အေဝိုင်အီး (NSS) - ဩဂုတ် ၃ဝ

ပြည်သူလူထု၏အပ်နှံငွေအပေါ် ပြန်လည်ပေးအပ်သည့်ဘဏ်တိုးနှုန်းသည် ဩဂုတ်(၁၄) ရက်ကထုတ်ပြန် ခဲသော ပမာဏထက် ပိုမိုများပြား သည့်အပ်နှံငွေအပေါ် အတိုးနှုန်းသတ်မှတ်ခြင်း များဖြစ်လာနိုင်ကြောင်း သတင်းရရှိသည်။ 

ဩဂုတ်လ(၁၄)ရက်တွင် ဗဟိုဘဏ်ကထုတ် ပြန်ခဲ့သောကြေညာချက်၌ လာမည့်စက်တင်ဘာ (၁)ရက်မှစ၍ ပြည်သူလူထု၏အပ်နှံငွေအပေါ် အတိုးနှုန်းကို အနိမ့်ဆုံး(၇)ရာခိုင်နှုန်းမှ အမြင့်ဆုံး(၉)ရာခိုင်နှုန်းအထိ တိုးမြှင့်သတ်မှတ် ကြောင်း ကြေညာခဲ့ခြင်းဖြစ်ပြီး ယခင်သတ်မှတ်ချက်များထက် ပိုမိုမြင့်မားလာခြင်းမျိုး လည်းဖြစ်သည်။

သို့သော်လည်း ဗဟိုဘဏ်နှင့် ပုဂ္ဂလိကဘဏ်များက ပြည်သူလူထု၏အပ်နှံငွေများကို ဩဂုတ်လ(၁၄)ရက်က ကြေညာချက်ထက်ပို၍ အတိုးနှုန်းများမြှင့်တင်ပေးရန် သဘောထားများရှိလာကြကြောင်း ဘဏ္ဍာရေးဆိုင်ရာ သတင်း ရင်းမြစ်ထံမှ ကြားသိရသည်။ ‘‘အပ်ငွေအတိုးနှုန်းကို အနိမ့်ဆုံး (၇)ရာခိုင်နှုန်းအဖြစ် အခုသတ်မှတ်ထားတာကနေ အနိမ့်ဆုံးပမာဏက (၈)၊ (၉)ရာခိုင်နှုန်းဖြစ်နိုင်သလို၊ အမြင့်ဆုံးအတိုးနှုန်းက (၁၀) ရာခိုင်နှုန်းအထက် တောင်ဖြစ်လာ နိုင်တယ်။ အပ်နှံငွေအတိုးနှုန်းကို ကြေညာထားတာထက် ပိုပြီးတိုးပေးဖို့ ကြိတ်ပြီးစီစဉ်နေကြတယ်”ဟု ဘဏ္ဍာရေး သတင်း ရင်းမြစ်က NP News ကို ပြောသည်။ ဗဟိုဘဏ်က ဩဂုတ်လ(၁၄)ရက်တွင် ကြေညာခဲ့သော အပ်ငွေအပေါ် အတိုးနှုန်းများ တိုးမြှင့်ပေးအပ်မည်ဆိုသည့် သတင်းကြောင့် ငွေကြေးဖောင်းပွမှုနှုန်း လျော့ကျလာပြီး ပြည်သူများ ဘက်ကလည်း ဘဏ်အပ်နှံငွေပေါ်မှ အတိုးဝင်ငွေ ပိုမိုရရှိလာ မည်ဖြစ်ကြောင်း၊ အပ်နှံငွေမြင့်တက်လာမှုနှင့်အတူ ဘဏ် များ၏ ချေးငွေထုတ်ချေးနိုင်မှုသည်လည်း ပိုမိုများပြားလာနိုင်ကြောင်း၊ ဆက်စပ်၍ နိုင်ငံ၏စီးပွားရေး တိုးတက်မှုကို များစွာအထောက်အကူပြုမည်ဖြစ် ကြောင်းလည်း သတင်းရင်းမြစ်က သုံးသပ်သည်။

ဗဟိုဘဏ်နှင့် ပုဂ္ဂလိက ဘဏ် တာဝန်ရှိသူတို့က ယင်းအချက်များကိုဆွေးနွေးထားကြပြီး အပ်ငွေများအပေါ် ဘဏ်တိုးနှုန်းများ ထပ်မံတိုးမြှင့်ပေးသွား မည့်ကိစ္စအပေါ် သီးခြားအစီအစဉ်များအဖြစ် ဆက်လက်ဆောင်ရွက်နေခြင်းမျိုးဖြစ်ကြောင်း ဗဟိုဘဏ်နှင့်နီးစပ်သည့် သတင်းအရင်းအမြစ်များ အရသိရသည်။ ‘‘ဘဏ်မှာ ငွေသွားအပ်ရင် အရင်ကအတိုးနှုန်း (၆) ရာခိုင်နှုန်း (၇)ရာခိုင်နှုန်း ရတယ်ပေါ့ဗျာ။ အခုက အဲဒါထက်ပိုပြီးများမယ့်သဘော။ ဩဂုတ်လ(၁၄)ရက်က ကြေညာထားတဲ့နှုန်းထက် ပိုပြီးများ မယ့် အတိုးနှုန်းမျိုး ရမယ့်သဘောဗျ’’ဟု သတင်းရင်းမြစ်ကပြောသည်။ ပုဂ္ဂလိကဘဏ် အချို့၏ (၂၀၂၀) ပြည့်နှစ်က တည်းက သတ်မှတ်ထားသော အပ်ငွေအပေါ်အတိုးနှုန်းမှာ  အမြင့်ဆုံးအားဖြင့် (၇)ရာခိုင်နှုန်းသာ ရှိထားပြီး အပ်နှံငွေ အပေါ်ရရှိခဲ့ဖူးသည့် အမြင့်ဆုံးသောပမာဏမှာ (၈)ရာခိုင်နှုန်းခန့်သာဖြစ်ခဲ့ကြောင်း ကြားသိရသည်။