ထိုင်းနိုင်ငံမှာ ရေသင်္ကြန်ပွဲတော်စတင်
ဂျန်ဇက် (NSS) - ဧပြီ ၁၁
ထိုင်းနိုင်ငံမှာ ရေသင်္ကြန်ပွဲတော် စတင်နေပြီဖြစ်တဲ့အတွက် ဘန်ကောက်မြို့ရှိ Ratchadamnoen Klang နဲ့ Mahachai လမ်းတွေမှာ လမ်းပိတ်မှုတွေဖြစ်ပွားလျက်ရှိနေကြောင်းသိရပါတယ်။
ထိုင်းနိုင်ငံမှာ မဟာသင်္ကြန် ရေကစားပွဲတော်ကို ဧပြီ ၁၁ရက်နေ့ကနေ ၁၅ရက်နေ့အထိ ကျင်းပမှာဖြစ်ရာ လမ်းမတွေပေါ်မှာ တစ်ဦးနဲ့တစ်ဦးရေပက်ခြင်းတွေအဓိကထားလုပ်ဆောင်မှာဖြစ်ပါတယ်။ ဘန်ကောက်မြို့မှာ အစိုးရနဲ့ ပုဂ္ဂလိအဖွဲ့အစည်းတွေပူးပေါင်းပြီး ရေသင်္ကြန်ပွဲတော်ကို စည်းကားစွာကျင်းပဖို့ စီစဉ်ထားကြောင်းသိရပါတယ်။ ဝန်ကြီးချုပ် ဆာရက်သာတာဗီဆင်ဟာ ရေသင်္ကြန်ပွဲတော် ဖွင့်ပွဲအခမ်းအနားကို တက်ရောက်ခဲ့ပြီး ထိုင်းနိုင်ငံအားလုံး အတွက် ဆုမွန်ကောင်းတောင်းပေးခဲ့ကြောင်းသိရပါတယ်။ ထိုင်းအစိုးရဟာ ဆောင်ခရမ်ရေသင်္ကြန်ပွဲတော်ကို ကမ္ဘာရှေးဟောင်းအမွေနှစ်ပွဲတော်တစ်ခုအဖြစ်သတ်မှတ်ပေးဖို့ ယူနက်စကိုအဖွဲ့ထံ တင်ပြခဲ့ရာခွင့်ပြုချက်ရရှိခဲ့ပြီးနောက် ဒီနှစ်အတွင်း ဆောင်ခရမ်ပွဲတော်ကို ယခင်ထက်ပိုမိုစည်းကားစွာကျင်းပဖို့ စီစဉ်ခဲ့ကြောင်းသိရပါတယ်။
ထိုင်းဝန်ကြီးချုပ်ကနှစ်သစ်ကူး သင်္ကြန်ပွဲတော်ကို ပါဝင်သူအားလုံးကို ကျေးဇူးတင်ကြောင်း၊ နှစ်သစ်ကူးချိန်မှစတင်ပြီး ထိုင်းနိုင်ငံသားအားလုံး ကျန်းမာ ပျော်ရွင်ပြီး ကြီးပွားချမ်းသာစေဖို့ ဆုမွန်ကောင်းတောင်းကြောင်းပြောဆိုခဲ့ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဥရောပပါလီမန်က ခိုလှုံခွင့်နှင့် ရွှေ့ပြောင်းနေထိုင်ခွင့်နှင့်ပတ်သက်သည့် ပြုပြင်ပြောင်းလဲမှုများကို ထုတ်ပြန်
RELATED POSTS
14 Sep 2024 | ဗဟုသုတ,နိုင်ငံတကာ