ရောင်နီ (NSS) - ဇန်နဝါရီ ၂

အမေရိကန်အဆိုတော်၊ တေးရေးဆရာ ဘီလီအက်ဒစ်ရှ် ၊ နာမည်ကျော် "Barbie” ရုပ်ရှင်ရဲ့ နိဂုံးချုပ်သီချင်းအဖြစ် ပါဝင်ခဲ့တဲ့ ၎င်းကိုယ်တိုင်ဖန်တီးခဲ့တဲ့ "What Was I Made for?” သီချင်း ရေးသားဖို့ စီစဉ်ဖြစ်ခဲ့ပုံကို ဖွင့်ဟလာခဲ့ပါတယ်။  

ပြီးခဲ့တဲ့ ၂၀၂၃ ခုနှစ် နွေရာသီက အရမ်းကို အောင်မြင်ခဲ့တဲ့ ရုပ်ရှင်ကားကြီး Barbie မှာ ပါဝင်ခဲ့တဲ့ Golden Globe စာရင်းဝင် ၎င်းရဲ့သီချင်းနဲ့ ပတ်သက်ပြီး တနင်္ဂနွေနေ့ (ဒီဇင်ဘာ ၃၁ ရက်) က ပြုလုပ်တဲ့ The Hollywood Reporter's Songwriter Roundtable အပိုင်းအသစ်မှာ ပြောကြားခဲ့တာပါ ။ 

ဘီလီက သူမဟာ ဒီသီချင်းကို အစ်ကိုဖြစ်သူ အမေရိကန် အဆိုတော်၊ တေးရေးဆရာ၊ သရုပ်ဆောင် ဖင်းနစ်နဲ့အတူ  တစ်ညတည်းနဲ့ ဖန်တီး ရေးသားခဲ့တယ်လို့ ဆိုပါတယ်။ 

ဒီသီချင်းဟာ သူမအတွက် ရေးသားရတာခက်ခဲပြီး ဖန်တီးပြီးစီးလို့ ပြန်လည်နားထောင်ရာမှာလည်း သူမရဲ့ နှလုံးသားနဲ့ အလွန်နီးစပ်ခဲ့တယ်လို့ ခံစားရတယ်လို့ ဆိုပါတယ်။ 

သီချင်းဟာ ကိုယ်ပိုင်အဓိပ္ပါယ်ရှိပြီး နားဆင်လိုက်တိုင်း အိမ်မက်ထဲ ရောက်သွားသလို ခံစားရတယ်လို့ သူမက ဆိုပါတယ်။  

ဒီသီချင်းလိုပဲ ယိုင်ရန်ဂို့စလင်နဲ့ မက်ခ်မာရွန်တို့သီဆိုထားတဲ့  "I'm Just Ken" နဲ့ လင်နီကရာဗစ် သီဆိုထားတဲ့ "Road to freedom " ၊ ဒူအာလင်ပါရဲ့ "Dance the Night"၊ ဂျက်ဘလက်ရဲ့" Peaches" တေးသီချင်းတွေဟာလည်း Golden Globe ဆန်ကာတင်စာရင်းဝင်ထားတယ်လို့ သိရပါတယ်။