Pearl (NSS) - အောက်တိုဘာ ၂၆

ဗီယက်နမ်နိုင်ငံ၊ ဟိုချီးမင်းမြို့၌ ကျင်းပခဲ့သည့် (၁၁) ကြိမ်မြောက် Miss Grand International 2023 တွင် မြန်မာအလှမယ် နီနီလင်းအိမ်မှ First Runner up ဆုကို ဆွတ်ခူးရရှိခဲ့သည်။

ယမန်နေ့ အောက်တိုဘာလ (၂၅)ရက်ည၌ ကျင်းပခဲ့သည့် Miss Grand International 2023 ပွဲကြီးတွင် မြန်မာနိုင်ငံကိုယ်စားပြုဝင်ရောက်ယှဉ်ပြိုင်ခဲ့သည့် နီနီလင်းအိမ်မှ First Runner up ဆုကို ဆွတ်ခူးရရှိခဲ့ပြီး သရဖူကို ပီရူးအလှမယ် Luciana Fuster က ဆွတ်ခူးရရှိခဲ့သည်။ 

အဆိုပါ Miss Grand International ပြိုင်ပွဲတွင် Country's Power of the year 2023 နှင့် Miss Popular Vote ဆုတို့ကိုလည်း မြန်မာအလှမယ်နီနီလင်းအိမ်မှ ရရှိခဲ့ကြောင်းသိရသည်။ 

"ဒီရလဒ်ကို ကျေနပ်ပါတယ်။ မြန်မာဆိုတာကို အကောင်းဆုံးချပြနိုင်ခဲ့တယ်"ဟု အလှမယ် နီနီလင်းအိမ် က ပြောခဲ့သည်။

Miss Grand International 2023 ပြိုင်ပွဲတွင် မြန်မာ နိုင်ငံကိုယ်စားပြု အလှမယ်နီနီလင်းအိမ်အပါအဝင် နိုင်ငံပေါင်း ၇၀ မှ အလှမယ်များ ဝင်ရောက်ယှဉ်ပြိုင်ခဲ့ကြောင်း သိရသည်။

လာမည့် ၂၀၂၄ ခုနှစ်တွင်ကျင်းပမည့် (၁၂)ကြိမ်မြောက် Miss Grand International ပြိုင်ပွဲကို မြန်မာနိုင်ငံမှ အိမ်ရှင်နိုင်ငံအဖြစ် လက်ခံကျင်းပမည်ဖြစ်ကြောင်း သိရသည်။