အမေဇုန် မိုးသစ်တောမှာ ဧရာမ အန်နာကွန်ဒါ မြွေမျိုးစိတ်သစ် ရှာဖွေတွေ့ရှိ
ရောင်နီ(NSS) - ဖေဖော်ဝါရီ ၂၆
အမေဇုန်မိုးသစ်တောမှာ အလုပ်လုပ်နေတဲ့ သိပ္ပံပညာရှင်တွေဟာ ကမ္ဘာပေါ်မှာ အကြီးဆုံးလို့ ကောလာဟလတွေ ထွက်ပေါ်နေတဲ့ မြွေမျိုးစိတ်သစ်ကို ရှာဖွေတွေ့ရှိခဲ့ပါတယ်။
University of Queensland မှ အဖွဲ့တစ်ဖွဲ့ဟာ ကမ္ဘာပေါ်မှာ အကြီးဆုံးလို့ ကောလာဟလတွေ ထွက်ပေါ်နေတဲ့ အထောက်အထားမဲ့ မြောက်ပိုင်း အစိမ်းရောင် အန်နာကွန်ဒါ (Eunectes akayima) ကို ရှာဖွေဖို့ Ecuadorian Amazon ကို သွားရောက်ခဲ့ပြီး လေ့လာခဲ့ပါတယ်။ အဖွဲ့ဟာ မုဆိုးတွေနဲ့အတူ မြွေမျိုးစိတ်တွေကို ရှာဖွေဖို့ အမေဇုန်တောထဲက ဘာမီနို ဒေသကို ၁၀ ရက်ကြာ လေ့လာရေး ခရီးထွက်ခဲ့ကြပါတယ်။ အဆိုပါ ခရီးစဉ်ကို ဇီဝဗေဒပညာရှင် ပရော်ဖက်ဆာ ဘရိုင်ယန်ဖယိုင်မှ ဦးဆောင်ခဲ့ခြင်း ဖြစ်ပါတယ်။ အန်နာကွန်ဒါတွေဟာ တောင်အမေရိကရဲ့ ပူနွေးတဲ့ နေရာတွေမှာ သို့မဟုတ် ရေစပ်စပ်အနားတွမှာ တွေ့ရှိရတဲ့ ဧရာမ အဆိပ်ရှိတဲ့ မြွေများဖြစ်ပါတယ်။
"ဒီမြောက်ပိုင်း အစိမ်းရောင် သတ္တဝါတွေရဲ့ အရွယ်အစားက မယုံနိုင်စရာပါပဲ၊ ကျွန်တော်တို့ ကြုံတွေ့ခဲ့ရတဲ့ မြွေဟာ အရှည် ၆ ဒသမ ၃ မီတာ (၂၀ ဒသမ ၇ ပေ) ရှိပါတယ်"လို့ ဖယိုင်က ဆိုပါတယ်။ အဆိုပါ ဧရိယာအတွင်း အရှည် ၇ ဒသမ ၅ မီတာ (၂၄ ဒသမ ၆ ပေ) နဲ့ ၅၀၀ ကီလိုဂရမ် (ပေါင် ၁၁၀၀) ရှိတဲ့ မြွေတွေကိုလည်း မြင်တွေ့ခဲ့ရတယ်လို့ အဆိုပါ အဖွဲ့က ဆိုခဲ့ပါတယ်။
အန်နာကွန်ဒါတွေဟာ ကမ္ဘာပေါ်မှာ အလေးဆုံးမြွေတွေဖြစ်ပြီး ဗြိတိန် သဘာဝသမိုင်းပြတိုက်မှာ မှတ်တမ်းတင်ထားဖူးတဲ့ အန်နာကွန်ဒါမြွေဟာဆိုရင် အလေးချိန် ၂၂၇ ကီလိုဂရမ် (ပေါင် ၅၀၀) ၊ အရှည် ၈ ဒသမ ၄၃ မီတာ (၂၇ ဒသမ ၇ ပေ) ၊ အကျယ် ၁ ဒသမ ၁၁ မီတာ (၃ ဒသမ ၆ ပေ) ထိ ရှိခဲ့ပါတယ်။ ဒါပေမဲ့ မြောက်ပိုင်းအစိမ်းရောင် အန်နာကွန်ဒါမျိုးစိတ်သစ်ဟာ လွန်ခဲ့တဲ့ နှစ်ပေါင်း ၁၀ သန်းခန့်က တောင်ပိုင်းအစိမ်းရောင် အန်နာကွန်ဒါနဲ့ မျိုးရိုးဗီဇ ၅ ဒသမ ၅ ရာခိုင်နှုန်း ကွဲပြားကြောင်း တွေ့ရှိခဲ့ပြီးနောက် အဖွဲ့ဟာ အစိမ်းရောင် အန်နာကွန်ဒါ မျိုးရိုးဗီဇကို အခြားနမူနာများ ဂေဟစနစ်များရဲ့ ကျန်းမာရေးကို ညွှန်ပြတဲ့ မျိုးစိတ်တစ်ခုအဖြစ် သတ်မှတ်ပြီး စတင်လေ့လာခဲ့တာ ဖြစ်ပါတယ်။
နေရပ်ပျက်စီးခြင်း၊ တောမီးများ၊ မိုးခေါင်ခြင်းနဲ့ ရာသီဥတုဖောက်ပြန်ခြင်းတို့ဟာ ရှားပါးဂေဟစနစ်များဖြစ်တဲ့ ရှားပါး အန်နာကွန်ဒါလို မျိုးစိတ်တွေအတွက် ခြိမ်းခြောက်မှု ဖြစ်နေတယ်လို့ အဖွဲ့က ပြောကြားခဲ့ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နောင်ချိုမြို့နယ်တွင် TOYOTA HIACE ကားပေါ်မှ ငွေကျပ်သိန်း(၇၀၀၀) ကျော်တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ
RELATED POSTS
14 Sep 2024 | ဗဟုသုတ,နိုင်ငံတကာ