Pika (NSS) - ဇွန် ၂၂

နေမာသည် လက်ရှိနွေရာသီတွင် ဘာစီလိုနာအသင်းသို့ ပြန်လည်ပြောင်းရွှေ့ရန်အတွက် ပီအက်စ်ဂျီအသင်း တာဝန်ရှိသူများကို တွန်းအားပေးနေသော်လည်း  အသင်းတာဝန်ရှိသူများသည် နေမာကို အသင်းမှ ထွက်ခွာခွင့်ပေးနိုင်ဖွယ်မရှိကြောင်း သိရသည်။ 

နေမာသည် စိတ်ပျက်စရာကောင်းသောရာသီတစ်ခုကို ဖြတ်သန်းခဲ့ပြီးနောက် လက်ရှိနွေရာသီတွင် ပီအက်စ်ဂျီ အသင်းမှ ထွက်ခွာရန်ပြင်ဆင်နေပြီး အသင်းအတော်များများနှင့်လည်း ချိတ်ဆက်မှုများရှိနေကြောင်း သိရသည်။ မန်ယူ၊ ချဲလ်ဆီး နှင့် Al-Hilal အသင်းတို့သည်လည်း နေမာကို ခေါ်ယူရန်အတွက် စိတ်အားထက်သန်နေကြ ကြောင်းလည်း သိရသည်။

နေမာသည် ဘာစီလိုနာအသင်းကို ပြန်လည်ပြောင်းရွှေ့ရန် စိတ်အားထက်သန်မှုများရှိနေသော်လည်း သဘော တူညီချက်သည် ရှုပ်ထွေးနိုင်ဖွယ်ရှိကြောင်း SPORT သတင်းစာက ဖော်ပြခဲ့သည်။ နေမာသည် လက်ရှိ နွေရာသီက ၎င်း၏ အစီအစဉ်များထဲတွင် မပါဝင်ကြောင်း ဘာစီလိုနာအသင်းနည်းပြ ဇာဗီက ယခင်က ပြောဆိုခဲ့ဖူးသည်။ 

ထို့အပြင် ဘာစီလိုနာအသင်း၏ လက်ရှိဘဏ္ဍာရေးအခြေအနေသည် အပြောင်းအရွှေ့များကို အပြီးသတ်နိုင်ခြင်းမျိုး မရှိဘဲ အငှားစာချုပ်ဖြင့် ခေါ်ယူနိုင်မည့် အဆင့်တွင်သာရှိနေကြောင်း သိရသည်။ ထို့အပြင် နေမာသည် ဘာစီလိုနာ အသင်းသို့ ပြန်လည်ပြောင်းရွှေ့မည်ဆိုပါက ကြီးမားသည့်လုပ်ခလစာ ဖြတ်တောက်မှုများကိုလည်း လက်ခံရမည် ဖြစ်ကြောင်း သိရသည်။

နေမာသည် ဘာစီလိုနာအသင်းတွင် ကစားချိန်အတွင်း ပြိုင်ပွဲစုံ ပွဲပေါင်း(၁၈၆)ပွဲကစားကာ (၁ဝ၅)ဂိုးသွင်း ယူပေး နိုင်ခဲ့ပြီး ဘာစီလိုနာအသင်းအတွက် (၂ဝ၁၄-၂ဝ၁၅) ရာသီတွင် ဆုဖလားသုံးလုံး ရယူနိုင်ပေးခြင်း အပါအဝင် အဓိက ဆုဖလားများကို ဆွတ်ခူးနိုင်အောင်  ကူညီပေးခဲ့ကြောင်း သိရသည်။