ဂျပန်ဘောလုံးအဖွဲ့ချုပ်၌ကျင့်သုံးနေသည့် နည်းစနစ်များကို မြန်မာဘောလုံးနည်းပြများထံပြန်လည်မျှဝေ
ကျော် (NSS) - နိုဝင်ဘာ ၂၈
ဂျပန်ဘောလုံးအဖွဲ့ချုပ်၌ကျင်းသုံးနေသည့် နည်းစနစ်များကို မြန်မာဘောလုံးအသင်းနည်းပြများထံပြန်လည်မျှဝေခဲ့ကြောင်း သိရသည်။
နည်းစနစ်ပြန်လည်မျှဝေခြင်းအား မြန်မာနိုင်ငံဘောလုံးအဖွဲ့ချုပ်(MFF) နှင့် ဂျပန်နိုင်ငံဘောလုံးအဖွဲ့ချုပ်(JFA)တို့ပူးပေါင်း၍ မြန်မာ့ဘောလုံးအဆင့်အတန်းမြင့်မားရေးအတွက် ရည်ရွယ်ကာ Football Coaching Seminar 2023 အဖြစ် နိုဝင်ဘာလ ၂၈ ရက်နှင့် ၂၉ ရက်တို့တွင်ပြုလုပ်လျက်ရှိသည်။
အဆိုပါ Seminar ဖွင့်ပွဲအခမ်းအနားကို ယနေ့ (နိုဝင်ဘာလ ၂၈ ရက်)တွင် ရန်ကုန်မြို့ရှိ၊ သုဝဏ္ဏဘောလုံးကွင်း၌ ပြုလုပ်ခဲ့သည်။
"ဒီဆွေးနွေးပွဲကို JFA က နိုင်ငံ ၅ နိုင်ငံထဲက တစ်နိုင်ငံကိုရွေးရမယ်ဆိုတော့ မြန်မာနိုင်ငံကိုရွေးချယ်ပြီး မျှဝေပေးတာဖြစ်ပါတယ်။ ကစားသမားတွေရဲ့ကိုယ်ခန္ဓာကြံ့ခိုင်မှုနဲ့ပတ်သက်ပြီး အဓိကမျှဝေပေးသွားမှာပါ"ဟု JFA Deputy Technical Director ဖြစ်သူ Mr. Ono Takeshi က ပြောသည်။
ပထမနေ့တွင် ဘောလုံးအသင်းနည်းပြများကို အဓိကထား၍မျှဝေပေးသွားမည်ဖြစ်ပြီး ဒုတိယနေ့တွင် မြန်မာဘောလုံးအကယ်ဒမီများရှိ ဘောလုံးသမားများပါအသုံးပြု၍ရနိုင်သော နည်းစနစ်များကိုမျှဝေပေးသွားမည်ဖြစ်ကြောင်း JFA Physical Fitness Project Leader ဖြစ်သူ Mr. Kanno Atsushi ကဆက်လက်ပြောသည်။
မျှဝေမှုတွင် နည်းစနစ်ပိုင်းဆိုင်ရာများ၊ ကြံ့ခိုင်မှုပိုင်းဆိုင်ရာများကို စာတွေ့၊ လက်တွေ့ဆွေးနွေးပို့ချသွားမည်ဖြစ်ကြောင်း သိရသည်။
"ဒီမျှဝေပွဲကနေ နည်းပြတွေအနေနဲ့ ခန္ဓာကိုယ်ကြံ့ခိုင်မှုနဲ့ပတ်သက်ပြီး အတွေ့အကြုံတွေရသွားမယ်။ အကျိုးအမြတ်တွေရသွားမယ်။ မြန်မာနည်းပြတွေအနေနဲ့လည်း သိချင်တာမှန်သမျှကိုမေးလို့ရတယ်"ဟု မြန်မာနိုင်ငံဘောလုံးအဖွဲ့ချုပ်၏ နည်းစနစ်ဒါရိုက်တာ ဦးတင်မြင့်အောင်က ပြောသည်။
မျှဝေပွဲသို့ သက်တမ်းအလိုက် မြန်မာ့လက်ရွေးစင် အမျိုးသမီး၊ အမျိုးသားအသင်းများမှ နည်းပြများ၊ မြန်မာနေရှင်နယ်လိဂ် နှင့် လိဂ်-၂ မှ နည်းပြများ၊ အမျိုးသမီးလိဂ် ကလပ်အသင်းနည်းပြများ၊ ရန်ကုန်၊ မန္တလေးဘောလုံးအကယ်ဒမီများမှနည်းပြများတက်ရောက်လျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
MNDAA ပူးပေါင်းအဖွဲ့က လောက်ကိုင်မြို့ကို ကျူးကျော်တိုက်ခိုက်မည်ဟု ကြေညာမှုကြောင့် လောက်ကိုင်မြိုခံ (၈၀)ရာခိုင်နှုန်းခန့် နေရပ်စွန့်ခွာခဲ့ရ
RELATED POSTS
01 Aug 2024 | အားကစား,နိုင်ငံတကာ
30 Jul 2024 | အားကစား,နိုင်ငံတကာ
07 Jul 2024 | အားကစား,နိုင်ငံတကာ
23 May 2024 | အားကစား,ပြည်တွင်း