နမ့်စန်မြို့အနီး၌ တရားမဝင် ဝင်ရောက်နေထိုင်လျက်ရှိသည့် တရုတ်နိုင်ငံသား(၁၀၀၀)ကျော်ကို ဖမ်းဆီးရမိဟု နစကထုတ်ပြန်
ယွန်း (NSS) - ဇန်နဝါရီ ၂၆
နမ့်စန်မြို့အနီး၌ တရားမဝင် ဝင်ရောက်နေထိုင်လျက်ရှိသည့် တရုတ်နိုင်ငံသား(၁၀၀၀)ကျော်ကို ဖမ်းဆီးရမိခဲ့ကြောင်း နစကမှ ထုတ်ပြန်ထားသည်။
နစကမှ ယနေ့(ဇန်နဝါရီလ ၂၆ ရက်)တွင် အထက်ပါကဲ့သို့ အသိပေးထုတ်ပြန်ထားခြင်းဖြစ်သည်။
ရှမ်းပြည်နယ်(တောင်ပိုင်း)၊ နမ့်စန်မြို့ပတ်ဝန်းကျင်၌ တရားမဝင် တရုတ်နိုင်ငံသားများရောက်ရှိနေကြောင်း သတင်းပေးပို့မှုများအရ လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် ပြီးခဲ့သည့် ဇန်နဝါရီလ(၂၃)ရက်မှစ၍ ရှောင်တခင်စစ်ဆေးရှာဖွေမှုများ ဆောင်ရွက်ခဲ့ကြောင်း သိရသည်။
ထိုသို့ရှာဖွေဖမ်းဆီးမှုများ ဆောင်ရွက်ခဲ့ရာ နန့်စန်မြို့ပတ်ဝန်း ကျင်ရှိ နေရာ(၃)နေရာမှ တရားမဝင် ဝင်ရောက်နေထိုင်နေသည့် တရုတ်နိုင်ငံသား အမျိုးသား (၁၀၀၂)ဦးနှင့် အမျိုးသမီး(၃၆)ဦး စုစုပေါင်း (၁၀၃၈)ဦးကို ထပ်မံဖမ်းဆီးရမိခဲ့ကြောင်း နစကမှ ဆိုထားသည်။
ထို့နောက် ဖမ်းဆီးရမိသူများကို လိုအပ်သည့် စစ်ဆေးမှုများပြုလုပ်ပြီး ဥပဒေ လုပ်ထုံးလုပ်နည်းများနှင့်အညီ ဆက်လက်ဆောင်ရွက်လျက်ရှိကြောင်း သိရသည်။
နစကအနေဖြင့် ပြီးခဲ့သည့် အောက်တိုဘာလ(၃၁)ရက်မှစ၍ နယ်စပ်ဒေသများမှတစ်ဆင့် မြန်မာနိုင်ငံအတွင်းသို့ တရားမဝင် ဝင်ရောက်နေထိုင်လျက်ရှိသည့် တရုတ်နိုင်ငံသားများကို ၎င်းတို့နိုင်ငံရှိ တာဝန်ရှိသူများထံ လွှဲပြောင်းပေးလျက်ရှိကြောင်း သိရသည်။
ထို့ပြင် မြန်မာနိုင်ငံသို့ တရားမဝင် ဝင်ရောက်မှုဖြင့် ဖမ်းဆီးရမိသည့် နိုင်ငံခြားသားများကို အမြန်ဆုံး တရားစွဲဆိုအရေးယူနိုင်မည့် ကော်မတီတစ်ရပ်ကို နစကမှ ပြီးခဲ့သည့် လပိုင်းတွင် ဖွဲ့စည်းထားကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နှစ်ပါတီ မဲပေးစနစ်ကို အမေရိကန် မဲဆန္ဒရှင်များ အားရကျေနပ်မှု ရှိ-မရှိ (ဘာသာပြန်ဆောင်းပါး)
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ
16 Sep 2024 | မှုခင်း,ပြည်တွင်း