ကျော် (NSS) - နိုဝင်ဘာ ၁၅

MFF Rhino Futsal Championship 2023 အုပ်စုပွဲစဉ်များကို မနက်ဖြန် (နိုဝင်ဘာလ ၁၆ ရက်)မှစတင် ၍ ကျင်းပသွားမည်ဖြစ်ကြောင်း MFF Futsal မှသိရသည်။

အုပ်စုအဆင့်ပွဲစဥ်များအား မနက်ဖြန် ၊ နံနက် ၈ နာရီမှစတင်၍ တစ်ရက်လျှင် ၆ ပွဲနှုန်းဖြင့် ရန်ကုန်မြို့ သုဝဏ္ဏကွင်းရှိ MFF Futsal Stadium တွင်ယှဥ်ပြိုင်ကစားသွားမည်ဖြစ်ကြောင်း သိရသည်။

ပြိုင်ပွဲကို Futsal အသင်းပေါင်း ၂၆ သင်းပါဝင်ယှဥ်ပြိုင်သွားမည်ဖြစ်ကာ (၄)သင်းပါ နှစ်အုပ်စု၊ (၃)သင်းပါ ခြောက်အုပ်စုခွဲ၍ ယှဥ်ပြိုင်ကစားစေမည်ဖြစ်ကာ အုပ်စု ပထမရအသင်းနှင့် ဒုတိယရအသင်းများ ရှုံးထွက်အဆင့်သို့ဝင်ရောက်ယှဥ်ပြိုင်ရမည်ဖြစ်သည်။

မနက်ဖြန်အုပ်စုအဖွင့်ပွဲစဥ်များအဖြစ် VUC FC နှင့် Noka FC ၊ M2K FC နှင့် Sun Far FC ၊ Black Cross FC နှင့် Mali Kyal Sin FC ၊ Shwe Pyi Thar FC နှင့် SGF FC ၊ Yoma FC နှင့် YRG FC ၊ Futsal Chit Thu FC နှင့် TG United FC တို့ယှဥ်ပြိုင် ကစားသွားကြမည်ဖြစ်သည်။

MFF Rhino Futsal Championship 2023 ပြိုင်ပွဲတွင် League 1 ပြိုင်ပွဲမှ အသင်းပေါင်း (၇)သင်း၊ League 2 ပြိုင်ပွဲမှ အသင်းပေါင်း(၆)သင်း၊ Carabao Amateur Cup မှ အသင်းပေါင်း (၇)သင်း၊ မန္တလာဖူဆယ်လိဂ်မှ အသင်းပေါင်း(၆)သင်းတို့ဖြင့် နိုဝင်ဘာလ ၁၆ မှ ၂၉ ရက်ကျင်းပသွားမည်ဖြစ်ကြောင်း သိရသည်။