Pearl (NP News) - ဇွန် ၃

မွန်ပြည်နယ်၊ မုဒုံမြို့နယ်ရှိ မော်လမြိုင်-သံဖြူဇရပ်ကားလမ်းတွင်  ကုန်ကားနှစ်စီး တိမ်းမှောက်မှုဖြစ်ပွားပြီး အမျိုးသား(၂)ဦးဒဏ်ရာရရှိခဲ့ကြောင်း မုဒုံအရေးပေါ် လူမှုကယ်ဆယ်ရေးထံမှ သိရသည်။ 

ဖြစ်စဉ်မှာ ယမန်နေ့ (ဇွန်လ၂ရက်)၊ ညနေ (၆)နာရီ (၁၅)မိနစ် အချိန်ခန့်တွင် မုဒုံမြို့နယ်၊ မော်လမြိုင်-သံဖြူဇရပ် အဝေး‌ပြေးလမ်းမကြီး၊ တော်ကူးတံခွန်တိုင်ကျေးရွာအနီးတွင်ဖြစ်ပွားခဲ့ကြောင်း သိရသည်။ 

အဆိုပါ ကျေးရွာအနီးတွင် ပုစွန်ခြောက်များတင်ဆောင်လာသော လားရာတူ‌ ကုန်တင်ယာဉ်နှစ်စီးသည်ကျော်တက်ရင်း တံတားကျဉ်းသို့အရောက်တွင်အရှိန်မထိန်းနိုင်ဖြစ်ကာ တိမ်းမှောက်ခဲ့ကြောင်း သိရသည်။ 

ထိုသို့ တိမ်းမှောက်မှုကြောင့်  ကားရေတိုင်ကီ‌ပေါက်ထွက်ခဲ့ပြီး အမျိုးသား(၂)ဦး ရေနွေးပူလောင်ဒဏ်ရာ ရရှိခဲ့ကြောင်း သိရသည်။ 

လက်ရှိတွင် ၎င်းတို့အား  မော်လမြိုင်ပြည်နယ်ဆေးရုံသို့ပို့ဆောင်‌ပေးထားပြီး စိုးရိမ်ဖွယ်ရာ အခြေအနေမရှိကြောင်း သိရသည်။