ASEAN high-level meeting (SOM)အစည်းအဝေးအတွင်း မြန်မာ့နိုင်ငံရေးကိုထည့်သွင်း ဆွေးနွေးဖွယ်မရှိသေးကြောင်း အင်ဒိုနီးရှားအစိုးရပြော
ဂျန်ဇက် (NSS) - ဇူလိုင် ၁၁
မြန်မာနိုင်ငံရေးအခက်အခဲများကို ASEAN high-level meeting (SOM)အစည်းအဝေးအတွင်း ဆွေးနွေးမှာမဟုတ်ကြောင်း အင်ဒိုနီးရှားနိုင်ငံခြားရေးဝန်ကြီးဌာနရဲ့တာဝန်ရှိသူတစ်ဦးကပြောပါတယ်။
အဆိုပါ အစည်းအဝေးကို ဇူလိုင်လ ၁၀ ရက်မှာ ဂျာကာတာမြို့ ရှန်ဂရီလာဟိုတည်အတွင်းကျင်းပဖို့ စီစဉ်ထားကြောင်း သိရပါတယ်။ အင်ဒိုနီးရှားနိုင်ငံခြားရေးဝန်ကြီးဌာနရဲ့ ညွှန်ကြားရေးမှူးတစ်ဦးဖြစ်တဲ့ Sidharto Suryodipuro က "ဒီနေ့မှာကျင်းပမယ့် ASEAN high-level meeting (SOM) အစည်းအဝေးအတွင်း ထိုင်းနိုင်ငံမှာ ပြီးခဲ့တဲ့လကကျင်းပခဲ့တဲ့ မြန်မာ့အရေးအလွတ်သဘောတွေ့ဆုံဆွေးနွေးမှုကိစ္စတွေကို ထည့်သွင်းဆွေးနွေးမှာမဟုတ်ဘူး။ အာဆီယံဟာ မြန်မာ့အရေးနဲ့ပတ်သက်ပြီး အာဆီယံသဘောတူညီချက်ငါးချက်အကောင်အထည်ဖော်ရေးကိုသာ ဆက်လက်ကိုင်ဆွဲထားမှာပါ"လို့ ပြောပါတယ်။
အာဆီယံအလှည့်ကျဥက္ကဋ္ဌအဖြစ် တာဝန်ယူနေတဲ့ အင်ဒိုနီးရှားနိုင်ငံဟာ မြန်မာကိုယ်စားပြုအဖြစ် နိုင်ငံ ရေးနဲ့မပတ်သက်တဲ့သူ တက်ရောက်ဖို့ ဖိတ်ကြားထားကြောင်းသိရပါတယ်။ အင်ဒိုနီးရှားနိုင်ငံက အိမ်ရှင်အဖြစ်လက်ခံကျင်းပမယ့် အာဆီယံနိုင်ငံခြားရေးဝန်ကြီးများအစည်းအဝေးနဲ့ ဆက်စပ်အစည်းအဝေးတွေကို အမေရိကန်နိုင်ငံခြားရေးဝန်ကြီး၊ ရုရှားနိုင်ငံခြားရေးဝန်ကြီးတို့အပါအဝင် အာဆီယံအဖွဲ့ရဲ့မိတ်ဖက်နိုင်ငံများရဲ့ နိုင်ငံခြားရေးဝန်ကြီးများတက်ရောက်ဖွယ်ရှိနေပါတယ်။
အင်ဒိုနီးရှားနိုင်ငံမှာကျင်းပမယ့် အာဆီယံ နိုင်ငံခြားရေးဝန်ကြီးများအစည်းအဝေးအတွင်း မြန်မာနိုင်ငံရေးကိစ္စအပြင် တောင်တရုတ်ပင်လယ် အရေးကိစ္စတွေကို အဓိကထားဆွေးနွေးဖွယ်ရှိနေကြောင်းသိရပါတယ်။ အင်ဒိုနီးရှားနိုင်ငံဟာ မြန်မာနိုင်ငံရေးအခက်အခဲကိုဖြေရှင်းနိုင်အောင် ကူညီပေးဖို့ နစကအပါအ ဝင် မြန်မာနိုင်ငံရေးမှာပါဝင်နေတဲ့အဖွဲ့အစည်းများနဲ့ အကြိမ်ပေါင်း (၁၁၀)တွေ့ဆုံဆွေးနွေးထားကြောင်းအင်ဒိုနီးရှားနိုင်ငံခြားရေးဝန်ကြီးရက်နိုမာဆူဒီက ပြောပါတယ်။ မြန်မာနိုင်ငံမှာကာလအတန်ကြာ ငြိမ်းချမ်းရေးရယူနိုင်ဖို့ တစ်ခုတည်းသော နည်းလမ်းက တွေ့ဆုံဆွေးနွေးရေးဖြစ်ကြောင်း အင်ဒိုနီးရှားနိုင်ငံခြားရေးဝန်ကြီးက ပြောပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရန်ကုန်မြို့ပတ်ရထား ခရီးစဥ်များကို တွဲဆိုင်း (၆)ဆိုင်းဖြင့် ပြေးဆွဲနေပြီး နေ့စဥ်ခရီးသည်(၆၀၀၀)ခန့် လိုက်ပါစီးနင်းနေ
RELATED POSTS
20 Sep 2024 | နိုင်ငံရေး,ပြည်တွင်း