NSS - အောက်တိုဘာ ၂၇

ကချင်ပြည်နယ်၊ မိုးမောက်မြို့နယ်တွင် အမျိုးသားတစ်ဦး စပါးများရိတ်သိမ်းနေစဉ် မိုင်းတစ်လုံးပေါက်ကွဲမှုကြောင့် ထိခိုက်ဒဏ်ရာများ ရရှိခဲ့ကြောင်း ရဲတပ်ဖွဲ့က သတင်းထုတ်ပြန်ထားသည်။

ဖြစ်စဉ်မှာ ပြီးခဲ့သော အောက်တိုဘာလ ၂၄ ရက်၊ နေ့လည် ၁၂နာရီခွဲအချိန်တွင် မိုးမောက်မြို့နယ်၊ ဒေါ့ဖုန်းယန်မြို့၊ မြို့ပြင်ရှိ လယ်ကွင်းအတွင်း၌ အထက်ပါကဲ့သို့ ဖြစ်ပွားခဲ့ကြောင်း သိရသည်။

ဒေါ့ဖုန်းယန်မြို့၊ အမှတ်(၂)ရပ်ကွက်နေ ဦးနော်လီသည် မြို့ပြင်ရှိ ၎င်းပိုင်လယ်ကွင်းအတွင်း စိုက်ပျိုးထားသည့် စပါးများအား ရိတ်သိမ်းနေစဉ် KIA၊ PDFပူးပေါင်းအဖွဲ့က ထောင်ထားသည့် မိုင်းတစ်လုံးအား နင်းမိပေါက်ကွဲသွားခဲ့ကြောင်း သိရသည်။

ထိုသို့ မိုင်းပေါက်ကွဲမှုကြောင့် ဦးနော်လီ(၃၄)နှစ်တွင် ယာခြေသလုံးရိုးကျိုးဒဏ်ရာ၊ ဝဲခြေ သလုံးနှင့် ဝဲလက်ဖျံတို့တွင် မိုင်းစထိမှန် ဒဏ်ရာများရရှိခဲ့ကြောင်း သိရသည်။

ထို့နောက် ထိခိုက်ဒဏ်ရာရရှိသူ အမျိုးသားအား ဒေါ့ဖုန်းယန်းတိုက်နယ်ဆေးရုံမှတစ်ဆင့် ဗန်းမော်ခရိုင်ပြည်သူ့ဆေးရုံကြီးသို့ ပို့ဆောင်ထားရှိပြီး ကျူးလွန်သူများဖော်ထုတ် ဖမ်းဆီးအရေးယူနိုင်ရေးလုံခြုံရေးတပ်ဖွဲ့ဝင်များက ဆက်လက်လုပ်ဆောင်လျက်ကြောင်း သိရသည်။