ပြင်သစ်အမှတ်ပေးနောက်ဆုံးပွဲစဉ်ကို ပါဝင်ကစားပြီးနောက် ဆာဂျီရိုရာမို့စ်က အသင်းမှ ထွက်ခွါတော့မည်
Pika (NP News) - ဇွန် ၃
စပိန်ဂန္တဝင်ကစားသမားတစ်ဦးဖြစ်သကဲ့သို့ ပီအက်စ်ဂျီအသင်း၏ နောက်တန်းကစားသမားဖြစ်သည့် ဆာဂျီရိုရာမို့စ်သည် ဇွန်လ(၃)ရက်ညတွင် Clermont Foot အသင်းနှင့်ကစားမည့် ပြင်သစ်အမှတ်ပေးဖလား ပြိုင်ပွဲ၏ ရာသီနောက်ဆုံးပွဲစဉ်ကို ပါဝင်ကစားပြီးနောက် အသင်းမှထွက်ခွါမည်ဖြစ်ကြောင်း ကစားသမားနှင့် အသင်းတို့ကအတည်ပြုခဲ့သည်။
ဆာဂျီရိုရာမို့စ်နှင့် ပီအက်စ်ဂျီအသင်းတို့ ချုပ်ဆိုထားသော စာချုပ်သက်တမ်းသည် ယခုနွေရာသီတွင် ကုန်ဆုံးမည်ဖြစ်သော်လည်း စာချုပ်သက်တမ်းတိုးခြင်းမျိုးမရှိသောကြောင့် အလွတ်ပြောင်းရွှေ့ကြေးဖြင့် ပြောင်းရွှေ့ခွင့်ရမည်ဖြစ်ကြောင်းသိရသည်။ ဆာဂျီရိုရာမို့စ်က"တကယ်ကို ထူးခြားတဲ့နေ့တစ်နေ့ဖြစ်လာမှာပါ။ ပီအက်စ်ဂျီအသင်းကလူတွေအားလုံးကို နှုတ်ဆက်ရတော့မှာပါ။ ပြိုင်ပွဲတိုင်းကို ကစားခွင့်ပေးခဲ့တဲ့အားလုံးကို ကျေးဇူးတင်ပါတယ်။ အခြားအရောင်တစ်ရောင်နဲ့ ဂျာစီအသစ်ကိုဝတ်ပြီး စိန်ခေါ်မှုအသစ်တွေကို ရင်ဆိုင်ရဦးမှာပါ"ဟုပြောဆိုခဲ့သည်။
ပီအက်စ်ဂျီအသင်း ဥက္ကဋ္ဌ နှင့် စီအီးအို Nasser Al-Khelaifi က"ကျွန်တော်တို့နဲ့အချိန်(၂)နှစ် အတူတူကုန် ဆုံးခဲ့တဲ့ ဆာဂျီရိုရာမို့စ်ကို ကျေးဇူးတင်ပါတယ်။ သူ့ရဲ့အတွေ့အကြုံတွေကို အသင်းအတွက် ပြန်လည် မျှဝေပေးနိုင်ခဲ့တာကလည်း စစ်မှန်တဲ့ ဘောလုံးဂန္တဝင်တစ်ဦးဖြစ်စေခဲ့ပါတယ်။ ပီအက်စ်ဂျီအသင်းမှာ သူ့ကိုရထားခဲ့တာ တကယ်ကို ဂုဏ်ယူစရာပါပဲ။ အသင်းမှာရှိတဲ့လူတိုင်းက သူ့အတွက် အကောင်းဆုံး ဆုမွန်ကောင်းတွေ တောင်းပေးလိုက်ပါတယ်"ဟုပြောဆိုခဲ့သည်။
ဆာဂျီရိုရာမို့စ်သည် ရီးရဲလ်မက်ဒရစ်အသင်းတွင် (၁၆)နှစ်ကြာ ကစားခဲ့ချိန်အတွင်း လာလီဂါဆုဖလား (၅)ကြိမ်နှင့် ချန်ပီယံလိဂ်ဆုဖလား(၄)ကြိမ်ဆွတ်ခူးနိုင်ခဲ့ပြီးနောက် (၂ဝ၂၁)ခုနှစ်တွင် ပီအက်စ်ဂျီအသင်းကို ပြောင်းရွှေ့လာခြင်းဖြစ်သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပြင်သစ်၊ ဗြိတိန်၊ တရုတ်၊ ရုရှားတို့နှင့်အတူ နျူကလီးယားလက်နက်ထိန်းချုပ်ရေး သဘောတူညီစာချုပ်တွင် ပါဝင်ရန်ဆန္ဒရှိကြောင်း အမေရိကန်အစိုးရပြော
RELATED POSTS
01 Aug 2024 | အားကစား,နိုင်ငံတကာ
30 Jul 2024 | အားကစား,နိုင်ငံတကာ
07 Jul 2024 | အားကစား,နိုင်ငံတကာ
23 May 2024 | အားကစား,ပြည်တွင်း