Pika (NSS) - ဇူလိုင် ၃ဝ

ကာလရှည်ကြာရေပန်းစားနေသော ဒိုရေမွန် ကာတွန်းရုပ်ရှင်ထဲမှ ဇာတ်ကောင်နိုဘိတ၏ အသံသရုပ်ဆောင်တစ်ဦးဖြစ်သည့် ဂျပန်အသံသရုပ်ဆောင် နိုရီကိုအိုဟာရာသည်  အသက်(၈၈)နှစ်အရွယ်ဖြင့် ကွယ်လွန်သွားခဲ့ပြီဖြစ်ကြောင်းသိရသည်။ နိုရီကို အိုဟာရာ၏သေဆုံးမှုကို ၎င်း၏ အေဂျင်စီ 81 Pro­duce က ဇူလိုင်လ(၂၃)ရက်နေ့တွင် အတည်ပြုထုတ်ပြန်ခဲ့ခြင်းဖြစ်ကြောင်းသိရသည်။ 

အေဂျင်စီက 'ကျွန်တော်တို့ကုမ္ပဏီရဲ့ အသံသရုပ်ဆောင် နိုရီကိုအိုဟာ ရာဟာ ၂၀၂၄ ခုနှစ် ဇူလိုင်လ(၁၂)ရက်နေ့ရက်မှာ အသက် (၈၈)နှစ်အရွယ်နဲ့ကွယ်လွန်သွားခဲ့ပြီဖြစ်ပါတယ်။ နိုရီကိုအိုဟာရာဟာ နာမကျန်းဖြစ်မှုကြောင့် ကုသမှုတွေခံယူခဲ့ပြီးနောက် ကွယ်လွန်သွားခဲ့တာ ဖြစ်ပါတယ်။ မိသားစုရဲ့ဆန္ဒအရ ၎င်းရဲ့ဈာပနကို ဆွေမျိုးတွေနဲ့ပဲလုပ်ဆောင်ခဲ့ပါတယ်။ ၎င်းအသက်ရှင်နေစဉ်အချိန်အတွင်း ကျွန်တော်တို့အပေါ်ထားရှိခဲ့တဲ့ ကြင်နာမှုတွေအတွက် ကျေးဇူးတင်ကြောင်းပြော လိုပါတယ်'ဟု ထုတ်ပြန်ထားသည်။ 

နိုရီကိုအိုဟာရာ သည် (၁၉၇၉)ခုနှစ်မှ (၂၀ဝ၅)ခုနှစ်အထိ ဒိုရေမွန် ကာတွန်းရုပ်ရှင်မှ နိုဘိတဇာတ်ကောင်၏ အသံသရုပ် ဆောင်အဖြစ်လုပ်ကိုင်ခဲ့ကြောင်းလည်းသိရသည်။ (၂၀၁၇)ခုနှစ်က Cinema Today နှင့်အင်တာဗျူး တစ်ခုအတွင်း နိုရီကိုအိုဟာရာသည် နိုဘိတဇာတ်ကောင်၏ အသံသရုပ် ဆောင်အဖြစ် လုပ်ကိုင်ခဲ့ချိန် အတွင်း ခံစားခဲ့ရသည်များကို ထုတ်ဖော်ပြောဆိုခဲ့ ကြောင်းသိရသည်။ ၎င်းက 'နိုဘိတရဲ့ အသံသရုပ် ဆောင်အဖြစ် လုပ်ကိုင်ရတာဟာ တကယ်ကိုပျော်ဖို့ ကောင်းပါတယ်။ တစ်ချိန်တည်းအတွင်းမှာ (၇)ပိုင်း၊ (၈)ပိုင်းလောက်အထိ ကျွန်မတို့အသံသွင်းခဲ့ကြဖူး ပါတယ်"ဟု ပြောဆိုခဲ့ဖူးသည်။