ရောင်နီ (NSS) - ဖေဖော်ဝါရီ ၂၅

ဒစ်ဂျစ်တယ်အနီရောင် စာအိတ်များ (သို့မဟုတ်) e-hongbao ဟာ စင်ကာပူရဲ့တရုတ်နှစ်သစ်ကူးကာလမှာ ရေပန်းစားလာခဲ့ပြီး ဘဏ်တွေမှာ ပွဲတော်ရာသီအတွင်း ၂၀၂၄ ခုနှစ်ရဲ့အီလက်ထရွန်းနစ် ငွေလွှဲမှုတွေဟာ ၂၀၂၃ ခုနှစ်နဲ့နှိုင်းယှဉ်ရင် ပိုမိုမြင့်တက်လာတာကို တွေ့မြင်လာရတယ်လို့ သိရပါတယ်။ 

ဖေဖော်ဝါရီ ၉ ရက်မှ ၁၂ ရက်အထိ QR Ang Bao eGift တို့မှ ဒေါ်လာ ၁၇.၅ သန်းကျော် လွှဲပြောင်းပေးခဲ့ပြီး တစ်နှစ်ထက်တစ်နှစ် ၃၀ ရာခိုင်နှုန်း တိုးလာတယ်လို့ DBS ဘဏ်က ဆိုပါတယ်။ ဇန်နဝါရီ ၁၅ ရက်မှ ဖေဖော်ဝါရီ ၁၂ ရက်အထိ အဆိုပါ e- hongbao ပေးတဲ့နည်းလမ်းကိုအသုံးပြုတဲ့ သုံးစွဲသူ အရေအတွက်ဟာ ၂၀၂၃ ခုနှစ် အလားတူကာလနဲ့နှိုင်းယှဉ်ရင် နှစ်ဆတိုးလာတာကိုလည်း တွေ့ရပါတယ်လို့ ဆိုပါတယ်။ 

OCBC  ဘဏ်ကလည်း နှစ်သစ်သစ်ကူး ပထမသုံးရက်အတွင်းပေးပို့တဲ့အရေအတွက်ဟာ ၂၀၂၃ ခုနှစ်နဲ့ နှိုင်းယှဉ်ရင် ၂ ဒသမ ၅ ဆ တိုးလာတယ်လို့ ဆိုပါတယ်။ အလားတူပဲ UOB ဘဏ်ကလည်း ၎င်းရဲ့ PayNow နဲ့ e-hongbao ပေးပို့တဲ့ သုံးစွဲသူအရေအတွက် သုံးပုံတစ်ပုံထိ တိုးလာတယ်လို့ ပြောကြားခဲ့ပါတယ်။

၂၀၂၄ ခုနှစ်၊ တရုတ်နှစ်သစ်ကူးနေ့ဟာ ဖေဖော်ဝါရီ ၁၀ ရက်မှာ ကျရောက်ခဲ့တာဖြစ်ပြီး တရုတ်ရိုးရာမှာ ကံအကောင်းဆုံးနဂါးနှစ်ကူးဖြစ်တာကြောင့် hangbao ပေးခြင်း၊ ကလေးယူခြင်းများ အရင်နှစ်တွေထက် မြင့်တက်လာတာတွေ့ရပါတယ်။