ထန်းတပင်မြို့၌ အသက်(၁၆)နှစ်အရွယ် အမျိုးသားတစ်ဦး ရေနစ်သေဆုံး
စော (NSS) - ဇူလိုင် ၁၃
ရန်ကုန်တိုင်း၊ ထန်းတပင်မြို့တွင် အသက်(၁၆)နှစ်အရွယ် အမျိုးသားတစ်ဦး ရေနစ်သေဆုံးခဲ့ကြောင်း သိရသည်။
အဆိုပါအမျိုးသားသည် ယမန်နေ့(ဇူလိုင်လ ၁၂ရက်)၊ ညနေ (၄)နာရီ ဝန်းကျင်အချိန်တွင် အထက်ပါကဲ့သို့သေဆုံးခဲ့ခြင်းဖြစ်ကြောင်း ကရုဏာတွဲလက်လူမှုကူညီရေးအသင်းထံမှ သိရသည်။
“သူက တိုက်ဆောက်တဲ့နေရာမှာ အလုပ်လာလုပ်တာပါ။ အဲဒီနေရာမှာ မြေတွေကို ဘတ်ဟိုးတွေနဲ့ တူးထားတော့ ဝါးတစ်ပြန်စာလောက်ရှိတဲ့ ကန်ပုံစံမျိုးဖြစ်နေတာ။ အဲဒီမှာ ခြေထောက်ဆင်းဆေးရင်း နဲ့ချော်ကျသွားတာပါ။ သူနဲ့အတူ သုံးယောက်လဲချော်ကြတယ်။ ဆုံးသွားတဲ့တစ်ယောက် ကကမ်းနဲ့ဝေးသွားလို့ ဆယ်လိုမရတော့ ဆုံးသွားတာပါ။ ကျန်တဲ့သုံးယောက်ကကယ်လို့ရခဲ့ပါတယ်”ဟု ကရုဏာတွဲလက် လူမှုကူညီရေးအသင်းမှ တာဝန်ရှိသူတစ်ဦးက NP News ကိုပြောသည်။
သေဆုံးသူအမျိုးသားသည် မောင်လမင်းထက် (၁၆)နှစ်ဖြစ်ပြီး မြောက်ဥက္ကလာတွင် မောင်နှမသုံးဦးနှင့် အတူနေထိုင်သူဖြစ်ကြောင်း သိရသည်။
လက်ရှိတွင် ၎င်း၏ရုပ်အလောင်းအား လှိုင်သာယာဆေးရုံ ရင်ခွဲရုံမှ ရေဝေးသုသာန်သို့ ပို့ဆောင်ထားကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပြင်သစ်သို့သွားရောက်မည့်ခရီးစဉ်အတွင်း တိုက်လေယာဉ်များနှင့် ရေငုပ်သင်္ဘောများ ဝယ်ယူရန် မျှော်လင့်နေကြောင်း အိန္ဒိယဝန်ကြီးချုပ်မိုဒီ ဆို
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ
16 Sep 2024 | မှုခင်း,ပြည်တွင်း