NP News - ဇန်နဝါရီ ၅

စစ်ဦးစီးချုပ်နှင့် တပ်ရင်းမှူးနှစ်ဦးကို ရခိုင်လက်နက်ကိုင်အဖွဲ့တစ်ခုဖြစ်သည့် ULA/AA က အကြမ်းဖက်လုပ်ကြံသတ်ဖြတ်ခြင်းဖြစ်ကြောင်း ရခိုင်ပြည်လွတ်မြောက်ရေးပါတီ(ALP)က ထုတ်ပြန်ကြေညာလိုက်သည်။

ALP ပါတီက ယနေ့ (ဇန်နဝါရီလ ၅ ရက်)တွင် ဗိုလ်ချုပ်ခိုင်စိုးမြနှင့် တပ်ရင်းမှူးနှစ်ဦး လုပ်ကြံခံရခြင်းနှင့်ပတ်သက်၍ ထုတ်ပြန်ကြေညာထားခြင်းဖြစ်သည်။

ALP ပါတီ၏ လက်နက်ကိုင်အဖွဲ့ဖြစ်သော ALA ၏ စစ်ဦးစီးချုပ် ဗိုလ်ချုပ်ခိုင်စိုးမြ၊ အမှတ်(၁ဝ၁) တပ်ရင်းမှူး ဒုတိယဗိုလ်မှူး ကြီးခိုင်ကျော်စိုးနှင့် ဗိုလ်ကြီးခိုင်သူရိန်တို့အား ULA/AA မှ အကြမ်းဖက်လုပ်ကြံခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။

၎င်းတို့(၃)ဦးသည် ဇန်နဝါရီလ ၄ ရက် နံနက် ၈ နာရီကျော်အချိန်တွင် စစ်တွေမြို့၌ ကားဖြင့်သွားနေစဉ် လုပ်ကြံခံရခြင်းဖြစ်ပြီး ကားပေါ်၌ပင် သေနတ်ဒဏ်ရာများစွာဖြင့် ကွယ်လွန်သွားခဲ့ကြောင်း ALP ပါတီက ဆိုသည်။

ထိုသို့ လုပ်ကြံသတ်ဖြတ်ခြင်းသည် ရခိုင်တစ်မျိုးသားလုံးစည်းလုံးညီညွတ်ရေးကို ထိခိုက်ပျက်စီးစေရုံသာမက ရခိုင်ပြည်သူများကိုပါ တုန်လှုပ်ချောက်ခြားစေသည့် အတွက် ALP ပါတီက ပြင်းပြင်းထန်ထန်ကန့်ကွက်ရှုတ်ချထားသည်။

ဗိုလ်ချုပ်ခိုင်စိုးမြသည် ရခိုင်ပြည်လွတ်မြောက်ရေးအတွက် ၁၉၈၄ ခုနှစ်မှစ၍ ALP ပါတီနှင့် ALA တပ်ဖွဲ့တို့တွင် တာဝန်ထမ်းဆောင်ခဲ့သူ ဖြစ်ပြီး အစားထိုးမရသော ဆုံးရှုံးမှုဖြစ်သည်ဟု ထုတ်ပြန်ထားသည်။ ထို့ကြောင့် ULA/AA အနေဖြင့် ပါတီဝင်များနှင့် တပ်ဖွဲ့ဝင်များကို ဖမ်းဆီးနှိပ်စက်ခြင်း၊ လုပ်ကြံသတ်ဖြတ်ခြင်းတို့ကို ဆက်တိုက်ပြုလုပ်နေခြင်းအတွက် တရားမျှတမှုရရှိရေး ဆောင်ရွက်သွားမည်ဖြစ်ကြောင်း ALP ပါတီက ကြေညာထားသည်။

အဆိုပါဖြစ်စဉ်နှင့်ပတ်သက်၍ ULA/AA ဘက်က တစ်စုံတစ်ရာထုတ်ပြန်ပြောဆိုခြင်းမျိုး မတွေ့ရသေးပေ။

zawgyi version

စစ္ဦးစီးခ်ဳပ္ႏွင့္ တပ္ရင္းမႉးႏွစ္ဦးကို ULA/AA က အၾကမ္းဖက္လုပ္ႀကံသတ္ျဖတ္ျခင္းျဖစ္ေၾကာင္း ALP ပါတီ ထုတ္ျပန္

NP News - ဇန္နဝါရီ ၅

စစ္ဦးစီးခ်ဳပ္ႏွင့္ တပ္ရင္းမႉးႏွစ္ဦးကို ရခိုင္လက္နက္ကိုင္အဖြဲ႕တစ္ခုျဖစ္သည့္ ULA/AA က အၾကမ္းဖက္လုပ္ႀကံသတ္ျဖတ္ျခင္းျဖစ္ေၾကာင္း ရခိုင္ျပည္လြတ္ေျမာက္ေရးပါတီ(ALP)က ထုတ္ျပန္ေၾကညာလိုက္သည္။

ALP ပါတီက ယေန႔ (ဇန္နဝါရီလ ၅ ရက္)တြင္ ဗိုလ္ခ်ဳပ္ခိုင္စိုးျမႏွင့္ တပ္ရင္းမႉးႏွစ္ဦး လုပ္ႀကံခံရျခင္းႏွင့္ပတ္သက္၍ ထုတ္ျပန္ေၾကညာထားျခင္းျဖစ္သည္။ ALP ပါတီ၏ လက္နက္ကိုင္အဖြဲ႕ျဖစ္ေသာ ALA ၏ စစ္ဦးစီးခ်ဳပ္ ဗိုလ္ခ်ဳပ္ခိုင္စိုးျမ၊ အမွတ္(၁ဝ၁) တပ္ရင္းမႉး ဒုတိယဗိုလ္မႉး ႀကီးခိုင္ေက်ာ္စိုးႏွင့္ ဗိုလ္ႀကီးခိုင္သူရိန္တို႔အား ULA/AA မွ အၾကမ္းဖက္လုပ္ႀကံျခင္းျဖစ္ေၾကာင္း ထုတ္ျပန္ခ်က္တြင္ ေဖာ္ျပ ထားသည္။

၎တို႔(၃)ဦးသည္ ဇန္နဝါရီလ ၄ ရက္ နံနက္ ၈ နာရီေက်ာ္အခ်ိန္တြင္ စစ္ေတြၿမိဳ႕၌ ကားျဖင့္သြားေနစဥ္ လုပ္ႀကံခံရျခင္းျဖစ္ၿပီး ကားေပၚ၌ပင္ ေသနတ္ဒဏ္ရာမ်ားစြာျဖင့္ ကြယ္လြန္သြားခဲ့ေၾကာင္း ALP ပါတီက ဆိုသည္။

ထိုသို႔ လုပ္ႀကံသတ္ျဖတ္ျခင္းသည္ ရခိုင္တစ္မ်ိဳးသားလုံးစည္းလုံးညီၫြတ္ေရးကို ထိခိုက္ပ်က္စီးေစ႐ုံသာမက ရခိုင္ျပည္သူမ်ားကိုပါ တုန္လႈပ္ေခ်ာက္ျခားေစသည့္ အတြက္ ALP ပါတီက ျပင္းျပင္းထန္ထန္ကန႔္ကြက္ရႈတ္ခ်ထားသည္။

ဗိုလ္ခ်ဳပ္ခိုင္စိုးျမသည္ ရခိုင္ျပည္လြတ္ေျမာက္ေရးအတြက္ ၁၉၈၄ ခုႏွစ္မွစ၍ ALP ပါတီႏွင့္ ALA တပ္ဖြဲ႕တို႔တြင္ တာဝန္ထမ္းေဆာင္ခဲ့သူ ျဖစ္ၿပီး အစားထိုးမရေသာ ဆုံးရႈံးမႈျဖစ္သည္ဟု ထုတ္ျပန္ထားသည္။ ထို႔ေၾကာင့္ ULA/AA အေနျဖင့္ ပါတီဝင္မ်ားႏွင့္ တပ္ဖြဲ႕ဝင္မ်ားကို ဖမ္းဆီးႏွိပ္စက္ျခင္း၊ လုပ္ႀကံသတ္ျဖတ္ျခင္းတို႔ကို ဆက္တိုက္ျပဳလုပ္ေနျခင္းအတြက္ တရားမွ်တမႈရရွိေရး ေဆာင္႐ြက္သြားမည္ျဖစ္ေၾကာင္း ALP ပါတီက ေၾကညာထားသည္။ အဆိုပါျဖစ္စဥ္ႏွင့္ပတ္သက္၍ ULA/AA ဘက္က တစ္စုံတစ္ရာထုတ္ျပန္ေျပာဆိုျခင္းမ်ိဳး မေတြ႕ရေသးေပ။