ဂျန်ဇက် (NSS) - သြဂုတ် ၂၂

ထိုင်းရာဇဝတ်တရားရုံးဟာ မြန်မာနိုင်ငံမှာ ၂ဝ၂၁ ခုနှစ်ဖေဖော်ဝါရီလ ၁ ရက်ကဖြစ်ပွားခဲ့တဲ့ အာဏာထိန်းမှုနဲ့ပတ်သက်ပြီး ဆန္ဒပြပွဲတွေမှာ ပါဝင်ခဲ့သူ ၇ ဦးကို အရေးပေါ်အမိန့်ချိုးဖောက်မှုများအတွက်

ပြစ်ဒဏ်ချမှတ်လိုက်ကြောင်း သိရပါတယ်။

ထိုင်းရာဇဝတ်တရုံးဟာ လူပေါင်း ၇ ဦးကို အရေးပေါ်အမိန့်ချိုးဖောက်မှု၊ အာဏာပိုင်တွေရဲ့ဆောင်ရွက်ချက်တွေကို ကြားဝင်စွက်ဖက်ခြင်းများအတွက် သြဂုတ် ၂၁ ရက်နေ့မှာ ပြစ်ဒဏ်ချမှတ်ခဲ့တာဖြစ်တယ်လို့ ထိုင်းလူအခွင့်အရေးဆိုင်ရာရှေ့နေအဖွဲ့ TLHR က ပြောပါတယ်။

မြန်မာနိုင်ငံမှာ အာဏာသိမ်းမှုဖြစ်ပွားခဲ့ပြီးနောက် ထိုင်းနဲ့ မြန်မာနိုင်ငံသားတွေဟာ ထိုင်းနိုင်ငံရှိ မြန်မာသံရုံးရှေ့မှာ ဆန္ဒပြခဲ့ကြောင်း ဆန္ဒပြသူများကို ထိုင်းရဲတပ်ဖွဲ့က ထိန်းသိမ်းခဲ့ပြီး လူသုံးဦးကို ဖမ်းဆီးခဲ့ကြောင်း၊ ဖမ်းဆီးခံရသူတွေထဲမှာ  We Volunteer အဖွဲ့ဝင်တစ်ဦး၊ Thammasat တက္ကသိုလ်ကျောင်းသားတစ်ဦးနဲ့ ထိုင်းနိုင်ငံသားတစ်ဦးတို့ပါဝင်ခဲ့ကြောင်း TLHR က ပြောပါတယ်။

မြန်မာနိုင်ငံမှာဖြစ်ပွားခဲ့တဲ့ အာဏာထိန်းမှုနဲ့ပတ်သက်ပြီး ဆန္ဒပြပွဲမှာ ပါဝင်ခဲ့သူ ၇ ဦးအနက်မှ Thammasat တက္ကသိုလ်ကျောင်းသား Punnaphat Chantanangkul ဆိုသူကို ထောင်ဒဏ် ၁၂ လပြစ်ဒဏ်ချမှတ်ခဲ့ပေမယ့် နောက်ပိုင်းမှာ ထောင်ဒဏ် ၄ လနဲ့ ၁၂ ရက် ပြစ်ဒဏ်လျော့ပေးခဲ့ကြောင်း၊ ဒါ့အပြင် ထောင်ဒဏ်သုံးနှစ်နဲ့ တစ်လအပြင် ဒဏ်ငွေဘတ် ၄ဝဝဝဝ အမိန့်ချမှတ်ခံထားရသူကို ထောင်ဒဏ် ၁ နှစ်၊ ခြောက်လနဲ့ ၁၅ ရက်လျော့ပေါ့ပေးခဲ့သလို ဒဏ်ငွေကိုဘတ် ၂ဝဝဝဝ လျော့ပေါ့ပေးခဲ့ကြောင်း သိရပါတယ်။

ဒါ့အပြင်  ဆန္ဒပြပွဲမှာပါဝင်တဲ့အတွက် ဖမ်းဆီးခံထားရပြီး  ထောင်ဒဏ် ၄ နှစ် နဲ့ ငွေဒဏ် ဘတ် ၆ဝဝဝဝ အမိန့်ချမှတ်ခံထားရသူ ၅ ဦးကို နောက်ပိုင်းမှာ ထိုင်းရာဇဝတ်တရားရုံးက သြဂုတ် ၂၁ ရက်နေ့မှာ ပြစ်ဒဏ်ကိုလျော့ပေါ့ပေးမှုတွေရှိခဲ့ပြီး တစ်ဦးအတွက် ထောင်ဒဏ် ၂ နှစ်နဲ့ ၅ ရက်အပြင် ငွေဒဏ် ဘတ် ၃ဝဝဝဝ ပေးဆောင်ဖို့ ပြောင်းလဲအမိန့်ချမှတ်ခဲ့ကြောင်း သိရပါတယ်။ 

ထိုင်းရာဇဝတ်တရားရုံးဟာ Punnaphat Chantanangkul ဆိုသူကို ဘတ်ငွေ ၁၅ဝဝဝဝ နဲ့ အာမခံပေးခဲ့ပေးခဲ့ပေမယ့် ကျန် ၆ ဦးကိုတော့အာမခံပေးခြင်းမျိုး မရှိသေးကြောင်း သိရပါတယ်။