စစ်မြေပြင်တွင် ယူကရိန်းက ပြည်တွင်းထုတ် ဒရုန်းများကို ပိုမိုသုံးစွဲမည်
ALynn (NSS) - ဖေဖော်ဝါရီ ၁၇
ယူကရိန်းသည် ၎င်း၏ စစ်ဖက်ဆိုင်ရာ ခေါင်းဆောင်ကို ပြောင်းလဲခဲ့သည့်အပြင် စစ်ဗျူဟာ အပြောင်းအလဲများ ပြုလုပ်ရန်လည်း ကြေညာခဲ့ သည်။
မကြာမီကလည်း အမေရိကန်အထက် လွှတ်တော်က ယူကရိန်းအတွက် အထောက်အပံ့ များပေးအပ်ရန် အတည်ပြုပြဋ္ဌာန်းခဲ့သည်။ ယူကရိန်းသမ္မတသည် ခြေလျင်တပ်ချုပ် Oleksandr Syrskii ကို စစ်ဦးစီးချုပ်အဖြစ် ဖေဖော် ဝါရီလ ၈ ရက်က ခန့်အပ်လိုက်ပြီး ယခင်ဦးစီးချုပ် Zaluzhny ကိုလည်း ဆက်လက်တာဝန်ထမ်းဆောင်ရန် တောင်းဆိုထားသည်။
ယခင်ဦးစီးချုပ် Zaluzhny သည် ၂၀၂၂ ခုနှစ်၊ ဖေဖော်ဝါရီလက စတင်ခဲ့သော ရုရှားတို့၏ အထူး စစ်ဆင်ရေးကို ပြန်လည်ခုခံခဲ့ပြီး ဩဂုတ်လတွင် ရုရှားတို့ သိမ်းပိုက်ထားသော ၁၅၀ဝ စတုရန်း ကီလို မီတာကို ပြန်လည်သိမ်းပိုက်နိုင်ခဲ့ခြင်းကြောင့် လူသိ များလာခဲ့သည်။ သို့သော် ယခုအခါ ယူကရိန်းတပ်ဖွဲ့ များသည် စစ်နွံထဲမှ ရုန်းမထွက်နိုင်ရှိနေကြပြီး ပြီးခဲ့ သည့်နွေရာသီက ရုရှားရှေ့တန်းကို နှစ်ပိုင်းဖြစ်အောင် ခွဲရန်တန်ပြန်ထိုးစစ်ဆင်ခဲ့သော်လည်း မအောင်မြင်ခဲ့ပေ။
စစ်ဦးစီးချုပ်သစ် Syrskii က ယနေ့ခေတ် တိုက်ပွဲများတွင် ဒရုန်းနှင့် အီလက်ထရောနစ် စစ်ပွဲ များသည် အဓိကအခန်းကဏ္ဍမှ ပါဝင်လာမည်ဖြစ် ကြောင်းပြောခဲ့သည်။ ယူကရိန်းသည် ယခုနှစ်အတွင်း ဒရုန်းအငယ်စားသန်းနှင့်ချီတည်ဆောက်ရန် ရည်မှန်း ထားသည်။ ဝန်ကြီးချုပ် Denys Shmyal က ဖေဖော် ဝါရီလ ၁၃ ရက်တွင်ပြုလုပ်သည့် ဘတ်ဂျက်အစည်းအဝေး၌ "အစိုးရ ၏ အဓိကရည်မှန်းချက်မှာ နည်းပညာမြင့် ကာကွယ်ရေးစက်မှုလုပ်ငန်းဖွံ့ဖြိုးတိုးတက် ရန်ဖြစ်ပြီး ဒရုန်းတစ်မျိုးတည်းအတွက် ကန်ဒေါ်လာ တစ်ဘီလျံ သုံးစွဲသွားမည်"ဟု ပြောကြားခဲ့သည်။
ယူကရိန်းပြည်တွင်း၌ တည်ဆောက်သည့် ဒရုန်းအရေအတွက်မှာ တဖြည်း ဖြည်းတိုးပွားလျက်ရှိပြီး ၂၀၂၃ ခုနှစ်၊ ဒီဇင်ဘာလ တစ်လတည်းမှာပင် ၂၀၂၂ တစ်နှစ်လုံးထက် အဆ ၅၀ ပိုများလာသည်။ ယူကရိန်းကာကွယ်ရေးဝန်ကြီး ဌာနသည် ယူကရိန်း ပုဂ္ဂလိကပညာရှင်များကိုပါ ဖိတ်ခေါ်ပြီး လက်နက် နည်းပညာများ ပိုမိုတီထွင်ဆန်းသစ်နိုင်ရန် ကြိုးပမ်းခဲ့ သည်။ ရလဒ်အနေဖြင့် တာဝေးပစ် ဒရုန်းနှစ်စင်းသည် Krasnodar Krai မြို့ရှိ ရုရှားရေနံချက်စက်ရုံများကို တိုက်ခိုက်နိုင်ခဲ့ပြီး ယူကရိန်းရေတပ်သုံး ဒရုန်းများ သည် ခရိုင်းမီးယားကျွန်းဆွယ်ရှိ ရုရှားကမ်းတက် သင်္ဘော Caesar Kunikov ကို နစ်မြှုပ်ပစ်ခဲ့သည်။ ပြီးခဲ့သည့် သီတင်းပတ်ကလည်း ယူကရိန်းထောက် လှမ်းရေးတပ်သည်Magura ဒရုန်း ၆ စင်းသုံး၍ ရုရှား စစ်သင်္ဘော Ivanovets ကို နစ်မြှုပ်စေခဲ့သည်။
Syrskii က "ကျွန်ုပ်တို့အနေဖြင့် နည်းဗျူဟာပိုင်းကို မြှင့်တင်ရန်လိုအပ်မည်ဖြစ်ပြီး အဓိက ဦးစားပေးမှာမူ ကျွနု်ပ်တို့၏ စစ်သည်များကို စောင့် ရှောက်ကာကွယ်ရန်ဖြစ်သည်"ဟု ပြောခဲ့သည်။ ထို့ပြင် ၎င်းသည် မဟာမိတ်များအပေါ်သာ မှီခိုအားထားခြင်းမပြုသင့်ဘဲ ကိုယ့်အားကိုယ်ကိုးရန် အလေး ပေး ပြောကြားခဲ့သည်။ မကြာသေးခင်က အမေရိကန်အထက်လွှတ်တော်သည် အမျိုးသား ကာကွယ်ရေးဥပဒေမူကြမ်းကို အတည်ပြုခဲ့ပြီး ယူကရိန်းအတွက် အမေရိကန်ဒေါ်လာ ၆၀ ဒသမ ၆ ဘီလျံ အထောက်အပံ့ပြုသွားမည်ဖြစ်ကြောင်း သိရ သည်။ ဥပဒေကြမ်းသည် အောက်လွှတ်တော်၏ အတည် ပြုချက်ရယူရန်လည်း လိုအပ်မည်ဖြစ်ပြီး ထရမ့်၏ မဟာမိတ်၊ အောက်လွှတ် တော်ဥက္ကဋ္ဌ Mike Johnson က "၎င်းအနေဖြင့် ယူကရိန်းထံ အထောက်အပံ့ များပေးရန် စဉ်းစားသွားမည်မဟုတ်ကြောင်းနှင့် လျာထားငွေ၏ ၈၄ ရာခိုင် နှုန်းကိုလည်း အမေရိကန် ကာကွယ်ရေးလုပ်ငန်းများတွင်သာ အသုံးပြုသွား မည်"ဟု ဖော်ပြခဲ့သည်။
ထရမ့်သည် နေတိုးမဟာမိတ်နိုင်ငံများကို ကာကွယ်ရန် သုံးစွဲသည့် အသုံးစရိတ် အပါအဝင် ဥရောပရှိ အမေရိကန်ကာကွယ်ရေးအသုံးစရိတ်များကို ဖြတ်တောက်ပြီး ပြည်တွင်း ကာကွယ်ရေးကဏ္ဍတွင် ပိုမိုသုံးစွဲရန် စည်းရုံးမဲဆွယ်ခဲ့သည်။ သို့သော် ဘိုင်ဒန်က "ထရမ့်သည် ရုရှားသမ္မတ ပူတင်အား နေတိုးမဟာမိတ်နိုင်ငံများကို ကျူးကျော်သိမ်းပိုက်ရန် ဖိတ်ခေါ်နေသည်"ဟု တုံ့ပြန်ခဲ့သည်။
Financial Times က ယူကရိန်းသည် အမြောက်များပြတ်လပ်မှုနှင့် ကြုံတွေ့နေရကြောင်း ဖော်ပြခဲ့ပြီး ယူကရိန်း၏ လေကြောင်းရန်ကာကွယ် ဒုံးကျည်များသည်လည်း မတ်လတွင် ပြတ်လပ်သွား နိုင်ကြောင်း New York Times သတင်းစာက ဖော်ပြ ခဲ့သည်။ လတ်တလောတွင် ရုရှားတပ်ဖွဲ့များသည် အရှေ့ဘက်ရှိ ယူကရိန်း ခံစစ်များကို အပြင်းအထန် ချေမှုန်းတိုက်ခိုက်လျက်ရှိပြီး တစ်ရက်လျှင် အကြိမ် ၁၀ဝ ထက်မနည်း ထိုးစစ်ဆင်နေသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ထိုင်းမှာအသတ်ခံရတဲ့ မြန်မာတစ်ယောက်ရဲ့ ဇာတ်လမ်း ၊ AA ရဲ့ ဒေါက်တာ ညိုထွန်းအောင် သေဆုံးပြီဆိုတဲ့သတင်း ဟုတ် - မဟုတ် ၊ စစ်မှုထမ်းဥပဒေကို ကြောက်စိတ်ဝင်နေတဲ့ NUG (၁၆-၂-၂ဝ၂၄)
RELATED POSTS
19 Sep 2024 | နိုင်ငံရေး,ပြည်တွင်း