YBS ယာဉ်များပေါ်ရှိ ငွေပေးချေသည့်စက်အား ပိတ်ထားသည့် ယာဉ်မောင်းများကို ထုတ်ပယ်သည်အထိ အရေးယူနေဟုဆို
စော (NSS) - ဇန်နဝါရီ ၁
YBS ယာဉ်များပေါ်ရှိ ငွေပေးချေသည့်စက်အား ပိတ်ထားသည့် ယာဉ်မောင်းများကို ထုတ်ပယ်သည်အထိ အရေးယူနေကြောင်း ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC) ထံမှ သိရသည်။
YRTC မှတွဲဖက်အတွင်းရေးမှူး ဦးလျန်ကျင့်မာန်က ယခုရက်ပိုင်းအတွင်း YRTC ရုံးချုပ်၌ ကျင်းပသော သတင်းစာရှင်းလင်းပွဲတွင် အထက်ပါကဲ့သို့ ပြောကြားခဲ့ခြင်းဖြစ်သည်။
YPS ကတ်ကို အသုံးပြု၍ ယာဉ်စီးခပေးချေနိုင်သည့် ယာဉ်လိုင်းပေါင်း (၉၅) လိုင်းရှိပြီး ယာဉ်အစီးရေပေါင်း (၃၈၀၀)ခန့်ရှိကြောင်း သိရသည်။
သို့သော် အချို့သော YBS ယာဉ်မောင်းများသည် စက်များကို ပိတ်ခြင်းနှင့် ကြွပ်ကြွပ်အိတ်များဖြင့် စွပ်ခြင်းများ ပြုလုပ်လျက်ရှိခြင်းကြောင့် ၎င်းယာဉ်မောင်းများကို YRTC အနေဖြင့် ထုတ်ပယ်လျက်ရှိကြောင်း သိရသည်။
“စက်ပိတ်တာတို့ ကြွပ်ကြွပ်အိတ်စွပ်တာတို့ရှိပါတယ်။ အဲဒီယာဉ်မောင်းတွေကို ထုတ်ပယ်ပြီးတော့ အရေးယူလျက်ရှိပါတယ်”ဟု YRTC မှတွဲဖက် အတွင်းရေးမှူး ဦးလျန်ကျင့်မာန်က ပြောသည်။
ထို့ကြောင့် YBS စီးနင်းသူများအနေဖြင့်လည်း စက်များကို ပိတ်ထားခြင်းနှင့် ကြွပ်ကြွပ်အိတ်များစွပ်ထားပါက တိုင်တန်းရန် လိုအပ်ကြောင်း ၎င်းက တိုက်တွန်းထားသည်။
လက်ရှိတွင် ရန်ကုန်မြို့၌ ယာဉ်လိုင်းပေါင်း (၁၃၂)လိုင်းပြေးဆွဲလျက်ရှိပြီး လိုက်ပါစီးနင်းသည့် ခရီးသည်အရေအတွက်သည် (၁ ဒသမ ၅)သန်းရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရွာငံမြို့နယ်၌ ဆောက်လုပ်ရေးလုပ်ငန်းခွင်အတွက် သဲတူးဖော်စဉ် ကမ်းပါးပြိုကျ၍ လူတစ်ဦး သေဆုံး
RELATED POSTS
31 Aug 2024 | ခရီးသွား,ပြည်တွင်း
31 Aug 2024 | ခရီးသွား,ပြည်တွင်း
19 Aug 2024 | ခရီးသွား,နိုင်ငံတကာ