ထိုင်းဝန်ကြီးချုပ် ရာထူးမှ ဖယ်ရှားခံရဖွယ်ရှိနေ
ALynn (NSS) - ဩဂုတ် ၁၃
ထိုင်းဝန်ကြီးချုပ် ဆရတ်သာထာဝီဆင်းသည် ၀န်ကြီးတစ်ဦးကို ခန့်အပ်ခြင်းနှင့်ပတ်သက်သည့် ရာဇ၀တ်မှုဖြင့် နိုင်ငံ၏ဖွဲ့စည်းပုံ အခြေခံဥပဒေခုံရုံးက ယခုသီတင်းပတ်အတွင်း ၎င်းအား ရာထူးမှ ဖယ်ရှားခံရဖွယ်ရှိသည်။ နိုင်ငံတော်၏ အဓိက အတိုက်အခံ နိုင်ငံရေးပါတီကို ဖျက်သိမ်းပြီး ၎င်း၏ ခေါင်းဆောင်ဟောင်း Pita Limjaroenrat အား နိုင်ငံရေးမှ ဆယ်စုနှစ် တစ်ခုကြာ ပိတ်ပင်ခဲ့ပြီးနောက် တစ်ပတ်အကြာတွင် အဆိုပါ အမှု ထွက်ပေါ်လာခြင်းဖြစ်သည်။
ဆရတ်သာသည် ဝန်ကြီးချုပ်ဟောင်း သက်ဆင်ရှင်နာဝပ်ထရာ၏ မိသားစုနှင့် နီးစပ်သော ရှေ့နေ တစ်ဦးဖြစ်သည့် Pichit Chuenban ကို ဝန်ကြီးအဖြစ် ခန့်အပ်ခဲ့ခြင်းကြောင့် ကျင့်ဝတ်စည်းကမ်း များကို ဖောက်ဖျက်သည်ဟု စွပ်စွဲခံထားရသည်။ Pichit သည် အကျင့်ပျက်ခြစားမှုဖြင့် ၂၀၀၈ ခုနှစ်တွင် ထောင်ဒဏ်ခြောက်လ ချမှတ်ခံခဲ့ရသည်။ Pichit က ၎င်းအနေဖြင့် ရာထူးမှ နုတ်ထွက် ပြီး ဆရတ်သာအား ကာကွယ်ရန် ကြိုးပမ်းခဲ့သော်လည်း စစ်တပ်မှ ခန့်အပ်ထားသော အထက်လွှတ်တော်အမတ်များ၏ တိုင်ကြားချက်ဖြင့် စတင်ခဲ့သော ယင်းအမှုကို ဖွဲ့စည်းပုံအခြေခံ ဥပဒေတရားရုံးမှ ကြားနာရန် သဘောတူထားဆဲ ဖြစ်သည်။ ဆရတ်သာက Pichit သည် လိုအပ်သော စစ်ဆေးမှုများကို ခံယူခဲ့သည်ဟု ဆိုသည်။
ဝန်ကြီးချုပ်ရာထူးကို ဆက်လက်ထမ်းဆောင်ခွင့်ရပါက အစိုးရအဖွဲ့တွင် အပြောင်းအလဲဖြစ်နိုင်ခြေရှိကြောင်း ဝန်ကြီးချုပ်က ပြောကြားခဲ့ဖူးသည်ဟု ပြည်တွင်းမီဒီယာများ၏ ဖော်ပြချက်အရ သိရသည်။ အကယ်၍ ၎င်းရာထူးမှဖယ်ရှားခံရပါက ဖွေထိုင်းပါတီသည် ဝန်ကြီးချုပ်သစ်အတွက် ကိုယ်စားလှယ်လောင်းအမည်စာရင်း တင်သွင်းရမည်ဖြစ်သည်။ ဖွဲ့စည်းပုံအခြေခံဥပဒေခုံရုံးသည် ယခင်က ၀န်ကြီးချုပ်များကို ထုတ်ပယ်ခဲ့သော်လည်း နိုင်ငံရေးသုံးသပ်သူ Thitinan Pongsudhirak က ဝန်ကြီးချုပ်အား ထုတ်ပယ်လိမ့်မည်ဟု မမျှော်လင့်ထားကြောင်း သုံးသပ်ပြောဆိုခဲ့သည်။ “အစားထိုးဖို့ ခက်တဲ့အတွက် သူ ဆက်လက်အာဏာရှိနေမယ်လို့ ကျွန်တော် ထင်ပါတယ်” ဟု ၎င်းက AFP သို့ ပြောကြားခဲ့သည်။
ယမန်နှစ်တွင် နိုင်ငံရေးလောကသို့ ဝင်ရောက်လာခဲ့သည့် ဆရတ်သာသည် အာဏာရလာ ကတည်းက ၎င်း၏မူဝါဒများကို သိသိသာသာဆန့်ကျင်မှုများနှင့် ရင်ဆိုင်ခဲ့ရကြောင်း ဇွန်လ စစ်တမ်းတစ်ခုတွင် ထိုင်းလူမျိုးအများစုက ၎င်း၏ အစီအစဉ်ကို ပယ်ချခဲ့ခြင်းက သက်သေပြ နေသည်။ ဇွန်လတွင် ကျားမ မရွေးတန်းတူအိမ်ထောင်ပြုခွင့် ဥပဒေကို အတည်ပြုပြဋ္ဌာန်းခဲ့ခြင်းဖြင့် LGBTQ အသိုင်းအဝိုင်းအား ထောက်ခံကြောင်း ပြသခဲ့သည်။
ဥရောပသမဂ္ဂ၊ အမေရိကန်၊ ကုလသမဂ္ဂနှင့် လူ့အခွင့်အရေးအဖွဲ့များက Move Forward Party (MFP) ကို ဖျက်သိမ်းရန် တရားရုံး၏ ဆုံးဖြတ်ချက်သည် ထိုင်းနိုင်ငံတွင် ဒီမိုကရေစီ ပွင့်လင်း မြင်သာမှုကို ထိခိုက်စေသည်ဟု ဝေဖန်ခဲ့သည်။ MFP ၏ ကျန်အဖွဲ့ဝင်များသည် ၂၀၂၇ ခုနှစ်တွင် ပြုလုပ်ရန်စီစဉ်ထားသည့် နောက်လာမည့် အမျိုးသားရွေးကောက်ပွဲတွင် အပြောင်းအလဲများဖော်ဆောင်ရန်ရည်မှန်းချက်နှင့်အတူ "ပြည်သူ့ ပါတီ" ဟုအမည်ပြောင်းပြီး လှုပ်ရှားမှုများကို သောကြာနေ့တွင်စတင်ခဲ့သည်။ ထိုင်းနိုင်ငံသည် ၁၉၃၂ ခုနှစ် သက်ဦးဆံပိုင်ဘုရင်စနစ် အဆုံးသတ်ချိန်မှစ၍ ဆယ်စုနှစ်များစွာကြာ နိုင်ငံရေး မတည်ငြိမ်မှုများနှင့် ကြုံတွေ့ခဲ့ရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဦးစိုင်းလင်း အလွန် မိုင်းလားကို ကိုးကန့်မိခင်အစား ဦးထိန်လင်း ဦးဆောင်ဖွယ်ရှိ
RELATED POSTS
20 Sep 2024 | နိုင်ငံရေး,ပြည်တွင်း
19 Sep 2024 | နိုင်ငံရေး,ပြည်တွင်း