ဘရိုက်တန်ကွင်းလယ်လူကိုင်ဆီဒိုကို စံချိန်တင်ပြောင်းရွှေ့ကြေးပေါင်(၁၁၅)သန်းဖြင့် ခေါ်ယူလိုက်တဲ့ ချဲလ်ဆီး
Pika (NSS) - ဩဂုတ် ၁၅
ချဲလ်ဆီးအသင်းသည် ဘရိုက်တန်အသင်းကွင်းလယ်ကစားသမား ကိုင်ဆီဒိုကို စံချိန်တင်ပြောင်းရွှေ့ကြေး ပေါင်(၁၁၅)သန်းဖြင့် အပြီးသတ်ခေါ်ယူလိုက်ပြီဖြစ်ကြောင်း ထုတ်ပြန်ကြေညာခဲ့သည်။
အသက်(၂၁)နှစ်အရွယ်ကိုင်ဆီဒိုသည် ချဲလ်ဆီးအသင်းနှင့် (၈)နှစ်သက်တမ်းရှိ သဘောတူစာချုပ်ကို ချုပ်ဆိုခဲ့ခြင်းဖြစ်ပြီး ခြေစွမ်းနှင့်ကစားနိုင်စွမ်းအပေါ်မူတည်ပြီး နောက်ထပ်တစ်နှစ်သက်တမ်းတိုးခွင့်ကိုပါ ထည့်သွင်းချုပ်ဆိုခဲ့ကြောင်းသိရသည်။ ကိုင်ဆီဒိုသည် ချဲလ်ဆီးအသင်းဂျာစီကိုဝတ်ဆင်ပြီး ကားတစ်စီးပေါ်တွင် ထိုင်ကာ ၎င်း၏မိခင်ဖြစ်သူကို ပွေ့ဖက်ထားသည့် ဗီဒီယိုဖိုင်တစ်ခုကို ချဲလ်ဆီးအသင်းဝက်ဘ်ဆိုက်တွင် တင်ထားခဲ့ကြောင်းသိရသည်။
ချဲလ်ဆီးအသင်းနှင့်သဘောတူညီချက်သည် ၂၀၂၁ ခုနှစ် ဖေဖော်ဝါရီလတွင် ပြောင်းရွှေ့ကြေးပေါင် (၄ ဒသမ ၅) သန်းဖြင့် ဘရိုက်တန်အသင်းသို့ ပြောင်းရွှေ့လာခဲ့သော ကိုင်ဆီဒိုအတွက် စံချိန်တင် ပြောင်းရွှေ့ကြေးတစ်ခုဖြစ်လာခဲ့ကြောင်းသိရသည်။ ချဲလ်ဆီးအသင်းနှင့် လီဗာပူးလ်အသင်းတို့သည့် ကိုင်ဆီဒိုကိုခေါ်ယူရန်အတွက် အပြိုင်အဆိုင်ကြိုးပမ်းခဲ့ကြပြီး ချဲလ်ဆီးအသင်းသည် စံချိန်တင်ပြောင်းရွှေ့ကြေးဖြင့် ကိုင်ဆီဒိုကိုခေါ်ယူကာ လီဗာပူးလ်အသင်းကို ကျော်တက်နိုင်ခဲ့ခြင်းဖြစ်သည်။ ချဲလ်ဆီးအသင်းသည် ဩဂုတ် လ(၂၀)ရက်တွင် ဝက်စ်ဟမ်းအသင်းနှင့်ယှဉ်ပြိုင်ကစားရမည်ဖြစ်ပြီး ကိုင်ဆီဒိုသည် ဝက်စ်ဟမ်းအသင်းနှင့်ပွဲတွင် ပွဲဦးထွက်ဝင်ရောက်ကစားမည်ဖြစ်ကြောင်းသိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြေပြိုကျမှုကြောင့် ပျက်စီးခဲ့သော အာရှလမ်းပိုင်းအား ဘေလီတံတားအစားထိုးပြုပြင်ရာတွင် လာမည့်တစ်ပတ်အတွင်း ပြီးစီးနိုင်ဟုဆို
RELATED POSTS
01 Aug 2024 | အားကစား,နိုင်ငံတကာ
30 Jul 2024 | အားကစား,နိုင်ငံတကာ
07 Jul 2024 | အားကစား,နိုင်ငံတကာ
23 May 2024 | အားကစား,ပြည်တွင်း