ရုရှားသမ္မတရွေးကောက်ပွဲအတွက် အစောပိုင်းမဲပေးမှုကို စတင်
Pika (NSS) - ဖေဖော်ဝါရီ ၂၆
ရုရှားနိုင်ငံရှိ ဒေသအများအပြားတွင် သမ္မတရွေးကောက်ပွဲအတွက် အစောပိုင်းမဲပေးမှု စတင်နေပြီဖြစ်ကြောင်း သိရသည်။
အဆိုပါအစောပိုင်း မဲပေးမှုသည် ဝေးလံခေါင်သီသောဒေသတွင် နေထိုင်သူများနှင့် ရွေးကောက်ပွဲရက်များအတွင်း ပင်လယ်ပြင်တွင်ရှိနေမည့်သင်္ဘောသားများအတွက် အဓိကရည်ရွယ်ထားခြင်းဖြစ်ပြီး မဲပေးရန် အရည်အချင်း ပြည့်မှီသူများကို ဖေဖော်ဝါရီလ(၂၅)ရက်နေ့မှ စတင်ပြီး မဲပေးခွင့်ပြုလိုက်ပြီဖြစ်ကြောင်း သိရသည်။
ရုရှားနိုင်ငံရှိ ဒေသများသည် ဖေဖော်ဝါရီလ(၂၅)ရက် နောက်ပိုင်းတွင် အစောပိုင်းမဲပေးမှုကို စတင်နိုင်သော်လည်း ရွေးကောက်ပွဲစည်းမျဉ်းအရ မတ်လ(၁၄)ရက်တွင် အပြီးသတ်လုပ်ဆောင်ရမည်ဖြစ်ကြောင်းလည်း သိရသည်။
ရုရှားနိုင်ငံ၏ ၂ဝ၁၈ ခုနှစ် သမ္မတရွေးကောက်ပွဲတွင် လူပေါင်း(၁၈ဝဝဝဝ)ခန့်သည် အစောပိုင်းတွင် မဲပေးခဲ့ကြပြီး လူ(၃၁၀၀၀)သည် ပင်လယ်ပြင်ရှိ မဲရုံများတွင် မဲပေးခဲ့ကြကြောင်း ရုရှားနိုင်ငံ၏ ဗဟိုရွေးကောက်ပွဲကော်မရှင်က ပြောကြားခဲ့သည်။
ထို့အပြင် ရှေ့တန်းစစ်မြေမျက်နှာပြင်ရှိ ရုရှားဒေသလေးခုအနက် တစ်ခုဖြစ်သော Zaporozhye ဒေသတွင် မဲပေးမှုများကို စတင်နေပြီဖြစ်ကြောင်း သိရသည်။ ခါဆွန်ဒေသတွင် အစောပိုင်းမဲပေးမှုကို ဖေဖော်ဝါရီလ(၂၇)ရက် တွင် စတင်မည်ဖြစ်ပြီး ဒွန်းညက်စ်ဒေသနှင့်် လူဟန့်စ်ဒေသတို့တွင် အစောပိုင်းမဲပေးမှုကို မတ်လ(၁၀)ရက်နှင့် (၁၁)ရက်တို့တွင် စတင်မည်ဖြစ်ကြောင်းလည်း သိရသည်။
ယခင်က ယူကရိန်းပိုင်ဒေသ(၄)ခုဖြစ်သော Zaporozhye၊ ခါဆွန်၊ ဒွန်းညက်စ် နှင့် လူဟန့်စ်ဒေသတို့သည် ၂ဝ၂၂ ခုနှစ်တွင် လူထုဆန္ဒခံယူပွဲများကျင်းပကာ ရုရှားနှင့်ပူးပေါင်းခဲ့ခြင်းဖြစ်ကြောင်း သိရသည်။ ၂ဝ၂၄ ခုနှစ် ရုရှားသမ္မတ ရွေးကောက်ပွဲအတွက် အဓိကမဲပေးကာလသည် မတ်လ(၁၅)ရက်မှ (၁၇)ရက်အတွင်း ဖြစ်ကြောင်း သိရသည်။
ရုရှားနိုင်ငံတွင် သမ္မတရွေးကောက်ပွဲအတွက် မဲပေးမှုများကို ရက်ပေါင်းများစွာပြုလုပ်ခြင်းသည် ယခုအကြိမ်က ပထမဆုံးအကြိမ်ဖြစ်ကြောင်းလည်း သိရသည်။ အဆိုပါမဲပေးမှုစနစ်ကို ကိုဗစ်(၁၉)ကပ်ရောဂါကာလအတွင်း ထုတ်ပြန်ခဲ့ခြင်းဖြစ်ပြီး ရုရှားနိုင်ငံရှိ အခြားရွေးကောက်ပွဲများတွင်လည်း အသုံးပြုခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
PDF အဖွဲ့ကကျောင်းသားမိဘအယောင်ဆောင်၍ လုံခြုံရေးအဖွဲ့ဝင် (၂)ဦးကို ပစ်ခတ်သတ်ဖြတ်မှု မုံရွာမြို့၌ဖြစ်ပွား
RELATED POSTS
19 Sep 2024 | နိုင်ငံရေး,ပြည်တွင်း