NP News - ဧပြီ ၂၇

တရုတ်လေကြောင်းလိုင်းတစ်ခုဖြစ်သည့် Xiamen Airlines ၏ ရှာ့မန် - ရန်ကုန် တိုက်ရိုက် လေကြောင်းခရီးစဉ်ပြေးဆွဲမှုကို ပြန်လည်စတင်လိုက်ပြီဖြစ်ကြောင်းသိရသည်။

အဆိုပါလေကြောင်းခရီးစဉ် ပြန်လည်ပြေးဆွဲမှုကို ယမန်နေ့ (ဧပြီလ ၂၆ ရက်)တွင် ရန်ကုန်အပြည်ပြည် ဆိုင်ရာလေဆိပ်၌ စတင်ခဲ့ခြင်းဖြစ်ကြောင်း အဆိုပါလေကြောင်းလိုင်း၏ ထုတ်ပြန်ချက်အရ သိရသည်။

 ပြန်လည်ပြေးဆွဲခဲ့သည့်ခရီးစဉ်တွင် တရုတ်ပြည်သူ့သမ္မတနိုင်ငံ၊ ရှာ့မန်မြို့မှ ခရီးသည် (၁၅၂) ဦးလိုက်ပါ လာကြောင်းသိရသည်။

Xiamen Airlines မှ ရန်ကုန်မြို့ နှင့် ရှာ့မန်မြို့အကြား အပတ်စဉ် တနင်္လာနေ့၊ ဗုဒ္ဓဟူးနေ့ နှင့် သောကြာ နေ့တိုင်း (တစ်ပတ်လျှင် ၃ ကြိမ်) တိုက်ရိုက်ပျံသန်းပြေးဆွဲပေးသွားမည်ဖြစ်ကြောင်းသိရသည်။

Xiamen Airlines ၏ ရှာ့မန် - ရန်ကုန် တိုက်ရိုက်ခရီးစဉ်သစ်ကို ၂ဝ၁၉ ခုနှစ် ဇွန်လ ၂၂ ရက်တွင်စတင်ခဲ့ပြီး ကိုဗစ်ကပ် ရောဂါများဖြစ်ပွားခဲ့ခြင်းကြောင့် ၂ဝ၂ဝ ခုနှစ် ဖေဖော်ဝါရီလ ၄ ရက်မှ စတင်ကာ ပျံသန်းမှုများကို ရပ်ဆိုင်းခဲ့ခြင်းဖြစ်သည်။ 

၂ဝ၂၃ ခုနှစ် ဇန်နဝါရီလနှင့် ဖေဖော်ဝါရီလအတွင်း မြန်မာနိုင်ငံသို့ လေကြောင်းဖြင့်ဝင်ရောက်သူများ၊ သင်္ဘောြဖင့် ဝင်ရောက်သူများ၊ နယ်စပ်ဝင်ပေါက်မှအတွင်းပိုင်းထိဝင်ရောက်သူများ၊ နယ်စပ်တွင်ဝင် ရောက်သူများ (EP,BP,TBPသည် စုစုပေါင်း (၈၅၉ဝ၃) ဦးရှိခဲ့သည်။

အဆိုပါကာလအတွင်း ဝင်ရောက်ခဲ့သည့် ပြည်ပခရီးသွားများတွင် တရုတ်နိုင်ငံသားများအနေဖြင့် စုစု ပေါင်း (၁၈၈၇၈)ဦးရှိကြောင်းသိရသည်။ 

ကိုဗစ်ကပ်ရောဂါဖြစ်ပွားမှုပြန်လည်လျော့ကျလာပြီးနောက် မြန်မာနိုင်ငံအနေဖြင့် နိုင်ငံတကာလေ ကြောင်းလိုင်းပျံသန်းခြင်းများကို ပြန်လည်ခွင့်ပြုပေးလျက်ရှိရာ တရုတ်လေကြောင်းလိုင်းအချို့လည်း ပါ ဝင်လာသည်ကို တွေ့ရသည်။