Pika (NSS) - မတ် ၂ဝ 

ဩစတြေးလျနိုင်ငံ၏ လိင်ပိုင်းဆိုင်ရာအတက်ကြွဆုံးအမျိုးသမီးဟု လူသိများသော အန်နီနိုက် က ၎င်းသည် ပြီးခဲ့သည့်နှစ်တွင် လူပေါင်း(၃၀ဝ)နှင့် အိပ်ခဲ့ကြောင်း ထုတ်ဖော်ပြောဆိုခဲ့သည်။

ထို့ပြင် အန်နီနိုက်သည် လာမည့်နှစ်အနည်းငယ်အတွက် ၎င်း၏အစီအစဉ်များကို အသေးစိတ်ထုတ်ဖော်ပြောဆိုခဲ့ ကြောင်းလည်း သိရသည်။ အသက်(၂၆)နှစ်အရွယ် အန်နီနိုက်က ၎င်းအနေဖြင့် လာမည့်(၅)နှစ်အတွင်း မိခင် တစ်ယောက်ဖြစ်လာနိုင်ရန် မျှော်လင့်ထားကြောင်း အင်စတာဂရမ်တွင် ရေးသားခဲ့သည်။

ကိုယ်ပိုင်မိသားစုတစ်ခု ထူထောင်ရန် မျှော်လင့်နေသော အန်နီနိုက်က ၎င်းသည်ကလေး  (၃)ဦး လိုချင်သည့်အပြင် ကိုယ်ပိုင်စီးပွားရေးလုပ်ငန်းကိုလည်း လုပ်ကိုင်လိုကြောင်း ထပ်မံထုတ်ဖော်ပြောခဲ့သည်။ ၎င်းအနေဖြင့် လက်တွဲ ဖော်တစ်ဦးကိုလိုချင်ကြောင်း ယခင်ကထုတ်ဖော်ပြောခဲ့ဖူးသည်။ အဆိုပါလက်တွဲဖော်သည် ၎င်း၏အသက်မွေး ဝမ်းကျောင်းလုပ်ငန်းဖြစ်သည့် Only Fans ဖန်တီးသည့်လုပ်ငန်းကို သဘောကျသူဖြစ်ရမည်ဟုလည်း အန်နီနိုက် က ပြောခဲ့သည်။

ထို့ပြင် ၎င်းသည် Only Fans ဖန်တီးသည့်သူများ၏ (သုညဒသမ၄) ရာခိုင်နှုန်းတွင် ထိပ်တန်းစာရင်း ဝင်ဖြစ်သော ကြောင့် လိုချင်သောလက်တွဲဖော်သည် အဆိုပါကိစ္စများနှင့်ပတ်သက်ပြီး အဆင်ပြေရမည်ဖြစ်ကြောင်း အန်နီနိုက် က ထပ်မံပြောဆိုခဲ့သည်။ အဆိုပါထိပ်တန်းစာရင်းဝင်နေသည့်အချက်ကြောင့် ယခင် အလုပ်မှ နုတ်ထွက်ခဲ့ခြင်းဖြစ် ကြောင်းလည်း အန်နီနိုက်ကပြောဆိုခဲ့သည်။

အန်နီနိုက်က ၎င်းသည် ၂၀၂၄ ခုနှစ်တွင် လူအယောက်(၇၀)နှင့် အိပ်ပြီးပြီဖြစ်ကြောင်း ပြီးခဲ့သည့်ဖေဖော်ဝါရီလတွင် ထုတ်ဖော်ပြောခဲ့သည်။ ထို့ပြင် ၂၀၂၄ခုနှစ်တွင် လူပေါင်း(၃၆၅)ယောက်နှင့် အိပ်ကာလူပေါင်း(၃၀ဝ)နှင့် အိပ်ခဲ့သည့် ၂၀၂၃ ခုနှစ်စံချိန်ကို ချိုးဖျက်လိုကြောင်းလည်း အန်နီနိုက်က ထုတ်ဖော်ပြောခဲ့သည်။ ပြီးခဲ့သည့် ဖေဖော်ဝါရီလ ချစ်သူများနေ့တွင် ၎င်းနှင့်အတူအိပ်လိုသည့် ကမ်းလှမ်းချက်များလည်း ရာနှင့်ချီရှိခဲ့ကြောင်း အန်နီနိုက်က ထပ်မံ ပြောခဲ့သည်။