Pika (NSS) - စက်တင်ဘာ ၉

အက်စတွန်ဗီလာအသင်းကွင်းလယ်ကစားသမား ကော်တင်ဟိုသည် Qatar Stars လိဂ်ရှိ Al-Duhail အသင်းသို့ တစ်ရာသီအငှားစာချုပ်ဖြင့် ပြောင်းရွှေ့ခဲ့ကြောင်းသိရသည်။

ကော်တင်ဟိုသည် ပြီးခဲ့သည့်ရာသီတွင် အက်စတွန်ဗီလာအသင်းတွင် အခက်အခဲများ ကြုံတွေ့ခဲ့ရပြီးနောက်  Al-Duhail အသင်းသို့အငှားစာချုပ်ဖြင့် ပြောင်းရွှေ့ခဲ့ခြင်းဖြစ်ကြောင်း သိရသည်။ ထို့ပြင် ကော်တင်ဟိုသည် လက်ရှိရာသီပရီးမီးယားလိဂ်ရာသီတွင် အက်စတွန်ဗီလာအသင်းအတွက် (၂)ပွဲသာ ကစားထားရသေးကြောင်းလည်း သိရသည်။ ကော်တင်ဟိုသည် ၂၀၂၁-၂၀၂၂ ရာသီတွင် ဒဏ်ရာများရရှိခဲ့သလို မန်နေဂျာအပြောင်းအလဲများကြောင့် ၎င်း၏ကစားချိန်နှင့် ခြေစွမ်းပြကစားခြင်းကိုထိခိုက်ခဲ့ပြီး ၂၀၂၂ ခုနှစ် ကမ္ဘာ့ဖလားပြိုင်ပွဲအတွက် ဘရာဇီးလ်အသင်း၏ ကစားရမည့် လူစာရင်းထဲတွင် ပါဝင်ခဲ့ခြင်းမျိုးမရှိကြောင်းလည်း သိရသည်။

ကော်တင်ဟိုသည် အက်စတွန်ဗီလာအသင်းနှင့်၂၀၂၆ ခုနှစ်တွင် စာချုပ်သက်တမ်းကုန်မည်ဖြစ်ပြီး Al-Duhail အသင်းတွင် ခြေစွမ်းပြကစားနိုင်ခဲ့မည်ဆိုပါက လာမည့်နွေရာသီတွင် ပရီးမီးယားလိဂ်သို့ ပြန်လည်ခေါ်ယူခံရနိုင်ဖွယ်ရှိနေကြောင်းလည်းသိရသည်။