ရောင်နီ (NP News) - ဧပြီ ၃

အိန္ဒိယနိုင်ငံ အရှေ့ပိုင်းမှာ ဟိန္ဒူဘာသာရေး ပွဲတော်တစ်ခုအတွင်း အကြမ်းဖက်မှုများ ဖြစ်ပွားခဲ့တာကြောင့် လူတစ်ဦး သေဆုံးခဲ့ပါတယ်။ 

အကြမ်းဖက်မှုများကြောင့် အာဏာပိုင်များက ဘုရားပွဲတော်တွေမှာ ရာနဲ့ချီသော အဓိကရုဏ်းနှိမ်နင်းရေးရဲများ ဖြန့်ကျက်ချထားပြီး အိန္ဒိယအရှေ့ပိုင်းရှိ မိုဘိုင်းလ်အင်တာနက်ဝန်ဆောင်မှုများကို ဖြတ်တောက်ခဲ့တယ်လို့ သိရပါတယ်။ 

ဘီဟာပြည်နယ် နာလန်ဒါခရိုင်၊ ဘီဟာရှရစ်ဖ် မြို့မှာ စနေနေ့(ဧပြီလ ၁ ရက်)က ဟိန္ဒူဘာသာ Ram Navami အထိမ်းအမှတ် စီတန်းလှည့်လည်ခြင်း ပွဲတော်မှာ ဟိန္ဒူဘာသာဝင်များ ပါဝင်ဆင်နွဲနေစဉ် သေနတ်နဲ့ ပစ်ခတ်မှုဖြစ်ပွားခဲ့ပြီး ဒေသတွင်း မီဒီယာများရဲ့ ဖော်ပြချက်အရ အနည်းဆုံး လူတစ်ဦး သေဆုံးခဲ့ကြောင်း သိရပါတယ်။ မြို့တွင်းရှိ ပွဲတော်များ ကျင်းပချိန်များမှာ လူစုလူဝေးနဲ့ နေအိမ်များ၊ ဈေးဆိုင်များကို မီးရှို့မှုများ ဖြစ်ပွားခဲ့ပြီး တစ်ရက်အကြာမှာ ယင်းဖြစ်ရပ် ပေါ်ပေါက်လာခြင်းဖြစ်ပါတယ်။ 

အိန္ဒိယနိုင်ငံရဲ့ နေရာအတော်များများမှာ Ram Navami ပွဲတော်ကို ဓားတွေ၊ တုတ်တွေနဲ့ သေနတ်တွေတောင် ကိုင်ဆောင်ထားတဲ့ လူအုပ်ကြီးနဲ့ စီတန်းလှည့်လည်ကာ ပွဲတော်ဆင်နွှဲကြလေ့ ရှိပါတယ်။ အကြမ်းဖက်မှုများ ဖြစ်ပွားနေမှုကြောင့် အာဏာပိုင်များက အချို့နေရာများမှာ မိုဘိုင်းအင်တာနက် ဝန်ဆောင်မှုများကို ပိတ်ကာ အများပြည်သူသွားလာလှုပ်ရှားမှုကို တားမြစ်ခဲ့ပါတယ်။ မကြာသေးမီ ရက်များအတွင်းကလည်း အိန္ဒိယပြည်နယ် ခုနစ်ခုမှာ အကြမ်းဖက်မှုများ ဖြစ်ပွားခဲ့ပြီး ဒါဇင်နဲ့ချီသော ဒဏ်ရာရရှိသူများရှိကာ အနည်းဆုံး မြို့ကြီး ၁၃ မြို့မှာ ပစ်မှုကျူးလွန်သူတွေကို ဖမ်းဆီးမှုများ ပြုလုပ်နိုင်ခဲ့ပါတယ်။

အတ္တရာပရာဒက်ရှ်၊ မာဒ်ဟာပရာဒက်ရှ်၊ ကာနာတာကာနဲ့ အနောက်ဘန်ဂေါတို့မှာ ကြာသပတေးနေ့က လူအုပ်နဲ့ ကားများ၊ ဈေးဆိုင်များကို မီးရှို့ဖျက်ဆီးမှုများဖြစ်ပွားခဲ့ပြီး အိန္ဒိယနိုင်ငံ အနောက်ပိုင်းရှိ ဗာဒိုဒါရာ နဲ့ အိမ်နီးချင်း မက်ဟာရက်ရ်ှတရာ ပြည်နယ်မှာလည်း ကြာသပတေးနေ့က ရုန်းရင်းဆန်ခတ်မှုများ ဖြစ်ပွားခဲ့ကာ ဝန်ကြီးချုပ် မိုဒီရဲ့ ဇာတိဖြစ်တဲ့ ဂူဂျာရတ်ပြည်နယ်မှာလည်း အလားတူအကြမ်းဖက်မှုများ ဖြစ်ပွားခဲ့ကြောင်း သိရပါတယ်။

zawgyi version

အိႏၵိယႏိုင္ငံ အေရွ႕ပိုင္းတြင္ ဟိႏၵဴပြဲေတာ္အတြင္း အၾကမ္းဖက္မႈမ်ား ျပင္းထန္စြာ ျဖစ္ပြားခဲ့ရာ လူတစ္ဦး ေသဆုံးခဲ့

ေရာင္နီ (NP News) - ဧၿပီ ၃

အိႏၵိယႏိုင္ငံ အေရွ႕ပိုင္းမွာ ဟိႏၵဴဘာသာေရး ပြဲေတာ္တစ္ခုအတြင္း အၾကမ္းဖက္မႈမ်ား ျဖစ္ပြားခဲ့တာေၾကာင့္ လူတစ္ဦး ေသဆုံးခဲ့ပါတယ္။ 

အၾကမ္းဖက္မႈမ်ားေၾကာင့္ အာဏာပိုင္မ်ားက ဘုရားပြဲေတာ္ေတြမွာ ရာနဲ႔ခ်ီေသာ အဓိက႐ုဏ္းႏွိမ္နင္းေရးရဲမ်ား ျဖန႔္က်က္ခ်ထားၿပီး အိႏၵိယအေရွ႕ပိုင္းရွိ မိုဘိုင္းလ္အင္တာနက္ဝန္ေဆာင္မႈမ်ားကို ျဖတ္ေတာက္ခဲ့တယ္လို႔ သိရပါတယ္။ 

ဘီဟာျပည္နယ္ နာလန္ဒါခ႐ိုင္၊ ဘီဟာရွရစ္ဖ္ ၿမိဳ႕မွာ စေနေန႔(ဧၿပီလ ၁ ရက္)က ဟိႏၵဴဘာသာ Ram Navami အထိမ္းအမွတ္ စီတန္းလွည့္လည္ျခင္း ပြဲေတာ္မွာ ဟိႏၵဴဘာသာဝင္မ်ား ပါဝင္ဆင္ႏြဲေနစဥ္ ေသနတ္နဲ႔ ပစ္ခတ္မႈျဖစ္ပြားခဲ့ၿပီး ေဒသတြင္း မီဒီယာမ်ားရဲ႕ ေဖာ္ျပခ်က္အရ အနည္းဆုံး လူတစ္ဦး ေသဆုံးခဲ့ေၾကာင္း သိရပါတယ္။ ၿမိဳ႕တြင္းရွိ ပြဲေတာ္မ်ား က်င္းပခ်ိန္မ်ားမွာ လူစုလူေဝးနဲ႔ ေနအိမ္မ်ား၊ ေဈးဆိုင္မ်ားကို မီးရႈိ႕မႈမ်ား ျဖစ္ပြားခဲ့ၿပီး တစ္ရက္အၾကာမွာ ယင္းျဖစ္ရပ္ ေပၚေပါက္လာျခင္းျဖစ္ပါတယ္။ 

အိႏၵိယႏိုင္ငံရဲ႕ ေနရာအေတာ္မ်ားမ်ားမွာ Ram Navami ပြဲေတာ္ကို ဓားေတြ၊ တုတ္ေတြနဲ႔ ေသနတ္ေတြေတာင္ ကိုင္ေဆာင္ထားတဲ့ လူအုပ္ႀကီးနဲ႔ စီတန္းလွည့္လည္ကာ ပြဲေတာ္ဆင္ႏႊဲၾကေလ့ ရွိပါတယ္။ အၾကမ္းဖက္မႈမ်ား ျဖစ္ပြားေနမႈေၾကာင့္ အာဏာပိုင္မ်ားက အခ်ိဳ႕ေနရာမ်ားမွာ မိုဘိုင္းအင္တာနက္ ဝန္ေဆာင္မႈမ်ားကို ပိတ္ကာ အမ်ားျပည္သူသြားလာလႈပ္ရွားမႈကို တားျမစ္ခဲ့ပါတယ္။ မၾကာေသးမီ ရက္မ်ားအတြင္းကလည္း အိႏၵိယျပည္နယ္ ခုနစ္ခုမွာ အၾကမ္းဖက္မႈမ်ား ျဖစ္ပြားခဲ့ၿပီး ဒါဇင္နဲ႔ခ်ီေသာ ဒဏ္ရာရရွိသူမ်ားရွိကာ အနည္းဆုံး ၿမိဳ႕ႀကီး ၁၃ ၿမိဳ႕မွာ ပစ္မႈက်ဴးလြန္သူေတြကို ဖမ္းဆီးမႈမ်ား ျပဳလုပ္ႏိုင္ခဲ့ပါတယ္။

အတၱရာပရာဒက္ရွ္၊ မာဒ္ဟာပရာဒက္ရွ္၊ ကာနာတာကာနဲ႔ အေနာက္ဘန္ေဂါတို႔မွာ ၾကာသပေတးေန႔က လူအုပ္နဲ႔ ကားမ်ား၊ ေဈးဆိုင္မ်ားကို မီးရႈိ႕ဖ်က္ဆီးမႈမ်ားျဖစ္ပြားခဲ့ၿပီး အိႏၵိယႏိုင္ငံ အေနာက္ပိုင္းရွိ ဗာဒိုဒါရာ နဲ႔ အိမ္နီးခ်င္း မက္ဟာရက္ရ္ွတရာ ျပည္နယ္မွာလည္း ၾကာသပေတးေန႔က ႐ုန္းရင္းဆန္ခတ္မႈမ်ား ျဖစ္ပြားခဲ့ကာ ဝန္ႀကီးခ်ဳပ္ မိုဒီရဲ႕ ဇာတိျဖစ္တဲ့ ဂူဂ်ာရတ္ျပည္နယ္မွာလည္း အလားတူအၾကမ္းဖက္မႈမ်ား ျဖစ္ပြားခဲ့ေၾကာင္း သိရပါတယ္။