နိုင်ငံအတွင်း ဖေ့စ်ဘုတ်အသုံးပြုမှုများကို ပိတ်ပင်သွားမည်ဟု ထိုင်းအစိုးရ သတိပေး
Pika (NSS) - သြဂုတ် ၂၂
ဖေ့စ်ဘုတ်သည် ထိုင်းလူမျိုး(၂)သိန်းကျော်ကို လိမ်လည်လှည့်ဖြားခဲ့သည်ဟု စွပ်စွဲခံထားရသော ရင်းနှီးမြှုပ်နှံမှု ကြော်ငြာအတုများထံမှ ကြော်ငြာခများကို လက်ခံခဲ့ခြင်းကြောင့် ထိုင်းအာဏာပိုင်များသည် နိုင်ငံတွင်းတွင် ဖေ့စ်ဘုတ်အသုံးပြုမှုကို ပိတ်ပစ်ရန် တရားရုံးတွင် တောင်းဆိုမည်ဖြစ်ကြောင်း သိရသည်။
ထို့အပြင် လိမ်လည်မှုခံခဲ့ရသောလူများ၏ ဆုံးရှုံးမှုပမာဏမှာ ဘတ်(၁ဝ)ဘီလျံထိ ရှိနိုင်ကြောင်း ဒစ်ဂျစ်တယ် စီးပွားရေးနှင့်လူမှုရေးဝန်ကြီး Chaiwut Thanakamanusorn က ပြောကြားခဲ့သည်။
၎င်းက "ထိုင်းအာဏာပိုင်တွေဟာ ဖေ့စ်ဘုတ်ရဲ့ပြဿနာကို အကြိမ်ပေါင်းများစွာ ထုတ်ဖော်ခဲ့ပြီး ကြော်ငြာအတု တွေကို စစ်ဆေးပေးဖို့ တောင်းဆိုခဲ့ပါတယ်။ ဒါပေမယ့် ဖေ့စ်ဘုတ်ဟာ လိမ်လည်မှုတွေကို ကိုင်တွယ်ဖြေရှင်းဖို့ လုပ်ဆောင်ရာမှာ ကျွန်တော်တို့ကို ကူညီဖို့ပျက်ကွက်ခဲ့ပါတယ်" ဟု ပြောခဲ့သည်။
ထိုင်းအာဏာပိုင်များသည် နိုင်ငံတွင်းတွင် (၇)ရက်အတွင်း ဖေ့စ်ဘုတ်အသုံးပြုမှုပိတ်ပင်ရန်အတွက် တရားရုံးကို တောင်းဆိုရန် စီစဉ််နေကြောင်း ၎င်းက သတင်းစာရှင်းလင်းပွဲတွင် ပြောကြားခဲ့သည်။ အဆိုပါသတင်းစာ ရှင်းလင်းပွဲတွင် Securities and Exchange Commission ၏ ယာယီအထွေထွေအတွင်းရေးမှူး Thawatchai Pittayasophon၊ Electronic Transactions Development Agency ၏ အမှုဆောင်ဒါရိုက်တာ Chaichana Mitrpant နှင့် Cyber Crime Investigation Bureau မှ ဒုရဲမင်းကြီး Pol Maj General Thaayut Chantworn တို့ တက်ရောက်ခဲ့ကြောင်း သိရသည်။
Chaiwut Thanakamanusorn က "ဖေ့စ်ဘုတ်ပလက်ဖောင်းဟာ ထိုင်းနိုင်ငံမှာ စီးပွားရေး ဆက်လုပ်ဖို့ ဆန္ဒရှိတယ် ဆိုရင် ဒီကိစ္စမှာ ပိုတာဝန်ယူရမှာပါ" ဟု ပြောခဲ့သည်။
အချို့လိမ်လည်သည့် ကြော်ငြာများသည် စာရင်းဝင်ကုမ္ပဏီများဖြစ်ကြပြီး Securities and Exchange Commission Logo ကိုပြသကာ ဖေ့စ်ဘုတ်တွင် ကြော်ငြာများတင်ခြင်းဖြစ်ကြောင်း သိရသည်။ အဆိုပါ ကြော်ငြာအတုများသည် အမြတ်အစွန်းများများရမည်ဆိုသည့် ကတိများနှင့်အတူ ၎င်းတို့ထံတွင် ရင်းနှီးမြှုပ်နှံရန် ဆွဲဆောင်ခဲ့ခြင်းဖြစ်ကြောင်း ထိုင်းအာဏာပိုင်များ က ပြောကြားခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နစကလက်ထက်၌ ပြည်ပချေးငွေရယူခဲ့ခြင်းမရှိကြောင်းနှင့် ထောက်ပံ့ငွေအနည်းအကျဥ်းသာရရှိခဲ့ကြောင်း စီမံ/ဘဏ္ဍာဒုဝန်ကြီး ထုတ်ဖော်အသိပေး
RELATED POSTS
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,နိုင်ငံတကာ
22 Sep 2024 | နိုင်ငံရေး,ပြည်တွင်း