ရောင်နီ (NSS) - ဇူလိုင် ၂၉

         အော်စကာဆုရှင် မလေးရှားသရုပ်ဆောင် မီရှဲလ်ရိုဟာ ချစ်သူ Ferrari စီအီးအိုဟောင်း ဂျင်တော့ နဲ့ ၁၉ နှစ်ကြာ စေ့စပ်ခဲ့ပြီးနောက် ဆွစ်ဇာလန်မှာ လက်ထပ်ခဲ့ပြီ ဖြစ်တယ်လို့ မင်္ဂလာပွဲကို တက်ရောက်ခဲ့တဲ့ ဘရာဇီးလ်ပြိုင်ကားမောင်းသူ ဖိလစ်မက်ဆာရဲ့ ဇူလိုင်လ ၂၈ ရက်( သောကြာနေ့)က အင်စတာဂရမ်မှာ တင်ခဲ့တဲ့ ပုံရိပ်တွေအရ သိရပါတယ်။

မက်ဆာက မစ်ရှဲတို့ ဇနီးမောင်နှံကို ဂုဏ်ပြုကြောင်း ဆွစ်ဇလန်က ၄င်းတို့ မင်္ဂလာပုံရိပ်တွေနဲ့အတူ Instagram မှာ ပို့စ်တင်ခဲ့တာ ဖြစ်ပါတယ်။  မင်္ဂလာပွဲကို Ferrari ဥက္ကဋ္ဌဟောင်း လူကာဒီမွန်တာဇီမိုလို နဲ့ Formula One Group စီအီးအို စတက်ဖန်နိုဒိုမန်နီကာလီလည်း တက်ရောက်ခဲ့တယ်လို့ သိရပါတယ်။ အသက် ၇၇ နှစ်ရှိ နဲ့ အသက် ၆၀ ရှိ မီရှဲတို့ဟာ ၂၀၀၄  ခုနှစ် ဇွန်လ ၄ ရက်က ရှန်ဟိုင်းမှာ စတင်တွေ့ဆုံခဲ့ပြီး တစ်လအကြာ ဇူလိုင်လ ၂၆ ရက်မှာ စေ့စပ်ခဲ့ကြတာ ဖြစ်ပါတယ်။ စေ့စပ်သက်တမ်း ၁၉ နှစ်ကြာခဲ့ပြီးနောက်မှာတော့ ၄င်းတို့ စုံတွဲဟာ လက်ထပ်ခဲ့ကြပြီဖြစ်ပါတယ်။ 

       မီရှဲဟာ Memoirs Of A Geisha၊ Crazy Rich Asians နဲ့ နာမည်ကျော်ခဲ့ပြီး The Lady၊  Shang-Chi ၊ The Legend Of The Ten Rings အပါအဝင် နာမည်ကြီး ဇာတ်ကားများစွာမှာ ပါဝင်သရုပ်ဆောင်ခဲ့ကာ ကျော်ကြားမှုကို ထိန်းသိမ်းထားနိုင်ခဲ့ပါတယ်။ သူမဟာ ၂၀၂၃ ခုနှစ် မတ်လမှာတော့ Everything Everywhere All At Once ရုပ်ရှင်ကားကြီးနဲ့ အမျိုးသမီး ဇာတ်ပို့ အော်စကာဆုကို ဆွတ်ခူးရရှိခဲ့ပါတယ်။