ထိုင်းလူငယ်များကြား၌ မျောက်ကျောက်ရောဂါ ကူးစက်ခံရမှု ပိုမိုများပြားလာနေဟုဆို
ဂျန်ဇက် (NSS) - စက်တင်ဘာ ၅
ထိုင်းနိုင်ငံရှိ လူငယ်များကြား၌ မျောက်ကျောက်ရောဂါကူးစက်ခံရမှု မြင့်တက်နေကြောင်း ထိုင်းကျန်းမာရေးဝန်ကြီးဌာနက ဆိုပါတယ်။
၂၀၂၃ ခုနှစ် ဇန်နဝါရီလ ၁ရက်မှ သြဂုတ်လ ၁၅ ရက်အထိ ထိုင်းနိုင်ငံမှာ မျောက်ကျောက်ရောဂါကူးစက်ခံသူ ၂၁၇ ဦးရှိနေပြီး ကူးစက်ခံရသူအများစုဟာ အသက် ၂၀ နဲ့ အသက် ၆၄ နှစ်အရွယ်ရှိတယ်လို့ ထိုင်းရောဂါထိန်းချုပ်ရေးဦးစီးဌာန DDC ကဖော်ပြထားပါတယ်။
သြဂုတ်လအတွင်း မျောက်ကျောက်ရောဂါ ကူးစက်ခံရသူတွေထဲက ၁၆ ဦးက လူငယ်များဖြစ်ပြီး အသက်အငယ်ဆုံးက အသက် ၁၆ နှစ်အရွယ်ဖြစ်ကြောင်း ထိုင်းကျန်းမာရေးဝန်ကြီးဌာနက ဆိုပါတယ်။ မျောက်ကျောက်ရောဂါကူးစက်ခံရသူအများစုဟာ လိင်ဆက်ဆံမှုများကြောင့်ဖြစ်ပြီး ကူးစက်ခံရမှုများနဲ့ပတ်သက်ပြီး စိုးရိမ်မိကြောင်း၊ ထိုင်းရောဂါထိန်းချုပ်ရေးဦးစီးဌာနက ဆိုပါတယ်။ ထိုင်းနိုင်ငံမှာ မျောက်ကျောက်ရောဂါကူးစက်ခံရသူတွေထဲမှာ ထိုင်းနိုင်ငံသားများအပြင် နိုင်ငံခြားသားများလည်း ပါဝင်နေကြောင်းသိရပါတယ်။ ထိုင်းနိုင်ငံမှာ မျောက်ကျောက်ရောဂါကူးစက်ခံရသူအားလုံးထဲက (၂၂၇)ဦးက ထိုင်းနိုင်ငံသားများဖြစ်ကြောင်းသိရပါတယ်။
မျောက်ကျောက် ရောဂါကူးစက်ခံရသူများဟာ မကြာခဏအဖျားတက်လေ့ရှိပြီး လည်ချောင်းနာခြင်း၊ ခေါင်းကိုက်ခြင်း၊ ကြွက်သားကိုက်ခဲ့ခြင်း၊ ခါးနားခြင်းစတဲ့ လက္ခဏာများဖြစ်လေ့ရှိကြောင်း သိရပါတယ်။ မျောက်ကျောက်ရောဂါကူးစက်ခံရသူအဖြစ် သံသယရှိလာမယ်ဆိုရင် စမ်းသပ်ကုသမှုများကို ဆရာဝန်နဲ့ အမြန်ဆုံးကုသစေလိုကြောင်း ထိုင်းကျန်းမာရေးဝန်ကြီးဌာနက အကြံပေးထားပါတယ်။ ထိုင်းနိုင်ငံဘန်ကောက်မြို့၊ ချွန်ဘူရီ၊ နွန်သာဘူရီ၊ ဆာမတ်ပရာကန်ဒေသများမှာ မျောက်ကျောက်ရောဂါကူးစက်ခံရမှုအများဆုံးဖြစ်နေကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ကားမောင်းစဉ် ဖုန်းအသုံးပြုပါက ဒဏ်ငွေသုံးသောင်းကျပ် ပေးဆောင်ရမည်
RELATED POSTS
06 Sep 2024 | ကျန်းမာရေး,နိုင်ငံတကာ
31 Aug 2024 | ကျန်းမာရေး,နိုင်ငံတကာ
27 Aug 2024 | ကျန်းမာရေး,ပြည်တွင်း
26 Aug 2024 | ကျန်းမာရေး,နိုင်ငံတကာ