ဂျန်ဇက် (NP News) - မေ ၉

မြန်မာ့နိုင်ငံအရေး အခက်အခဲဟာနှစ်ပေါင်း(၇ဝ)ကျော်ကြာဖြစ်ပွားနေခဲ့ပြီး အလွယ်တကူ ဖြေရှင်းလို့ မရဘဲခက်ခဲရှုပ်ထွေးတဲ့ ပြဿနာတစ်ခုဖြစ်ကြောင်း အင်ဒိုနီးရှားသမ္မတ ဝီဒိုဒိုက ထုတ်ဖော်ပြောဆိုလိုက်ပါတယ်။

အင်ဒိုနီးရှား သမ္မတဟာ အာဆီယံထိပ်သီးအစည်းအဝေးမတိုင်ခင် မြန်မာနိုင်ငံရေးနဲ့ပတ်သက်ပြီး အခုလိုမျိုးပြောခဲ့တာဖြစ်ပါတယ်။ မြန်မာ့နိုင်ငံရေးပြဿနာတွေကို မြန်မာနိုင်ငံကိုယ်တိုင်က ဖြေရှင်းဖို့ ခိုင်မာတဲ့ စိတ်ဆန္ဒပြင်းပြမယ်ဆိုရင် ဖြေရှင်းနိုင်ဖွယ်ရှိတယ်လို့ အင်ဒိုနီးရှားသမ္မတကပြောပါတယ်။ မြန်မာ့နိုင်ငံရေးအခက်အခဲများကို ဖြေရှင်းနိုင်ရေးကြိုးပမ်းရာမှာ အာဆီယံ သဘောတူညီချက်ငါးချက်က အာဆီယံအဖွဲ့ရဲ့ အဓိကအခြေခံမှုများအဖြစ်ဆက်လက်ရှိနေမှာဖြစ်ကြောင်း၊ မြန်မာ့နိုင်ငံရေးအခက်အခဲနဲ့ပတ်သက်ပြီး အဓိကအရေးကြီးဆုံး လုပ်ဆောင်ရမယ့်အရာတစ်ခုက  မြန်မာနိုင်ငံမှာဖြစ်ပွားနေတဲ့အကြမ်းဖက်မှုတွေကိုလျင်မြန်စွာ အဆုံးသတ်နိုင်ရေးဖြစ်ကြောင်း အင်ဒိုနီးရှားသမ္မတက ပြောပါတယ်။

အကြမ်းဖက်မှုများ ရပ်တန့်နိုင်မယ်ဆိုရင် အာဆီယံနဲ့ မြန်မာနိုင်ငံကြားတွေ့ဆုံဆွေးနွေးမှုတွေ၊ မြန်မာ နိုင်ငံရဲ့အိမ်နီးချင်းနိုင်ငံတွေနဲ့တွေ့ဆုံဆွေးနွေးမှုတွေစတင်လုပ်ဆောင်ရမှာဖြစ်ပြီး အာဆီယံအထူးကိုယ် စားလှယ် ရုံးတာဝန်ရှိသူတွေကို မြေပြင်မှာစေ့စပ်ဆွေးနွေးမှုတွေလုပ်ဆောင်နိုင်အောင်စတင်ရမှာဖြစ်ကြောင်း အင်ဒိုနီးရှားသမ္မတကပြောပါတယ်။ မြန်မာနိုင်ငံရေးအခက်အခဲမှာပါဝင်နေတဲ့အဖွဲ့အစည်းတွေရဲ့ ကိုယ်စားလှယ်တွေဟာ စေ့စပ်ဆွေးနွေးမှုတွေကို ပြီးဆုံးအောင် တက်ကြွစွာလုပ်ဆောင်မယ်လို့မျှော်လင့်ကြောင်း၊ မြန်မာ့နိုင်ငံရေးအခက်အခဲကို ဖြေရှင်းနိုင်အောင်အဖြေရှာဖို့ အဲဒီစေ့စပ်ဆွေးနွေးမှုတွေလုပ်ဆောင်ရာမှာလည်း တစ်ဖက်တည်းကလာလို့မရဘဲ နှစ်ဖက်စလုံးလာရမှာဖြစ်တယ်လို့ အင်ဒိုနီးရှားသမ္မတ ဂျိုကိုဝီဒိုဒိုက ၎င်းရဲ့အမြင်တွေကို ထုတ်ဖော်ပြောဆိုခဲ့ပါတယ်။

အင်ဒိုနီးရှားနိုင်ငံဟာ အာဆီယံထိပ်သီးအစည်းအဝေးကို အိမ်ရှင်အဖြစ်မေလ ၁ဝ ရက်မှ ၁၂ ရက်အထိကျင်းပမှာဖြစ်ပြီး အဲဒီအစည်းအဝေးအတွင်း မြန်မာနိုင်ငံရေးကိစ္စများကို အဓိကထားဆွေးနွေးဖွယ်ရှိနေကြောင်းသတင်းများလည်း ထွက်ပေါ်နေပါတယ်။ အင်ဒိုနီးရှားနိုင်ငံဟာ မြန်မာ့နိုင်ငံရေးအခက်အခဲကိုဖြေရှင်းနိုင်ဖို့ တိတ်ဆိတ်စွာချဉ်းကပ်တဲ့ သံတမန်ရေးနည်းလမ်းမျိုးနဲ့ လျှို့ဝှက်ဆောင်ရွက်လျက်ရှိနေကာတွေ့ဆုံဆွေးနွေးနေကြောင်းသိရပါတယ်။ အင်ဒိုနီးရှားဟာ လာမယ့် အာဆီယံထိပ်သီးအစည်းအဝေးအတွင်း မြန်မာနိုင်ငံကိုဖိတ်ကြားထားပေမယ့် နစက တာဝန်ရှိသူများကို ဖိတ်ကြားခြင်းမရှိဘဲ နိုင်ငံရေးအရကိုယ်စားမပြုသူသာတက်ရောက်ဖို့ ဖိတ်ကြားထားတယ်လို့ ပြောပါတယ်။

zawgyi version

ျမန္မာ့ႏိုင္ငံေရးအခက္အခဲကို အလြယ္တကူ ေျဖရွင္းလို႔မရႏိုင္ေၾကာင္း အင္ဒိုနီးရွားသမၼတေျပာ

ဂ်န္ဇက္ (NP News) - ေမ ၉

ျမန္မာ့ႏိုင္ငံအေရး အခက္အခဲဟာႏွစ္ေပါင္း(၇ဝ)ေက်ာ္ၾကာျဖစ္ပြားေနခဲ့ၿပီး အလြယ္တကူ ေျဖရွင္းလို႔ မရဘဲခက္ခဲရႈပ္ေထြးတဲ့ ျပႆနာတစ္ခုျဖစ္ေၾကာင္း အင္ဒိုနီးရွားသမၼတ ဝီဒိုဒိုက ထုတ္ေဖာ္ေျပာဆိုလိုက္ပါတယ္။

အင္ဒိုနီးရွား သမၼတဟာ အာဆီယံထိပ္သီးအစည္းအေဝးမတိုင္ခင္ ျမန္မာႏိုင္ငံေရးနဲ႔ပတ္သက္ၿပီး အခုလိုမ်ိဳးေျပာခဲ့တာျဖစ္ပါတယ္။ ျမန္မာ့ႏိုင္ငံေရးျပႆနာေတြကို ျမန္မာႏိုင္ငံကိုယ္တိုင္က ေျဖရွင္းဖို႔ ခိုင္မာတဲ့ စိတ္ဆႏၵျပင္းျပမယ္ဆိုရင္ ေျဖရွင္းႏိုင္ဖြယ္ရွိတယ္လို႔ အင္ဒိုနီးရွားသမၼတကေျပာပါတယ္။ ျမန္မာ့ႏိုင္ငံေရးအခက္အခဲမ်ားကို ေျဖရွင္းႏိုင္ေရးႀကိဳးပမ္းရာမွာ အာဆီယံ သေဘာတူညီခ်က္ငါးခ်က္က အာဆီယံအဖြဲ႕ရဲ႕ အဓိကအေျခခံမႈမ်ားအျဖစ္ဆက္လက္ရွိေနမွာျဖစ္ေၾကာင္း၊ ျမန္မာ့ႏိုင္ငံေရးအခက္အခဲနဲ႔ပတ္သက္ၿပီး အဓိကအေရးႀကီးဆုံး လုပ္ေဆာင္ရမယ့္အရာတစ္ခုက  ျမန္မာႏိုင္ငံမွာျဖစ္ပြားေနတဲ့အၾကမ္းဖက္မႈေတြကိုလ်င္ျမန္စြာ အဆုံးသတ္ႏိုင္ေရးျဖစ္ေၾကာင္း အင္ဒိုနီးရွားသမၼတက ေျပာပါတယ္။

အၾကမ္းဖက္မႈမ်ား ရပ္တန႔္ႏိုင္မယ္ဆိုရင္ အာဆီယံနဲ႔ ျမန္မာႏိုင္ငံၾကားေတြ႕ဆုံေဆြးေႏြးမႈေတြ၊ ျမန္မာ ႏိုင္ငံရဲ႕အိမ္နီးခ်င္းႏိုင္ငံေတြနဲ႔ေတြ႕ဆုံေဆြးေႏြးမႈေတြစတင္လုပ္ေဆာင္ရမွာျဖစ္ၿပီး အာဆီယံအထူးကိုယ္ စားလွယ္ ႐ုံးတာဝန္ရွိသူေတြကို ေျမျပင္မွာေစ့စပ္ေဆြးေႏြးမႈေတြလုပ္ေဆာင္ႏိုင္ေအာင္စတင္ရမွာျဖစ္ေၾကာင္း အင္ဒိုနီးရွားသမၼတကေျပာပါတယ္။ ျမန္မာႏိုင္ငံေရးအခက္အခဲမွာပါဝင္ေနတဲ့အဖြဲ႕အစည္းေတြရဲ႕ ကိုယ္စားလွယ္ေတြဟာ ေစ့စပ္ေဆြးေႏြးမႈေတြကို ၿပီးဆုံးေအာင္ တက္ႂကြစြာလုပ္ေဆာင္မယ္လို႔ေမွ်ာ္လင့္ေၾကာင္း၊ ျမန္မာ့ႏိုင္ငံေရးအခက္အခဲကို ေျဖရွင္းႏိုင္ေအာင္အေျဖရွာဖို႔ အဲဒီေစ့စပ္ေဆြးေႏြးမႈေတြလုပ္ေဆာင္ရာမွာလည္း တစ္ဖက္တည္းကလာလို႔မရဘဲ ႏွစ္ဖက္စလုံးလာရမွာျဖစ္တယ္လို႔ အင္ဒိုနီးရွားသမၼတ ဂ်ိဳကိုဝီဒိုဒိုက ၎ရဲ႕အျမင္ေတြကို ထုတ္ေဖာ္ေျပာဆိုခဲ့ပါတယ္။

အင္ဒိုနီးရွားႏိုင္ငံဟာ အာဆီယံထိပ္သီးအစည္းအေဝးကို အိမ္ရွင္အျဖစ္ေမလ ၁ဝ ရက္မွ ၁၂ ရက္အထိက်င္းပမွာျဖစ္ၿပီး အဲဒီအစည္းအေဝးအတြင္း ျမန္မာႏိုင္ငံေရးကိစၥမ်ားကို အဓိကထားေဆြးေႏြးဖြယ္ရွိေနေၾကာင္းသတင္းမ်ားလည္း ထြက္ေပၚေနပါတယ္။ အင္ဒိုနီးရွားႏိုင္ငံဟာ ျမန္မာ့ႏိုင္ငံေရးအခက္အခဲကိုေျဖရွင္းႏိုင္ဖို႔ တိတ္ဆိတ္စြာခ်ဥ္းကပ္တဲ့ သံတမန္ေရးနည္းလမ္းမ်ိဳးနဲ႔ လွ်ိဳ႕ဝွက္ေဆာင္႐ြက္လ်က္ရွိေနကာေတြ႕ဆုံေဆြးေႏြးေနေၾကာင္းသိရပါတယ္။ အင္ဒိုနီးရွားဟာ လာမယ့္ အာဆီယံထိပ္သီးအစည္းအေဝးအတြင္း ျမန္မာႏိုင္ငံကိုဖိတ္ၾကားထားေပမယ့္ နစက တာဝန္ရွိသူမ်ားကို ဖိတ္ၾကားျခင္းမရွိဘဲ ႏိုင္ငံေရးအရကိုယ္စားမျပဳသူသာတက္ေရာက္ဖို႔ ဖိတ္ၾကားထားတယ္လို႔ ေျပာပါတယ္။