စင်ကာပူနိုင်ငံ Prefer ကုမ္ပဏီက ပေါင်မုန့်၊ မုယောစပါး နဲ့ ပဲပျော့ဖတ်တို့မှ ပြုလုပ်တဲ့ ကော်ဖီကို စတင်ထုတ်လုပ်ရောင်းချ
ရောင်နီ (NSS) - ဖေဖော်ဝါရီ ၂၅
အသားတုများနည်းတူ ကော်ဖီအစားထိုး ကော်ဖီလည်း ပေါ်ထွက်လာပြီဖြစ်ပြီး အဆိုပါ ကော်ဖီတုကို ပဲပျော့ဖတ်၊ မုယောစပါးနဲ့ ပေါင်မုန့်တွေမှ ပြုလုပ်ထားပါတယ်။
အဆိုပါ ကော်ဖီတုကို Prefer ကုမ္ပဏီမှ ထုတ်လုပ်လာခြင်း ဖြစ်ပါတယ်။ ပဲပျော့ဖတ်၊ မုယောစပါး နဲ့ ပေါင်မုန့်စတဲ့ ပါဝင်ပစ္စည်းတွေကို အစား အသောက်အဆင့်ရှိ အဏုဇီဝပိုးမွှားတွေနဲ့ ရောစပ်ပြီး အနံ့နဲ့ အရသာအတွက် မီးကင်ကာ ဖန်တီးပြုပြင်ထားခြင်း ဖြစ်ပါတယ်။ ဒီလုပ်ငန်းစဉ် တစ်ခုလုံး ၄၈ နာရီခန့်သာ ကြာမြင့်ပါတယ်။ ဒီကော်ဖီဟာ ကဖင်းဓာတ် ကင်းစင်တဲ့ ကော်ဖီဖြစ်ပေမယ့် ကိုယ်လိုချင်တဲ့ ကဖင်းဓာတ်ထည့်သွင်းပြီး ချိန်ညှိသောက်သုံးနိုင်ပြီး ကော်ဖီစက်နဲ့ အခြားအပိုအဆင့်တွေ အသုံးပြုစရာ မလိုဘဲ အချိန်တိုအတွင်း တကယ့်အစစ် ကော်ဖီလို ခံစားရစေမှာဖြစ်ပါတယ်။
Prefer ရဲ့ ဒီထုတ်ကုန်တွေကို SaladStop၊ Foreword Coffee Roasters၊ Coexist Coffee နဲ့ Dough အပါအဝင် အစားအသောက်နဲ့ အဖျော်ယမကာ (F&B) ဆိုင်ခွဲ ၁၄ ခုမှာ ရရှိနိုင်မှာ ဖြစ်တယ်လို့ သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အမရပူရမြို့နယ်တွင် ယာဉ်(၄)စီးတိုက်မှုဖြစ်ပွားခဲ့ရာ အမျိုးသားတစ်ဦး ထိခိုက်ဒဏ်ရာရရှိ
RELATED POSTS
14 Sep 2024 | ဗဟုသုတ,နိုင်ငံတကာ