ဂါဇာကမ်းမြောင်ဒေသတောင်ပိုင်းရှိ ရာဖဲလ်မြို့အား တိုက်ခိုက်မည့် အစီအစဉ်ကို အစ္စရေးအစိုးရအတည်ပြု
Pika (NSS) - မတ် ၁၆
ပါလက်စတိုင်း စစ်သွေးကြွအဖွဲ့ ဟားမက် နှင့် အပစ်အခတ်ရပ်စဲရေးအတွက် ဆွေးနွေးမှုများရှိနေသော်လည်း ဂါဇာကမ်းမြောင် ဒေသတောင်ပိုင်းရှိ ရာဖဲလ်မြို့အား တိုက်ခိုက်မည့်အစီအစဉ်ကို အစ္စရေးအစိုးရက မတ်လ(၁၅)ရက်တွင် အတည်ပြုခဲ့ကြောင်းသိရသည်။ ပါလက်စတိုင်းဒုက္ခသည်အများအပြား၏ ခိုလှုံရာဖြစ်သော ရာဖဲလ်မြို့အား တိုက်ခိုက်မည့်အစီအစဉ်ကို အစ္စရေးဝန်ကြီးချုပ်နေတန်ရာဟုက အတည်ပြုခဲ့ကြောင်း ၎င်း၏ရုံးက ထုတ်ပြန်ပြောကြားခဲ့သည်။
ကမ္ဘာလုံးဆိုင်ရာ မိတ်ဖက်များနှင့် ဝေဖန်ရေးသမားများက အရပ် သားများ အစုလိုက်အပြုံလိုက်သေဆုံးမှုများရှိလာမည်ကို စိုးရိမ်သောကြောင့် ရာဖဲလ်မြို့ကို တိုက်ခိုက်ခြင်းမလုပ်ဆောင်ရန် နေတန်ရာဟုကို တိုက်တွန်းခဲ့ကြကြောင်းသိရသည်။ သို့သော်လည်း ပြည်သူများကို ဘေးလွတ်ရာသို့ရွှေ့ပြောင်းပေးကာ ဟားမက်လက်နက်ကိုင်အဖွဲ့၏ နောက်ဆုံးတပ်ရင်းများရှိသော ရာဖဲလ်မြို့ကို ထိုးစစ်ဆင်မှုများ လုပ်ဆောင်သွားမည်ဖြစ်ကြောင်း အစ္စရေးအစိုးရက ပြောဆိုခဲ့သည်။
နေတန်ရာဟု၏ရုံးက "အစ္စရေးတပ်ဖွဲ့တွေဟာ ရာဖဲလ်မြို့ကို စစ်ဆင်ရေးလုပ်ဆောင်ဖို့နဲ့ ဒေသခံတွေကို ဘေးလွတ်ကင်းရာကိုရွှေ့ပြောင်းပေးဖို့ ပြင်ဆင်နေပါတယ်"ဟု ပြောဆိုခဲ့သည်။ အဆိုပါစစ်ဆင်ရေးနှင့်ပတ်သက်ပြီး လုပ်ဆောင်မည့် အချိန်အတိအကျကို နေတန်ရာဟုက ထုတ်ဖော်ပြောဆိုခဲ့ခြင်းမျိုးမရှိကြောင်းလည်းသိရသည်။ အစ္စရေးနှင့်ဟားမက်လက်နက်ကိုင်အဖွဲ့ကြား အပစ်အခတ်ရပ်စဲရေး သဘောတူညီချက်ရရှိရန်ကြိုးပမ်းမှုများမှာ လက်ရှိအချိန်အထိ အောင်မြင်မှုမရှိသေးသော်လည်း အီဂျစ်နှင့်ကာတာနိုင်ငံတို့သည် အဆိုပါသဘောတူညီချက်ရရှိရန်အတွက် ဆက်လက်ကြိုးပမ်းနေဆဲဖြစ်ကြောင်းသိရသည်။ အစ္စရေးနှင့်ဟားမက်လက်နက်ကိုင်အဖွဲ့ကြား စစ်ပွဲစတင်ဖြစ်ပွားခဲ့ပြီးနောက် လက်ရှိအချိန်အထိ အစ္စရေးဘက်မှ နိုင်ငံသား(၁၂၀၀)ကျော်သေဆုံးခဲ့သလို ဂါဇာကမ်းမြောင်ဒေသရှိ ပါလက်စတိုင်းလူမျိုး(၃၁၀၀၀)ကျော်သေဆုံးခဲ့ကြောင်း ဒေတာအချက်အလက်များအရသိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
သတ်မှတ်စျေးအောက်ဖြင့် အရောင်းအဝယ်မလုပ်နိုင်လျှင် ရွှေအရောင်းအဝယ်ရပ်ထားရန် ရွှေအသင်းထုတ်ပြန်
RELATED POSTS
19 Sep 2024 | နိုင်ငံရေး,ပြည်တွင်း