ရဟန်းသံဃာနှင့် ကျောင်းသား/သူများကို မာရဝိဇယဗုဒ္ဓရုပ်ပွားတော်ကြီးအား အခမဲ့ဖူးမြော်ခွင့်ပေးမည်ဟု နစက ဥက္ကဋ္ဌဆို
ယွန်း (NSS) - သြဂုတ် ၂၀
မာရဝိဇယဗုဒ္ဓရုပ်ပွားတော်ကြီးအား ရဟန်းသံဃာနှင့် သီလရှင်များ အပါအဝင် ကျောင်းသား၊ ကျောင်းသူများကို အခမဲ့ဖူးမြော်ခွင့်ပြုမည်ဖြစ်ကြောင်း နစကဥက္ကဋ္ဌက အသိပေးပြောကြားထားသည်။
နစကဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်က သြဂုတ်လ(၁၉)ရက်တွင် မာရဝိဇယဗုဒ္ဓဥယျာဥ်တော်အတွင်းရှိ မာရဝိဇယဂေါပကရုံးအဖွဲ့၌ ကျင်းပသည့် လုပ်ငန်းညှိနှိုင်းအစည်းအဝေးတွင် အထက်ပါကဲ့သို့ပြောခဲ့ခြင်းဖြစ်သည်။
မာရဝိဇယရုပ်ပွားတော်ကြီးအား သြဂုတ်လ(၈)ရက်မှစ၍ လာမည့် စက်တင်ဘာ(၃)ရက်အထိ အခမဲ့ဖူးမြော်ခွင့်ပြု ကြောင်း နစကမှ ထုတ်ပြန်ထားပြီးဖြစ်သည်။
သို့သော် ဘုရားကြီးတည်တံ့ခိုင်မြဲရေးနှင့် သန့်ရှင်းသာယာလှပရေးအတွက် လိုအပ်သည့် လုပ်ငန်းများဆောင်ရွက် နိုင်ရန် လိုအပ်သည့် ငွေကြေးများရရှိရေးအတွက် စက်တင်ဘာ(၃)ရက် နောက်ပိုင်းတွင် ဝင်ကြေးငွေကောက်ခံသွား မည်ဖြစ်ကြောင်း သိရသည်။
ထိုသို့ သတ်မှတ်ငွေကြေနှုန်းထားများ ကောက်ခံရာ၌ ရဟန်းသံဃာများ၊ သီလရှင်များ နှင့် ကျောင်းသား၊ ကျောင်းသူ များကို အခမဲ့ဖူးမြော်ခွင့်ပေးသွားမည်ဖြစ်ပြီး ဝန်ထမ်းများကိုလည်း (၅ဝ)ရာခိုင်နှုန်း လျှော့ချကောက်ခံပေးသွားမည် ဖြစ်ကြောင်း နစကဥက္ကဋ္ဌက ပြောသည်။
ထို့ပြင် ဘုရားကြီးအတွင်းသို့ စည်းကမ်းမဲ့ဝင်ရောက်မှုမျိုးမရှိစေရေး နှင့် လျှပ်စစ်မီးသုံးစွဲမှု သက်သာစေရေးကိုလည်း ဆောင်ရွက်ရန် နစကဥက္ကဋ္ဌက တိုက်တွန်းပြောကြားခဲ့သည်။
အလားတူ E-Ticket ဝင်ခွင့်လက်မှတ်ဖြင့် ဆောင်ရွက်နိုင်ရေးကိုလည်း စီစဥ်ဆောင်ရွက်လျှက်ရှိကြောင်း အစည်း အဝေးမှ သိရသည်။
မာရဝိဇယရုပ်ပွားတော်ကြီးအား ယခင်က သြဂုတ်လ(၈)ရက် မှ (၁၆)ရက်အထိသာ အခမဲ့ဖူးမြော်ခွင့်ပေးခဲ့သော် လည်း ဒုတိယအကြိမ် ထပ်မံရက်တိုးမြှင့်၍ စက်တင်ဘာ(၃)ရက်အထိ အခမဲ့ဖူးမြော်ခွင့်ပေးခဲ့ခြင်းဖြစ်သည်။
နစကအနေဖြင့် ကလေး/လူကြီးတစ်ဦးလျှင် ဝင်ကြေးနှုန်းထား (၁ဝဝဝ)ကျပ် သတ်မှတ်ထားကာ ဖုန်းသယ်ဆောင် ခွင့် ပါရရှိမည်ဖြစ်ပြီး၊ အပျော်ရိုက်ကင်မရာအတွက် (၅ဝဝဝ)ကျပ်နှုန်းသတ်မှတ်ထား၍ အလှဓါတ်ပုံရိုက်/Video များ အတွက် (၅ဝဝဝဝ) ကျပ်နှုန်း သတ်မှတ်ထားသည်။
မာရဝိဇယဗုဒ္ဓရုပ်ပွားတော်မြတ်ကြီးအား ဖူးမြော်ခွင့်အတွက် နိုင်ငံခြားသားတစ်ဦးလျှင် အမေရိကန်ဒေါ်လာ (၁ဝ)ဒေါ်လာအဖြစ် နစကမှသတ်မှတ်ထား ပြီး လူ(၄)ယောက်စီး Buggy တစ်စီးအတွက် (၁)နာရီလျှင် (၁ဝဝဝဝ) ကျပ်နှုန်း သတ်မှတ်ထားသည်။
လက်ရှိတွင် ဘုရားကြီးအား ပြည်တွင်းဘုရားဖူးများသာမက ပြည်ပမှ ခရီးသွားဧည့်သည်များပါ လာရောက်ဖူးမြော်လျက်ရှိကြောင်း နစက၏ ထုတ်ပြန်ချက်များအရ သိရသည်။
မာရဝိဇယဗုဒ္ဓရုပ်ပွားတော်အား အနေကဇာတင်ခြင်း၊ ကျောက်စာရုံစေတီများအား ထီးတော်တင်လှူခြင်း အခမ်းအနားများကို ပြီးခဲ့သော သြဂုတ်လ ၁ ရက်တွင် ကျင်းပခဲ့ပြီးနောက် သြဂုတ်လ (၈) ရက်တွင် ပြည်သူများအား စတင်ဖူးမြော်ခွင့်ပြုခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အိတ်စ်ပို့ကြက်သွန်နီအပေါ် အခွန် ၄ဝ ရာခိုင်နှုန်း စည်းကြပ်မှု ချက်ချင်းအကျိုးသက်ရောက်စေမည်ဟု နယူးဒေလီ ပြဌာန်း
RELATED POSTS
04 Sep 2024 | ဘာသာရေး,ပြည်တွင်း
22 Jul 2024 | ဘာသာရေး,နိုင်ငံတကာ
02 Jun 2024 | ဘာသာရေး,နိုင်ငံတကာ
29 May 2024 | ဘာသာရေး,ပြည်တွင်း