပ်ဆောင်မှုတွေ အောက်မှာရှိနေပါတယ်။ ဒါပေမယ့် ကမ္ဘာကြီးဟာ အကျပ်အတည်းတွေနဲ့ရင်ဆိုင်နေရမှုနဲ့အတူ အမေရိကန်ဦးဆောင်တဲ့အဖွဲ့အစည်းတွေဟာ ပြောင်းလဲမှုမျိုးတွေ မလုပ်ပေးနိုင်တာကြောင့် ကျွန်တော်တို့ဟာ အခြားရွေးချယ်စရာဖြစ်တဲ့ BRICS အဖွဲ့အစည်းကို ရွေးချယ်ဖို့ ဆုံးဖြတ်ခဲ့တာပါ" ဟု ပြောခဲ့သည်။
အမေရိကန်ဒေါ်လာသည် အရေးကြီးသောငွေကြေးတစ်ခုအဖြစ် ဆက်လက်တည်ရှိနေမည်ဖြစ်သော်လည်း အမေရိကန်သည် အဆိုပါငွေကြေးကို လက်နက်တစ်ခုသဖွယ်အသုံးပြုနေခြင်းကြောင့် နိုင်ငံအများအပြားသည် အမေရိကန်ဒေါ်လာအပေါ် ယုံကြည်မှုများ တစ်ဖြည်းဖြည်းကျဆင်းလာခြင်းဖြစ်ကြောင်း Paulo Nogueira Batista Jr. က ပြောခဲ့သည်။ ၎င်းက "အမေရိကန်ဟာ ဒေါ်လာရဲ့လွှမ်းမိုးမှုကို လက်နက်တစ်ခုအဖြစ် အသုံးပြုနေတဲ့အချိန် မှာ အခြားနိုင်ငံတွေဟာ ဒေါ်လာကို ဆက်လက်သုံးစွဲခြင်း ရှိ/မရှိ ဆိုတဲ့အချက်ကိုတော့ ရှင်းရှင်းလင်းလင်း မသိရှိရ သေးပါဘူး" ဟု ပြောခဲ့သည်။
ထို့အပြင် ဝင်ရိုးစုံကမ္ဘာတည်ဆောက်မှုသည် အနောက်အုပ်စုနိုင်ငံများ၏ ငွေကြေးများ၏ အခန်းကဏ္ဍကို လျော့ကျ သွားစေမည်ဖြစ်ကြောင်း ၎င်းက အခိုင်အမာပြောခဲ့သည်။ BRICS အဖွဲ့သည် ကိုယ်ပိုင်အရန်ငွေကြေးကို ဖန်တီးရာ တွင် အရေးကြီးသောအခန်းကဏ္ဍတွင် ပါဝင်နေကြောင်း ၎င်းက ထပ်မံပြောခဲ့သည်။ BRICS အဖွဲ့ဝင်နိုင်ငံများ၏ ငွေကြေးအားလုံးသည် အက္ခရာ “R” ဖြင့် စထားသောကြောင့် ငွေကြေးအသစ်ကို 'R-5' ဟုခေါ်ဆိုရန် ရုရှားက အဆိုပြုထားပြီးဖြစ်ကြောင်း သိရသည်။
၎င်းက “ 'R-5' ငွေကြေးဟာ နောက်ပိုင်းမှာ အခြားအဆင့်တွေအထိ ပြောင်းလဲသွားနိုင်မယ်လို့ ကျွန်တော် ယုံကြည်ပါတယ်” ဟု ပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ကုန်ဈေးနှုန်းတည်ငြိမ်ရေးကော်မတီကို စီးပွား/ကူးသန်းဝန်ကြီးအစား ဒုဝန်ကြီးချုပ်ဦးဆောင်ကာ ကုန်ဈေးနှုန်းတည်ငြိမ်ရေး လုပ်ဆောင်နေ
RELATED POSTS
14 Sep 2024 | စီးပွားရေး,ပြည်တွင်း
14 Sep 2024 | စီးပွားရေး,နိုင်ငံတကာ
12 Sep 2024 | စီးပွားရေး,ပြည်တွင်း
12 Sep 2024 | စီးပွားရေး,ပြည်တွင်း