မျိုးကြီး (NP News) - ဧပြီ ၅

အပြည်ပြည်ဆိုင်ရာတရားရုံး(ICJ)၌ ဂမ်ဘီယာနိုင်ငံက တရားစွဲဆိုထားမှုအပေါ် ရင်ဆိုင်ရန် ဝန်ကြီးဦးသန်းဆွေ ဦးဆောင်မည့် ကော်မတီတစ်ရပ်ကို ပြင်ဆင်ဖွဲ့စည်းလိုက်ကြောင်း နစက၏ အချက်အလက်များအရ သိရသည်။

ICJ ၌ တရားရင်ဆိုင်ခြင်းဆိုင်ရာဦးဆောင်ကော်မတီကို ဗိုလ်ချုပ်မှူးကြီးမင်းအောင်လှိုင် ဦးဆောင်သည့် နစကမှ ပြီးခဲ့သော လပိုင်းအတွင်းက ပြင်ဆင်ဖွဲ့စည်းခဲ့ခြင်းဖြစ်ကြောင်း သိရသည်။

ယခင်က ဖွဲ့စည်းခဲ့သော ဦးဆောင်ကော်မတီကို နိုင်ငံခြားရေးဝန်ကြီးဟောင်း ဦးဝဏ္ဏမောင်လွင်က ဥက္ကဋ္ဌအဖြစ် တာဝန်ယူဆောင်ရွက်ခဲ့သည်။

ယခုပြင်ဆင်ဖွဲ့စည်းလိုက်သော တရားရင်ဆိုင်ခြင်းဆိုင်ရာဦးဆောင်ကော်မတီတွင် လက်ရှိနိုင်ငံခြားရေးဝန်ကြီး ဦးသန်းဆွေက ဥက္ကဋ္ဌအဖြစ် တာဝန်ယူမည်ဖြစ်ပြီး စုစုပေါင်းအဖွဲ့ဝင် (၁၄)ဦးဖြင့် ပြင်ဆင်ဖွဲ့စည်းလိုက်ကြောင်း သိရသည်။

ICJ ၌တရားရင်ဆိုင်ခြင်းဆိုင်ရာဦးဆောင်ကော်မတီတွင် တရားရုံးသို့ မြန်မာနိုင်ငံကိုယ်စား သွားရောက်ရင်ဆိုင်ခဲ့သည့် ဝန်ကြီးဦးကိုကိုလှိုင်၊ ဝန်ကြီးဒေါက်တာသီတာဦးတို့ကိုလည်း ထည့်သွင်းကာ ဆက်လက်တာဝန်ပေးထားကြောင်း သိရသည်။

ထို့ပြင် ၎င်းဦးဆောင်ကော်မတီ၌ စစ်ရေးချုပ် ဒုတိယဗိုလ်ချုပ်ကြီးစိုးမင်းဦး၊ စစ်ဥပဒေချုပ် ဒုတိယဗိုလ်ချုပ်ကြီးမျိုးသန့်နိုင်တို့ကိုလည်း ထည့်သွင်းဖွဲ့စည်းထားကြောင်း သိရသည်။

မြန်မာနိုင်ငံကို ဂမ်ဘီယာနိုင်ငံက ICJ ၌ တရားစွဲဆိုထားခြင်းနှင့်ပတ်သက်၍ တရားရင်ဆိုင်ရေးကိစ္စရပ်များတွင် တာဝန်ယူကွပ်ကဲနိုင်ရေးအတွက် ဦးဆောင်ကော်မတီဖွဲ့စည်းထားခြင်းဖြစ်ကြောင်း နစကမှ ဆိုသည်။

ICJ ၌ တရားရင်ဆိုင်ခြင်းနှင့်ပတ်သက်၍ လိုအပ်သောအချက်အလက်များ ရရှိရေးအတွက် သက်ဆိုင်ရာဌာန/အဖွဲ့အစည်းများနှင့်ပေါင်းစပ်ညှိနှိုင်းဆောင်ရွက်သွားရန် ဦးဆောင်ကော်မ တီကို နစကမှတာဝန်ပေးထားသည်။

မြန်မာနိုင်ငံအပေါ် ဂမ်ဘီယာနိုင်ငံက အပြည်ပြည်ဆိုင်ရာတရုံး(ICJ)၌ ၁၉၄၈ ခုနှစ် လူမျိုးသုဉ်းစေမှုကို တားဆီးရန်နှင့် ပြစ်ဒဏ်ပေးရန် နိုင်ငံတကာသဘောတူစာချုပ်ကို ကျူးလွန်ဖောက်ဖျက်သည်ဟု စွပ်စွဲချက်ဖြင့် ပြီးခဲ့သော ၂ဝ၁၉ ခုနှစ်အတွင်း တရားစွဲခဲ့ခြင်းဖြစ်သည်။

၎င်းအမှုနှင့်ပတ်သက်၍ မြန်မာနိုင်ငံအနေဖြင့် ICJ ၌ (၂)ကြိမ်တိုင်တိုင် သွားရောက် တရားရင်ဆိုင်ခဲ့ပြီး ပထမအကြိမ်တွင် နိုင်ငံတော်၏အတိုင်ပင်ခံပုဂ္ဂိုလ်ဟောင်း ဒေါ်အောင်ဆန်းစုကြည်ဦးဆောင်ကာ ရင်ဆိုင်ဖြေရှင်းခဲ့ပြီး ဒုတိယအကြိမ်၌ နစက၏ အပြည်ပြည်ဆိုင်ရာပူး ပေါင်းဆောင်ရွက်ရေးဝန်ကြီး ဦးကိုကိုလှိုင် ဦးဆောင်ကာ ရင်ဆိုင်ဖြေရှင်းခဲ့သည်။

အဆိုပါအမှုနှင့်ပတ်သက်၍ မြန်မာနိုင်ငံက တင်သွင်းခဲ့သော ကနဦးကန့်ကွက်ချက်များကို ICJ က ပယ်ချကြောင်း ဆုံးဖြတ်ထားသည်။

zawgyi version

ICJ ၌ ဂမ္ဘီယာႏိုင္ငံက တရားစြဲဆိုထားမႈအေပၚရင္ဆိုင္ရန္ ဝန္ႀကီးဦးသန္းေဆြ ဦးေဆာင္မည့္ ေကာ္မတီတစ္ရပ္ကို နစက ျပင္ဆင္ဖြဲ႕စည္း

မ်ိဳးႀကီး (NP News) - ဧၿပီ ၅

အျပည္ျပည္ဆိုင္ရာတရား႐ုံး(ICJ)၌ ဂမ္ဘီယာႏိုင္ငံက တရားစြဲဆိုထားမႈအေပၚ ရင္ဆိုင္ရန္ ဝန္ႀကီးဦးသန္းေဆြ ဦးေဆာင္မည့္ ေကာ္မတီတစ္ရပ္ကို ျပင္ဆင္ဖြဲ႕စည္းလိုက္ေၾကာင္း နစက၏ အခ်က္အလက္မ်ားအရ သိရသည္။

ICJ ၌ တရားရင္ဆိုင္ျခင္းဆိုင္ရာဦးေဆာင္ေကာ္မတီကို ဗိုလ္ခ်ဳပ္မႉးႀကီးမင္းေအာင္လႈိင္ ဦးေဆာင္သည့္ နစကမွ ၿပီးခဲ့ေသာ လပိုင္းအတြင္းက ျပင္ဆင္ဖြဲ႕စည္းခဲ့ျခင္းျဖစ္ေၾကာင္း သိရသည္။

ယခင္က ဖြဲ႕စည္းခဲ့ေသာ ဦးေဆာင္ေကာ္မတီကို ႏိုင္ငံျခားေရးဝန္ႀကီးေဟာင္း ဦးဝဏၰေမာင္လြင္က ဥကၠ႒အျဖစ္ တာဝန္ယူေဆာင္႐ြက္ခဲ့သည္။

ယခုျပင္ဆင္ဖြဲ႕စည္းလိုက္ေသာ တရားရင္ဆိုင္ျခင္းဆိုင္ရာဦးေဆာင္ေကာ္မတီတြင္ လက္ရွိႏိုင္ငံျခားေရးဝန္ႀကီး ဦးသန္းေဆြက ဥကၠ႒အျဖစ္ တာဝန္ယူမည္ျဖစ္ၿပီး စုစုေပါင္းအဖြဲ႕ဝင္ (၁၄)ဦးျဖင့္ ျပင္ဆင္ဖြဲ႕စည္းလိုက္ေၾကာင္း သိရသည္။

ICJ ၌တရားရင္ဆိုင္ျခင္းဆိုင္ရာဦးေဆာင္ေကာ္မတီတြင္ တရား႐ုံးသို႔ ျမန္မာႏိုင္ငံကိုယ္စား သြားေရာက္ရင္ဆိုင္ခဲ့သည့္ ဝန္ႀကီးဦးကိုကိုလႈိင္၊ ဝန္ႀကီးေဒါက္တာသီတာဦးတို႔ကိုလည္း ထည့္သြင္းကာ ဆက္လက္တာဝန္ေပးထားေၾကာင္း သိရသည္။

ထို႔ျပင္ ၎ဦးေဆာင္ေကာ္မတီ၌ စစ္ေရးခ်ဳပ္ ဒုတိယဗိုလ္ခ်ဳပ္ႀကီးစိုးမင္းဦး၊ စစ္ဥပေဒခ်ဳပ္ ဒုတိယဗိုလ္ခ်ဳပ္ႀကီးမ်ိဳးသန႔္ႏိုင္တို႔ကိုလည္း ထည့္သြင္းဖြဲ႕စည္းထားေၾကာင္း သိရသည္။

ျမန္မာႏိုင္ငံကို ဂမ္ဘီယာႏိုင္ငံက ICJ ၌ တရားစြဲဆိုထားျခင္းႏွင့္ပတ္သက္၍ တရားရင္ဆိုင္ေရးကိစၥရပ္မ်ားတြင္ တာဝန္ယူကြပ္ကဲႏိုင္ေရးအတြက္ ဦးေဆာင္ေကာ္မတီဖြဲ႕စည္းထားျခင္းျဖစ္ေၾကာင္း နစကမွ ဆိုသည္။

ICJ ၌ တရားရင္ဆိုင္ျခင္းႏွင့္ပတ္သက္၍ လိုအပ္ေသာအခ်က္အလက္မ်ား ရရွိေရးအတြက္ သက္ဆိုင္ရာဌာန/အဖြဲ႕အစည္းမ်ားႏွင့္ေပါင္းစပ္ညႇိႏႈိင္းေဆာင္႐ြက္သြားရန္ ဦးေဆာင္ေကာ္မ တီကို နစကမွတာဝန္ေပးထားသည္။

ျမန္မာႏိုင္ငံအေပၚ ဂမ္ဘီယာႏိုင္ငံက အျပည္ျပည္ဆိုင္ရာတ႐ုံး(ICJ)၌ ၁၉၄၈ ခုႏွစ္ လူမ်ိဳးသုဥ္းေစမႈကို တားဆီးရန္ႏွင့္ ျပစ္ဒဏ္ေပးရန္ ႏိုင္ငံတကာသေဘာတူစာခ်ဳပ္ကို က်ဴးလြန္ေဖာက္ဖ်က္သည္ဟု စြပ္စြဲခ်က္ျဖင့္ ၿပီးခဲ့ေသာ ၂ဝ၁၉ ခုႏွစ္အတြင္း တရားစြဲခဲ့ျခင္းျဖစ္သည္။

၎အမႈႏွင့္ပတ္သက္၍ ျမန္မာႏိုင္ငံအေနျဖင့္ ICJ ၌ (၂)ႀကိမ္တိုင္တိုင္ သြားေရာက္ တရားရင္ဆိုင္ခဲ့ၿပီး ပထမအႀကိမ္တြင္ ႏိုင္ငံေတာ္၏အတိုင္ပင္ခံပုဂၢိဳလ္ေဟာင္း ေဒၚေအာင္ဆန္းစုၾကည္ဦးေဆာင္ကာ ရင္ဆိုင္ေျဖရွင္းခဲ့ၿပီး ဒုတိယအႀကိမ္၌ နစက၏ အျပည္ျပည္ဆိုင္ရာပူး ေပါင္းေဆာင္႐ြက္ေရးဝန္ႀကီး ဦးကိုကိုလႈိင္ ဦးေဆာင္ကာ ရင္ဆိုင္ေျဖရွင္းခဲ့သည္။

အဆိုပါအမႈႏွင့္ပတ္သက္၍ ျမန္မာႏိုင္ငံက တင္သြင္းခဲ့ေသာ ကနဦးကန႔္ကြက္ခ်က္မ်ားကို ICJ က ပယ္ခ်ေၾကာင္း ဆုံးျဖတ္ထားသည္။