Pika (NSS) - ဇူလိုင် ၉

မန်ယူအသင်းတွင် (၁၂)ကြာကစားခဲ့သော ဒီဂီယာသည် လက်ရှိနွေရာသီတွင် အသင်းမှထွက်ခွါတော့မည်ဖြစ်ကြောင်း ထုတ်ပြန်ကြေညာခဲ့သည်။

ထို့ပြင် လက်ရှိအချိန်သည် ၎င်း၏ကစားသမားဘဝတွင် စိန်ခေါ်မှုအသစ်တစ်ခုဆီသို့ လျှောက်လှမ်းရန်အချိန်ကျပြီဖြစ်ကြောင်း ဒီဂီယာကပြောဆိုခဲ့သည်။ ဒီဂီယာသည် မန်ယူအသင်းတွင် ဆက်ရှိနေရန်အတွက် စာချုပ်သစ်ချုပ်ဆိုရန် သဘောတူညီမှုပျက်ကွက်ခဲ့ပြီးနောက် အသင်းမှထွက်ခွါတော့မည်ဖြစ် ကြောင်းသိရသည်။ 

ဒီဂီယာထွက်ခွါမှုနှင့်အတူ မန်ယူအသင်းသည် အင်တာမီလန်အသင်းဂိုးသမားအန်ဒရေအိုနာနာကို ခေါ်ယူရန်အတွက် အင်တာမီလန်အသင်းနှင့်ဆွေးနွေးမှုများ လုပ်ဆောင်နေပြီဖြစ်ကြောင်း ESPN ကဖော်ပြခဲ့သည်။ ဒီဂီယာက"မန်ယူအသင်းပရိသတ်တွေအားလုံးကို ဒီနှုတ်ဆက်စကားလေးပေးပို့ချင်ပါတယ်။ ပြီးခဲ့တဲ့ (၁၂)နှစ်အတွင်း ထောက်ခံအားပေးခဲ့ကြတဲ့အတွက် တကယ်ကို ကျေးဇူးတင်မိပါတယ်။ ကျွန်တော့်ကို နည်းပြဖာဂူဆန် ဒီအသင်းကို ခေါ်ဆောင်လာပြီးတည်းက ကျွန်တော်တို့ အောင်မြင်မှုအတော်များများကို အတူတူဆွတ်ခူးနိုင်ခဲ့ပါတယ်။ အခုချိန်က စိန်ခေါ်မှုအသစ်တွေနောက်ကို လိုက်ဖို့ အချိန်ကောင်းပါပဲ"ဟုပြောဆိုခဲ့သည်။

ဒီဂီယာသည် မန်ယူအသင်းအတွက် ပြိုင်ပွဲစုံပွဲပေါင်း(၅၄၅)ပွဲကစားခဲ့ပြီး (၂ဝ၁၃-၂ဝ၁၄)ခုနှစ်တွင် အသင်းနှင့်အတူ ပရီးမီးယားလိဂ်ဆုဖလားကို ဆွတ်ခူးနိုင်ခဲ့ကြောင်းသိရသည်။ ဒီဂီယာသည် (၂ဝ၁၆)ခုနှစ်တွင် FA ဖလား၊(၂ဝ၁၇)ခုနှစ် နှင့်(၂ဝ၂၃)ခုနှစ်တို့တွင် ခါရာဘောင်ဆုဖလားနှင့် (၂ဝ၁၇)ခုနှစ်တွင် ယူရိုပါလိဂ်ဆုဖလားတို့ကို အသင်းနှင့်အတူ ဆွတ်ခူးနိုင်ခဲ့ကြောင်းသိရသည်။