Pika (NP News) - မတ် ၂၆

ကနေဒါနိုင်ငံ အယ်လ်ဘာတာပြည်နယ်တွင်နေထိုင်သော Josephine Michaluk အမည်ရှိ အသက်(၈ဝ)အရွယ် အမျိုးသမီးတစ်ဦးသည် နှစ်ပေါင်း(၆ဝ)နီးပါး သွေးလှူခဲ့ပြီးနောက် သွေးအများဆုံးလှူဒါန်းခဲ့သည့် အမျိုးသမီးအဖြစ် ဂင်းနစ်စံချိန်တင်နိုင်ခဲ့ကြောင်းသိရသည်။

အသက်(၈ဝ)အရွယ်  Josephine Michaluk သည် အသက်(၂၂)နှစ်အရွယ်တွင် သွေးစတင်လှူခဲ့ပြီး လက်ရှိ အချိန်ထိ သွေး(၂ဝ၃)ယူနစ်ထိ လှူခဲ့ကြောင်း ဂင်းနစ်မှတ်တမ်းတင်သည့်အဖွဲ့က ပြောကြားခဲ့သည်။ ပထမဆုံးသွေးလှူမှုကို စတင်လုပ်ဆောင်ရန် ၎င်း၏ညီမဖြစ်သူက တိုက်တွန်းခဲ့ခြင်း ဖြစ်ကြောင်း Josephine Michaluk ကပြောကြားခဲ့သည်။ Josephine Michaluk က"ကျွန်မ ညီမဖြစ်သူနဲ့ အတူတူ ပထမဆုံးသွေးလှူဖို့  ဆုံးဖြတ်ခဲ့ပါတယ်၊၊ အဲဒီကနေစပြီး ခုချိန်ထိ တောက်လျှောက်လှူဖြစ်နေတာပါ"ဟုပြောဆိုခဲ့သည်။

Josephine Michaluk ၏ သွေးအမျိုးအစားသည် (O+) ဖြစ်ပြီး အခြားသူများကို သွေးလှူခြင်းဖြင့် ကူညီရသည်ကို နှစ်သက်မိကြောင်း ၎င်းကပြောကြားခဲ့သည်။ Josephine Michaluk က "ကျွန်မမှာ ရှိတဲ့ သွေးကို အမြဲတမ်းလှူပါတယ်။ သွေးလိုအပ်နေတဲ့သူတွေကို မျှဝေပေးရတာဟာ တကယ်ကို  နှစ်သက်ဖို့ကောင်းပါတယ်" ဟုပြောဆိုခဲ့သည်။