ကျောင်းသား/သူ (၂ဝဝ)နီးပါး ပညာသင်ယူနေသည့် အခြေခံပညာကျောင်းအား PDF အဖွဲ့က မီးရှို့ခြိမ်းခြောက်
NSS - ဇွန် ၂၈
ပဲခူးတိုင်း၊ တောင်ငူမြို့နယ်ရှိ ကျောင်းသား၊ ကျောင်းသူ(၂ဝဝ)နီးပါး ပညာသင်ယူနေသည့် အခြေခံပညာ မူလတန်းလွန်ကျောင်းကို PDF အဖွဲ့က မီးရှို့ကာခြိမ်းခြောက်ခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။
ပြီးခဲ့သည့် ဇွန်လ ၂၅ ရက်၊ နံနက် ၅ နာရီခွဲအချိန်တွင် တောင်ငူမြို့နယ်၊ မွန်ကုန်းကျေးရွာရှိ အခြေခံပညာမူလတန်းလွန်ကျောင်း၌ ဖြစ်ပွားခဲ့ကြောင်း သိရှိသည်။
အဆိုပါကျောင်းအတွင်းသို့ PDF အဖွဲ့မှရောက်ရှိလာပြီး မီးရှို့ကာခြိမ်းခြောက်မှုများပြုလုပ်ခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။
ထိုသို့မီးရှို့ခံရမှုကြောင့် ဆဋ္ဌမတန်း စာသင်ခန်း၏တံခါးရွက်၊ KG တန်း စာသင်ခန်း၏ တံခါးဘေးနှင့် အုတ်နံရံအပြင်ဘက်တို့တွင် မီးမလောင်ခဲ့သော်လည်း မီးမှိုင်းစွဲမှုများဖြစ်ပွားခဲ့ကြောင်း သိရသည်။
အထက်ပါဖြစ်စဉ်နှင့်ပတ်သက်၍ ပါဝင်ပတ်သက်သူများအား ဖော်ထုတ်ဖမ်းဆီး၍ ဥပဒေနှင့်အညီ အပြစ် ပေးအရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက်ဆောင်ရွက်လျက်ရှိကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။
လက်ရှိတွင် အဆိုပါကျောင်း၌ ကျောင်းဆရာ၊ ဆရာမ(၅)ဦးက ကျောင်းသား၊ ကျောင်းသူ(၁၉၆)ဦးကို ပညာသင်ကြားပေးလျက်ရှိကြောင်းလည်း ရဲတပ်ဖွဲ့မှ ထုတ်ပြန်ထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
Pact Myanmar ထွက်ခွာခြင်းနဲ့ ကမ္ဘာ့ဘဏ်ခန့်မှန်းတဲ့ မြန်မာ့စီးပွားရေး၊ တောင်ကြီးမူးယစ်ပွဲဖြစ်စဉ်နဲ့ ရှာမရတဲ့ မူးယစ်နှိမ်နင်းရေးလမ်းစ (၂၇-၆-၂ဝ၂၃)
RELATED POSTS
07 Sep 2024 | ပညာရေး,ပြည်တွင်း
29 Aug 2024 | ပညာရေး,ပြည်တွင်း