ရောင်နီ (NSS) - မတ် ၂၅

စင်ကာပူမှာ အမျိုးသားတစ်ဦးဟာ ခိုတွေကို လေးခွနဲ့ပစ်ဖို့ ရွှံ့စေးနဲ့ သံမဏိခဲယမ်းမီးကျောက်တွေကို အွန်လိုင်းမှ ဝယ်ယူခဲ့ပါတယ်။ 

ဒါပေမယ့်လည်း ခိုတွေကို လောက်လေးခွနဲ့ ပစ်ခြင်းမှ လက်လွန်ပြီး အိမ်နီးချင်းတိုက်ရဲ့ဒုတိယထပ် မီးဖိုချောင်ပြတင်းပေါက် မှန်တံခါးကို ထိမှန်ခဲ့ကာ တံခါးပျက်စီးစေခဲ့ပါတယ်။ 

ဒါကြောင့် အသက် ၃၇ နှစ်အရွယ် စင်္ကာပူနိုင်ငံသား ယုရူယို ကို တနင်္လာနေ့ (မတ်လ ၂၅ ရက်) တရားရုံးက ဒဏ်ငွေ စင်ကာပူဒေါ်လာ ၁,၅၀၀ (အမေရိကန်ဒေါ်လာ ၁၁၁၀) ချမှတ်ခဲ့ပါတယ်။

အဆိုပါဖြစ်ရပ်ဟာ ၂၀၂၃ ခုနှစ် ဖေဖော်ဝါရီလ ၁၁ ရက်နေ့ နေ့လည် ၁၂ နာရီ ၄၀ မိနစ်အချိန်ခန့်မှာ Block 645 Jurong West Street 61 မှာ ဖြစ်ပွားခဲ့တာ ဖြစ်ပါတယ်။ 

အဆိုပါအမျိုးသားဆီမှ လောက်လေးခွနှစ်ချောင်းကို သိမ်းဆည်းရမိခဲ့ပြီး တရားလိုရှေ့နေက ဒဏ်ငွေ စင်ကာပူဒေါ်လာ ၁,၅၀၀ မှ စင်ကာပူဒေါ်လာ ၂,၅၀၀ အထိ ပေးဆောင်ဖို့ ချမှတ်ခဲ့ပါတယ်။

၄င်းက  ၎င်းရဲ့လုပ်ရပ်အတွက် တာဝန်ရှိ အာဏာပိုင်တွေနဲ့ ပူးပေါင်းပြီး လျော်ကြေးငွေများ ပေးဆောင်ခဲ့တယ်လို့ သိရပါတယ်။