သန့်ဇင်(NSS) - စက်တင်ဘာ ၆

တောင်ကိုရီးယားနိုင်ငံက အိမ်ရှင်အဖြစ် လက်ခံကျင်းပလျက်ရှိသည့် 2024 AFC U23 Asian Cup အုပ်စုအဖွင့်ပွဲစဉ်တွင် မြန်မာအသင်း နှင့် ကာဂျစ္စတန်အသင်းတို့ တစ်ဖက်တစ်ဂိုးစီဖြင့်သရေရမှတ်ထွက်ပေါ်ခဲ့ကြောင်း သိရသည်။

အဆိုပါ ပွဲစဉ်ကို ယနေ့ (စက်တင်ဘာလ ၆ ရက်)၊ နေ့လည် ၁နာရီခွဲအချိန်တွင် စတင်ယှဉ်ပြိုင်ကစားခဲ့ခြင်းဖြစ်သည်။

မြန်မာ့လက်ရွေးစင် U 23 အသင်းမှ ပထမပိုင်း ၂၃ မိနစ်တွင် ကောင်းထက်ပိုင်သွင်းဂိုးဖြင့် အဖွင့်ဂိုးရရှိခဲ့ပြီး ဒုတိယပိုင်းပွဲစဉ်တွင် ကာဂျစ္စတန်အသင်းမှ ခြေပဂိုးပြန်လည်ရရှိခဲ့ခြင်းကြောင့် တစ်ဖက်တစ်ဂိုးစီဖြင့် သရေရမှတ် ထွက်ပေါ်ခဲ့ခြင်းဖြစ်သည်၊

မြန်မာ့လက်ရွေးစင် U 23 အသင်းအနေဖြင့် အုပ်စု(ခ)တွင် တောင်ကိုရီးယား၊ ကာတာ၊ ကာဂျစ္စတန်အသင်းတို့နှင့် တစ်အုပ်စုတည်း ကျရောက်လျက်ရှိပြီး အုပ်စုအဖွင့်ပွဲစဉ်တွင် ကာဂျစ္စတန်အသင်းအား သရေကျထားခြင်းဖြစ်သည်။

မြန်မာ့လက်ရွေးစင် U 23 အသင်းသည် လာမည့် စက်တင်ဘာလ ၉ရက်တွင် ကာတာအသင်း၊ စက်တင်ဘာလ ၁၂ရက်တွင် အိမ်ရှင်တောင်ကိုရီးယားအသင်းတို့နှင့် ဆက်လက်ယှဉ်ပြိုင်ကစားသွားရန်ရှိသည်။