NP News - မေ ၃

သေဒဏ်ချမှတ်ခံထားရသည့် အကျဉ်းသား (၃၈)ဦးကို နိုင်ငံတော်စီမံအုပ်ချုပ်ရေးကောင်စီသည် သေဒဏ်ပြစ်ဒဏ်မှ လွတ်ငြိမ်းခွင့်ပြုလိုက်ကြောင်း သတင်းရရှိသည်။

ယနေ့(မေလ ၃ ရက်)တွင် ကျရောက်သော ကဆုန်လပြည့် ဗုဒ္ဓနေ့အထိမ်းအမှတ်အဖြစ် အကျဉ်းထောင်အသီးသီး၌ သေဒဏ်ချမှတ်ခြင်းခံထားရသော အကျဉ်းသား၊ အကျဉ်းသူ(၃၈)ဦးကို သေဒဏ်ပြစ်ဒဏ်မှ လွတ်ငြိမ်းခွင့်ပြုလိုက်ခြင်းဖြစ်သည်။

အဆိုပါအကျဉ်းသား(၃၈)ဦးကို ဖွဲ့စည်းပုံအခြေခံဥပဒေပုဒ်မ ၂ဝ၄၊ ပုဒ်မခွဲ(က)အရ ချမှတ်ထားသည့် သေဒဏ်ပြစ်ဒဏ်မှ လွတ်ငြိမ်းခွင့်ပြုကာ ထောင်ဒဏ်တစ်သက်သို့ ပြောင်းလဲကျခံစေလိုက်ကြောင်း နစကမှ အမိန့်ထုတ်ပြန်ထားသည်။

လက်ရှိ နစကလက်ထက်တွင် စစ်ခုံရုံးမှ သေဒဏ်ချမှတ်ခြင်းခံခဲ့ရသည့် ကိုဂျင်မီ၊ ကိုဖြိုးဇေယျာသော်၊ ကိုလှမျိုးအောင်နှင့် ကိုအောင်သူရဇော်တို့အား ပြီးခဲ့သော ၂ဝ၂၂ ခုနှစ် ဇူလိုင်လ ၂၃ ရက်တွင် ပြစ်ဒဏ်စီရင်ခဲ့ပြီး ရန်ကုန်တိုင်း၊ ထိန်ပင်သုသာန်၌ သဂြိုလ်ခဲ့သည်။

၎င်းတို့(၄)ဦးသည် အကြမ်းဖက်သတ်ဖြတ်မှုများကို ကျူးလွန်ရာတွင် စီစဉ်ညွှန်ကြားခြင်း၊ စီမံဆောင်ရွက်ခြင်း၊ ပူးပေါင်းကြံစည်ခြင်း၊ ကိုယ်တိုင် ပါဝင်ကျူးလွန်ခြင်းတို့ကြောင့် အပြစ်မဲ့ပြည်သူအများအပြားသေဆုံးခဲ့ရမှုအတွက် သက်ဆိုင်ရာစစ်ခုံရုံး အသီးသီးက ကျူးလွန်သည့်ပြစ်မှုအလိုက် အကြမ်းဖက်မှုတိုက်ဖျက်ရေးဥပဒေပါ သက်ဆိုင်ရာပြဋ္ဌာန်းချက် ပုဒ်မများ၊ ရာဇသတ်ကြီး၏ သက်ဆိုင်ရာပြဋ္ဌာန်းချက်ပုဒ်မများဖြင့် စွဲချက်တင်ပြီး ပြစ်မှုထင်ရှားသဖြင့် သေဒဏ်ချမှတ်ခဲ့ခြင်းဖြစ်ကြောင်း နစကဘက်က ထုတ်ပြန်ခဲ့သည်။

၎င်းကဲ့သို့ သေဒဏ်ပြစ်ဒဏ်အား စီရင်မှုသည် မြန်မာနိုင်ငံ၌ နှစ်ပေါင်း(၃ဝ)ကျော်နောက်ပိုင်း လက်ရှိနစက လက်ထက်တွင် ပထမဆုံးအကြိမ် ပြန်လည်ပြုလုပ်ခြင်းမျိုး ဖြစ်သည်။

၂ဝ၂၁ ခုနှစ်နောက်ပိုင်း၌ မြန်မာနိုင်ငံရှိ အကျဉ်းထောင်အသီးသီး၌ သေဒဏ်ပြစ်ဒဏ် ချမှတ်ခြင်းခံရထားသည့် အကျဉ်းသား၊ အကျဉ်းသူဦးရေစာရင်းကို နစကဘက်မှ တိတိကျကျထုတ်ပြန်ထားခြင်းမျိုး မတွေ့ရသေးပေ။

နစကသည် ယနေ့တွင်လည်း ကဆုန်လပြည့်ဗုဒ္ဓနေ့ အထိမ်းအမှတ်အဖြစ် အကျဉ်းထောင်အသီးသီး၌ ရာဇသတ်ကြီးပုဒ်မ ၅ဝ၅-က ဖြင့် ထောင်ကျနေသည့် အကျဉ်းသား(၂ဝဝဝ)ကျော်ကိုလည်း လွတ်ငြိမ်းချမ်း သာခွင့် ပြုပေးလိုက်သည်။

zawgyi version

ေသဒဏ္ခ်မွတ္ခံထားရသည့္ အက်ဥ္းသား (၃၈)ဦးကို ေသဒဏ္ျပစ္ဒဏ္မွ နစက လြတ္ၿငိမ္းခြင့္ေပး 

NP News - ေမ ၃

ေသဒဏ္ခ်မွတ္ခံထားရသည့္ အက်ဥ္းသား (၃၈)ဦးကို ႏိုင္ငံေတာ္စီမံအုပ္ခ်ဳပ္ေရးေကာင္စီသည္ ေသဒဏ္ျပစ္ဒဏ္မွ လြတ္ၿငိမ္းခြင့္ျပဳလိုက္ေၾကာင္း သတင္းရရွိသည္။

ယေန႔(ေမလ ၃ ရက္)တြင္ က်ေရာက္ေသာ ကဆုန္လျပည့္ ဗုဒၶေန႔အထိမ္းအမွတ္အျဖစ္ အက်ဥ္းေထာင္အသီးသီး၌ ေသဒဏ္ခ်မွတ္ျခင္းခံထားရေသာ အက်ဥ္းသား၊ အက်ဥ္းသူ(၃၈)ဦးကို ေသဒဏ္ျပစ္ဒဏ္မွ လြတ္ၿငိမ္းခြင့္ျပဳလိုက္ျခင္းျဖစ္သည္။

အဆိုပါအက်ဥ္းသား(၃၈)ဦးကို ဖြဲ႕စည္းပုံအေျခခံဥပေဒပုဒ္မ ၂ဝ၄၊ ပုဒ္မခြဲ(က)အရ ခ်မွတ္ထားသည့္ ေသဒဏ္ျပစ္ဒဏ္မွ လြတ္ၿငိမ္းခြင့္ျပဳကာ ေထာင္ဒဏ္တစ္သက္သို႔ ေျပာင္းလဲက်ခံေစလိုက္ေၾကာင္း နစကမွ အမိန႔္ထုတ္ျပန္ထားသည္။

လက္ရွိ နစကလက္ထက္တြင္ စစ္ခုံ႐ုံးမွ ေသဒဏ္ခ်မွတ္ျခင္းခံခဲ့ရသည့္ ကိုဂ်င္မီ၊ ကိုၿဖိဳးေဇယ်ာေသာ္၊ ကိုလွမ်ိဳးေအာင္ႏွင့္ ကိုေအာင္သူရေဇာ္တို႔အား ၿပီးခဲ့ေသာ ၂ဝ၂၂ ခုႏွစ္ ဇူလိုင္လ ၂၃ ရက္တြင္ ျပစ္ဒဏ္စီရင္ခဲ့ၿပီး ရန္ကုန္တိုင္း၊ ထိန္ပင္သုသာန္၌ သၿဂိဳလ္ခဲ့သည္။

၎တို႔(၄)ဦးသည္ အၾကမ္းဖက္သတ္ျဖတ္မႈမ်ားကို က်ဴးလြန္ရာတြင္ စီစဥ္ၫႊန္ၾကားျခင္း၊ စီမံေဆာင္႐ြက္ျခင္း၊ ပူးေပါင္းႀကံစည္ျခင္း၊ ကိုယ္တိုင္ ပါဝင္က်ဴးလြန္ျခင္းတို႔ေၾကာင့္ အျပစ္မဲ့ျပည္သူအမ်ားအျပားေသဆုံးခဲ့ရမႈအတြက္ သက္ဆိုင္ရာစစ္ခုံ႐ုံး အသီးသီးက က်ဴးလြန္သည့္ျပစ္မႈအလိုက္ အၾကမ္းဖက္မႈတိုက္ဖ်က္ေရးဥပေဒပါ သက္ဆိုင္ရာျပ႒ာန္းခ်က္ ပုဒ္မမ်ား၊ ရာဇသတ္ႀကီး၏ သက္ဆိုင္ရာျပ႒ာန္းခ်က္ပုဒ္မမ်ားျဖင့္ စြဲခ်က္တင္ၿပီး ျပစ္မႈထင္ရွားသျဖင့္ ေသဒဏ္ခ်မွတ္ခဲ့ျခင္းျဖစ္ေၾကာင္း နစကဘက္က ထုတ္ျပန္ခဲ့သည္။

၎ကဲ့သို႔ ေသဒဏ္ျပစ္ဒဏ္အား စီရင္မႈသည္ ျမန္မာႏိုင္ငံ၌ ႏွစ္ေပါင္း(၃ဝ)ေက်ာ္ေနာက္ပိုင္း လက္ရွိနစက လက္ထက္တြင္ ပထမဆုံးအႀကိမ္ ျပန္လည္ျပဳလုပ္ျခင္းမ်ိဳး ျဖစ္သည္။

၂ဝ၂၁ ခုႏွစ္ေနာက္ပိုင္း၌ ျမန္မာႏိုင္ငံရွိ အက်ဥ္းေထာင္အသီးသီး၌ ေသဒဏ္ျပစ္ဒဏ္ ခ်မွတ္ျခင္းခံရထားသည့္ အက်ဥ္းသား၊ အက်ဥ္းသူဦးေရစာရင္းကို နစကဘက္မွ တိတိက်က်ထုတ္ျပန္ထားျခင္းမ်ိဳး မေတြ႕ရေသးေပ။

နစကသည္ ယေန႔တြင္လည္း ကဆုန္လျပည့္ဗုဒၶေန႔ အထိမ္းအမွတ္အျဖစ္ အက်ဥ္းေထာင္အသီးသီး၌ ရာဇသတ္ႀကီးပုဒ္မ ၅ဝ၅-က ျဖင့္ ေထာင္က်ေနသည့္ အက်ဥ္းသား(၂ဝဝဝ)ေက်ာ္ကိုလည္း လြတ္ၿငိမ္းခ်မ္း သာခြင့္ ျပဳေပးလိုက္သည္။